ინგლისის პრემიერლიგის XI ტურში “ლესტერ სიტიმ” გასვლაზე “ვესტ ბრომვიჩ ალბიონი” ანგარიშით 3:2 დაამარცხა. აქედან ერთი ბურთი ჯეიმი ვარდიმ გაიტანა. ვარდი პრემიერლიგის ისტორიაში მესამე ფეხბურთელია, რომელმაც ტურნირის ზედიზედ რვა შეხვედრაში მოახერხა გოლის გატანა.
მანამდე ასეთივე სერია რუდ ვან ნისტერლოიმ და დანიელ სტარიჯმა აჩვენეს.
აქვე გეტყვით იმასაც, რომ პრემიერლიგის მიმდინარე გათამაშების ბომბარდირთა დავას ჯეიმი ვარდი 10 გატანილი ბურთით ლიდერობს.
არგენტინელი ნახევარმცველი ესტებან კამბიასო კარიერას საბერძნეთში გააგრძელებს. 35 წლის ფეხბურთელი პირეოსის “ოლიმპიაკოსს” შეუერთდა.
ბერძნული მედიის ცნობით, კამბიასომ კლუბთან ორწლიანი კონტრაქტი გააფორმა, წელიწადში კი ჯამაგირის სახით 2 მილიონ ევროს მიიღებს.
შეგახსენებთ, რომ ესტებან კამბიასო მანამდე ინგლისურ “ლესტერ სიტიში” თამაშობდა. მან გასულ სეზონში 31 მატჩი ჩაატარა, ხუთი გოლი გაიტანა და კლუბის საუკეთესო მოთამაშედაც დასახელდა. ამის მიუხედავად, არგენტინელმა ნახევარმცველმა “ლესტერთან” კონტრაქტის გახანგრძლივება არ ისურვა.
შეგახსენებთ, რომ ესტებან კამბიასო 2004-დან 2014 წლამდე მილანის “ინტერის” ღირსებას იცავდა, რომლის რიგებშიც ჩატარებულ 315 მატჩში 41 გოლი გაიტანა. იგი მანამდე მადრიდის “რეალში”, “რივერ პლეიტსა” და “ინდეპენდიენტეში” თამაშობდა.
ცნობილი იტალიელი სპეციალისტი კლაუდიო რანიერი ამიერიდან „ლესტერ სიტის“ მთავარი მწვრთნელია. 63 წლის სპეციალისტთან კლუბმა სამწლიანი კონტრაქტი გააფორმა.
რანიერის ინგლისში აქამდეც უმუშავია – 2000 წლიდან 2004 წლამდე ის „ჩელსის“ ხელძღვანელობდა, რომელთან ერთადაც ჩემპიონთა ლიგის ნახევარფინალამდე მისვლა მაოხერხა. მისი ბოლო სამუშაო ადგილი საბერძნეთის ნაკრები იყო, რომელიც მან 2014 წლის ნოემბერში დატოვა. რანიერის თავკაცობით ბერძნებმა ევროპის ჩემპიონატის საკვალიფიკაციო რაუნდის ოთხი მატჩი ჩაატარეს და მხოლოდ ერთი ქულა დააგროვეს.
განვლილ სეზონში „ლესტერ სიტიმ“ ნაიჯერ პირსონის თავკაცობით მე-14 ადგილი დაიკავა. ივნისის ბოლოს კლუბის ხელმძღვანელობამ მისი გათავისუფლება გადაწყვიტა.
