ჭდე: ვითა

„კაქტუსი“ – „ვითას“ მატჩისშემდგომ დაჯილდოვების ცერემონიალზე „ვითამ“ მეორე ადგილზე გასული გუნდისთვის განკუთვნილი მედლებისა და სიგელის მიღება იუარა, რის შესახებაც „ა“ ლიგის ოფიციალური ვებსაიტი წერს.

შეგახსენებთ, მატჩი „კაქტუსის“ გამარჯვებით (83:63) დასრულდა, რითიც გუნდმა შემდეგ სეზონში სუპერლიგაში თამაშის უფლება მოიპოვა.

„ვითას“ „ა“ ლიგის მიმდინარე სეზონში „კაქტუსთან“ პირველი წრის მატჩში ტექნიკური წაგება ჩაუთვალეს, რადგან იქამდე კლუბმა მეტოქე გუნდის ამერიკელ ლეგიონერ კლარენს ჯექსონთან კონტრაქტი ფარულად გააფორმა.

„ა-ლიგის“ გადამწყვეტი შეხვედრა, რომელშიც ერთმანეთს „კაქტუსი“ და ვითიბი გაერთიანებული საკალათბურთო ლიგის მონაწილე „ვითა“ შეხვდნენ, „კაქტუსის“ 20-ქულიანი გამარჯვებით (83:63) დასრულდა. ამრიგად, შემდეგ სეზონში სუპერლიგაში თამაშის უფლება „კაქტუსმა“ მოიპოვა.

გადამწყვეტი შეხვედრის წინ არჩილ ჟღენტის გუნდი 26 ქულით სატუნირო ცხრილს ლიდერობდა და „ვითას“ 1 ქულით უსწრებდა.

პირველი მეოთხედი ანგარიშით 20:20 დასრულდა, დიდი შესვენების წინ „კაქტუსი“ 7 ქულით დაწინაურდა (40:33). დარჩენილ ორ მეოთხედში ანგარიშში სხვაობა 13 ქულით გაიზარდა.

გამარჯვებულთა მხრიდან 22 ქულით, 7 მოხსნითა და 4 პასით ჰენრი ფილმა ულიდერა. მასზე 1 ქულით, 2 მოხსნითა და 2 პასით ნაკლები დენიელ უილიამსმა დააგროვა. „ვითას“ რიგებიდან 21 ქულით, 7 მოხსნითა და 3 პასით ყველაზე შედეგიანი ანდე ჯონსი იყო.

„კაქტუსი“ – „ვითა“ 83:63 (20:20, 20:13, 20:14, 23:16)

მატჩის სრული სტატისტიკა

თბილისის „ვითას“ ამერიკელი ლეგიონერი დანიელ ბეჟარანო ვითიბი გაერთიანებულმა საკალათბურთო ლიგამ რეგულარული ჩემპიონატის 27-ე ტურის ყველაზე ღირებულ მოთამაშედ დაასახელა.

„ცმოკი მინსკთან“ მოგებულ შეხვედრაში, რომელშიც „ვითამ“ ლიგაში პირველი გამარჯვება იზეიმა, დანილელი თავისი გუნდის რიგებიდან სტატისტიკურად საუკეთესო იყო – მისმა მონაგარმა 21 ქულა და 6 მოხსნა შეადგინა.

„ვითას“ ყოფილი მთავარი მწვრთნელი პაველ გოოგე გუნდის ვითიბი გაერთიანებულ საკალათბურთო ლიგაში პირველ გამარჯვებას გამოეხმაურა.

„ვითას“ ვითიბის გაერითანებულ საკალათბურთო ლიგაში პირველი მოგების ამბის გაგება გამიხარდა. მოთამაშეებს, სამწვრთნელო შტაბს, კლუბის ხელმძღვანელობასა და დანარჩენებს ამ გამარჯვებას მთელი გულით ვულოცავ.

არ გამიკვირდება, თუ გუნდი სახლში „ასტანასთანაც“ გაიმარჯვებს. მოთამაშეებს სეზონის 2 გამარჯვებით დასრულებას, ხოლო ხელმძღვანელობას პირველი სეზონის წარუმატებლობის შემდეგ სწორი დასკვნის გამოტანას ვუსურვებ“, – განაცხადა გოოგემ Fanebi.com-თან საუბრისას.

ამჟამად ბოლოსწინა ადგილზე მყოფ „ასტანასთან“ საშინაო შეხვედრა „ვითას“ ათ აპრილს ელის.

გოოგე „ვითას“ 2015 წლის დეკემბრის ბოლომდე თავკაცობდა, რის შემდეგაც ის ნიკოლაის მაზურსმა ჩაანაცვლა.

მარიამ ნიშნიანიძის ფოტო:

„ვითას“ მთავარმა მწვრთნელმა ნიკოლაის მაზურსმა ყაზანის უნიკსთან ანგარიშთ 57:81 წაგებული მატჩი შეაფასა.

„მინდა, ყაზანში ქართული დიასპორის წარმომადგენლებს მადლობა გადავუხადო, მათი მხარდაჭერა დღეს დაგვეხმარა. გვესმოდა, რომ მოგების არც ისე ბევრი შანსი გვქონდა, იქამდე ვიდექით, სანამ შეგვეძლო. ბოლოს ძალები აღარ გვეყო. ჯამში, თამაში პოზიტიური გამოდგა, ენერგიითა და თავგანწირვით ვთამაშობდით. კარგად ითამაშა ცენტ ანიკიენკომ, ჩინებული მატჩი ჩაატარა ომარ ტომასმა, მის წინააღმდეგ თავდაცვა რთულია“, – ციტირებს მაიზურსს ვითიბი გაერთიანებული საკალათბურთო ლიგის ოფიციალური საიტი.

ორი კვირის წინ ქართულ კალათბურთში სკანდალი დატრიალდა, რომლის მონაწილე „ა-ლიგაში“ მოასპარეზე ორი კლუბი „ვითა“ და კაქტუსი იყო.

30 იანვარს ამ ორ გუნდს შორის „ა-ლიგის“ მატჩი უნდა გამართულიყო. როგორც გაირკვა, შეხვედრამდე „ვითას“ წარმომადგენლები „კაქტუსის“ ამერიკელ ლეგიონერ კლარენს ჯექსონს დაუკავშირდნენ და ამ მატჩის გაცდენის სანაცვლოდ „ვითას“ შემადგენლობაში ვითიბი ლიგაში თამაშს დაპირდნენ. არადა, მოთამაშეს „კაქტუსთან“ კონტრაქტი აკავშირებდა და მსგავსი ქმედება დაუშვებელი იყო. მატჩის დღეს კალათბურთელი თითქოს გაუჩინარდა – როგორც „კაქტუსის“ მთავარმა მწვრთნელმა არჩილ ჟღენტმა აღნიშნა, მთელი დღის განმავლობაში კლუბის წარმომადგენლებმა ჯექსონი ვერ იპოვეს. საბოლოოდ, გაირკვა, რომ საქმეში სწორედ „ვითა“ ჩართულა.

ამ ფაქტთან დაკავშირებით „კაქტუსმა“ საქართველოს კალათბურთის ეროვნულ ფედერაციაში განცხადება შეიტანა. დღეს კი ეროვნული ფედერაციის გამგეობამ ორივე კლუბის ახსნა-განმარტება მოისმინა და გადაწყვიტა, რომ „კაქტუსსა“ და „ვითას“ შორის შეხვედრაში „ვითას“ ტექნიკური წაგება – 20:0 ჩაეთვალოს. გარდა ამისა, „ვითას“ ამ მატჩში წაგებისთვის განკუთვნილი 1 ქულა ჩამოერთვება, ისევე, როგორც დამატებით კიდევ ერთი მოპოვებული ქულა.

აქედან გამომდინარე, „ა-ლიგის“ სატურნირო ცხრილში ცვლილებაა – ამჟამად პირველ ადგილზე 9 ქულით „კაქტუსმა“ გადაინაცვლა, „ვითა“ კი 8 ქულით მეორე საფეხურზე ჩავიდა.

დღეს, „ახალ სპორტის სასახლეში“, ვითიბი გაერთიანებული საკალათბურთო ლიგის რეგულარული ჩემპიონატის მატჩი გაიმართა, რომელშიც „ვითამ“ ტალინის „კალევი“ მიიღო. იქიდან გამომდიანრე, რომ თბილისელთა დღევანდელი მეტოქე ბოლოსწინა ადგილზე იმყოფება, „ვითასგან“ ამ შეხვედრაში პირველ მოგებას ელიდნენ, თუმცა ნანატრ გამარჯვებას გუნდმა ვერც ამჯერად მიაღწია და მხოლოდ ერთი ქულით – 77:78 დამარცხდა.

„კალევმა“ პირველივე წუთებიდან ინიციატივა მოიპოვა, მისი მთავარი შემსრულებელი კი NBA-ს ერთ-ერთი მთავარი ვარსკვლავის სტეფ კარის მოგვარე მორის კარი იყო. პირველ მეოთხედში მან თამაშიდან 5 შანსი გამოიყენა და მთლიანად „ვითაზე“ მხოლოდ 2 ქულით ნაკლები დააგროვა – მეოთხედი სტუმრებმა 19:15 მოიგეს. კარის სათადარიგოთა სკამზე გადასვლის შემდეგ „კალევი“ არანაკლებად ეფექტურად თამაშობდა. ესტონელთა ყოველი შეტევა ზუსტი სროლით სრულდებოდა, დიდი შესვენების წინ ალან ვარაკის გუნდი 41:30 იგებდა. სათქმელია, რომ „ვითამ“ ბევრი საჯარიმო სროლა ვერ გამოიყენა, რაც, როგორც გაირკვა, საბედისწერო აღმოჩნდა.

მეორე ნახევარში „ვითას“ კალათბურთელებმა ძალები იპოვეს და სხვაობის „-3“-მდე შემცირება შეძლეს. თავის მხვრივ, ამან სტუმრების გააქტიურება გამოიწვია. ტალინელთა მხრიდან როლანს ფრეიმანისმა და გრეგორ არბერმა საკმარისაც კარგად ითამაშებს. სამწუხაროდ, „ვითას“ მეორე ასეთი წარმატებული მონაკვეთისთვის ძალები აღარ ეყოთ. შეხვედრის დასრულებამდე ნახევარი წუთით ადრე ომარ ტომასმა სხვაობა კვლავ 3 ქულამდე შეამცირა, თუმცა სენსაცია ვერ შედგა. მატჩის ბოლოს „ვითას“ ახალწვეულის დანიელ ბერჯარანოს შორეული სროლა ზუსტი გამოდგა, თუმცა მატჩის დასრულებამდე მხოლოდ 0,1 წამი რჩებოდა, ბურთი თამაშში კი სტუმრებს უნდა შეეყვანათ…

არაერთი გამოუყენებელი მომენტის მიუხედავად, „ვითას“ რიგებიდან 28 ქულით საუკეთესო ომარ ტომასი იყო. სტუმართა რიგებიდან 20 ქულით ფრეიმანსი გამოირჩა.

შემდეგი მატჩი „ვითას“ კვლავ სახლში ელის – ქართული კლუბი ოთხშაბათს, 17 თებერვალს, მე-11 ადგილზე მყოფი „ბაიზონს“ შეხვდება.

„ვითა“ – „კალევი“ 77:78 (15:19, 15:22, 25:20, 22:17)

მატჩის სრული სტატისტიკა

მარიამ ნიშნიანიძის ფოტოები: