მილანის “ინტერის” ყოფილმა ნახევარმცველმა მოახლოებული “დერბი დელა მადონინას” შესახებ ისაუბრა.
“ჩემი პროგნოზი? რაღაც მომენტში “მილანს” გარისკვა მოუწევს, ამიტომ, მგონია, რომ “ინტერი” მოიგებს.
თუ სეზონს მთლიანობაში განვიხილავთ, ვფიქრობ, რომ დერბიში თამაში “როსონერის” უფრო გაუჭირდება. “ინტერი” გაცილებით თანმიმდევრული და დაბალანსებულია, რომელსაც სათავეში შეუდრეკელი მწვრთნელი ჰყავს.
ახლა “მილანზე” უფრო დიდია ზეწოლა. გუნდი ბოლოს ჩატარებულ დერბიში დამარცხდა და სატურნირო ცხრილშიც უფრო ქვემოთ იმყოფება. “როსონერი” უფრო შორს დგას დასახულ მიზნამდე, ვიდრე “ინტერი”, – აღნიშნა კამბიასომ.
მატჩი “მილანსა” და “ინტერს” შორის კვირას, თბილისის დროით 23:45 საათზე დაიწყება.
