“ბოკა ხუნიორსის” თავდამსხმელმა პირადად მოუხადა ბოდიში “არგენტინოს ხუნიორსის” 21 წლის ნახევარმცველ ესეკიელ ამს, რომელსაც არგენტინის ჩემპიონატის 25-ე ტურში გამართულ მატჩში ფეხი მოსტეხა.
31 წლის ფორვარდი ახალგაზრდა ფეხბურთელს საავადმყოფოში ეწვია. ხვალ ამს მეორე ოპერაცია უნდა გაუკეთონ.
“მადლობა კარლიტოს ჩემი მონახულებისთვის”, – დაწერა სოციალურ ქსელში ამმა.
არგენტინის ჩემპიონატის 25-ე ტურში “ბოკა ხუნიორსის” თავდამსხმელმა კარლოს ტევესმა “არგენტინოს ხუნიორსის” ნახევარმცველ ესეკიელ ამს ფეხი მოსტეხა.
ინციდენტი შეხვედრის 76-ე წუთზე მოხდა. ამ დროს ტევესს უკვე ჰქონდა მიღებული ყვითელი ბარათი. მთავარმა არბიტრმა არგენტინელ თავდამსხმელს ამ ეპიზოდში გაფრთხილებაც კი არ მისცა.
მატჩი “ბოკა ხუნიორსმა” ანგარიშით 3:1 მოიგო, ტევესმა კი დუბლი შეასრულა.
გთავაზობთ ამ საზარელი ფაქტის ამსახველ ვიდეომასალას.
გაფრთხილება: ვიდეოს ნახვა 18 წლამდე და სუსტი ნერვების მქონე პირებისთვის არ არის რეკომენდირებული.
