გუშინ, ინგლისის თასზე „ნოტინგემ ფორესტსა“ და „ვესტ ჰემს“ შორის გამართული შეხვედრა მასპინძლების დიდი უპირატესობით, ანგრიშით 5:0 დასრულდა. მატჩის მიმდინარეობისას, ტელეკამერების ობიექტივში მოხვდა ლონდონელთა პატარა ქომაგი, რომელიც მარცხისგან გამოწვეულ ცრემლებს ვერ იკავებდა.
„ვესტ ჰემმა“ ეს ფაქტი უყურადღებოდ არ დატოვა და ოფიციალურ ვებ-გვერდზე საზოგადოებას ბიჭუნას მოძებნა სთხოვა.
„ვესტ ჰემი“ მომდევნო მატჩზე პატარა ქომაგს ოჯახთან ერთად VIP-ტრიბუნაზე ეპატიჟება, საიდანაც მატჩს კლუბის ხელმძღვანელები ადევნებენ ხოლმე თვალყურს.
ბექა დოგრაშვილი