30 იანვარს “მანჩესტერ სიტიმ” ბილბაოს “ატლეტიკის” მცველი, ემერიკ ლიაპორტი დაიმატა. 23 წლის ფრანგმა ფეხბურთელმა “ქალაქელებთან” 5-წლიანი ხელშეკრულება გააფორმა. ამ ტრანსფერით პრემიერ ლიგამ თავისი წინა რეკორდი გააუმჯობესა.
Sky Sports-ის მიერ მოპოვებული სტატისტიკური ინფორმაციის თანახმად, ინგლისის პრემიერ ლიგის კლუბებმა 2018 წლის ზამთარში 279.1 მილიონი ფუნტი დახარჯეს, რაც რეკორდული მაჩვენებელი გახლავთ.
ბილბაოს “ატლეტიკის” ოფიციალური ვებ-გვერდის მიერ გავრცელებული ცნობების მიხედვით, გუნდის ვარსკვლავმა, აიმერიკ ლაპორტემ კლუბსა და ფეხბურთელს შორის არსებული კონტრაქტის გაწყვეტისთვის საკმარისი თანხა გადაიხადა.
ოფიციალური წყარო აღნიშნავს, რომ ეს ყოველივე თავად ფეხბურთელის სურვილით მოხდა და ლაპორტეს, რომელიც 2009 წლიდან გამოდის “ატლეტიკში”, ყოველივე საუკეთესოს უსურვებს.
როგორც იცით, ბოლო დროს უცხოურ პრესაში საკმაოდ ბევრს საუბრობდნენ “მანჩესტერ სიტის” ინტერესზე ფრანგი ფეხბურთელის მიმართ და დიდი ალბათობით, სწორედ “ქალაქელებმა” გადაიხადეს კონტრაქტის გაწყვეტისთვის საჭირო 65 მილიონი ევროც.
ბილბაოს “ატლეტიკის” მცველმა, აიმერიკ ლაპორტემ “ეიბართან” გამართული მატჩი (1:1) გამოტოვა. შეხვედრის დასრულების შემდეგ, ბასკური კლუბის თავკაცმა, ხოსე ანხელს სიგანდამ ლაპორტეს მდგომარეობაზე ისაუბრა.
“თამაშის წინ ლაპორტეს ვესაუბრე. ვხვდებოდი, რომ ის საუკეთესო მდგომარეობაში ნამდვილად არ იყო, ამიტომაც გადავწყვიტე, რომ სათადარიგოთა სკამზე განმეწესებინა.
მას თავადაც ვკითხე, გრძნობდა თუ არა თავს კარგად და მითხრა, რომ ნორმალურად დაძინებასაც ვერ ახერხებდა დატვირთული კვირის გამო,” -აცხადებს სიგანდა.
როგორც იცით, ლაპორტე ძალიან მნიშვნელოვანი გადაწყვეტილების წინაშე დგას – მან არჩევანი “ატლეტიკსა” და “მანჩესტერ სიტის” შორის უნდა გააკეთოს, რომელიც მზადაა, 65 მილიონი ევრო გადაიხადოს ტრანსფერში.
უცხოურ პრესაში გავრცელებული ბოლოდროინდელი ცნობების თანახმად, ზამთრის სატრანსფერო ფანჯრის დახურვამდე კიდევ ერთ დიდ ტრანსფერს უნდა ველოდოთ – “მანჩესტერ სიტი” ემერიკ ლაპორტეს კონტრაქტის გამოსყიდვას გეგმავს.
ჯანლუკა დი მარციოს ცნობით, “ქალაქელები” სერიოზულად ფიქრობენ ლაპორტეს ტრანსფერზე და 65 მილიონი ევრო უკვე გამზადებული აქვთ. არ არის გამორიცხული, ეს ტრანსფერი უახლოეს საათებშიც გაოფიციალურდეს.
შეგახსენბეთ, რომ ახალგაზრდა ფრანგი ფეხბურთელი უკვე რამდენიმე წელია, რაც “ატლეტიკის” ძირითადში თამაშობს. 23 წლის მცველსა და ბილბაოს “ატლეტიკს” შორის არსებულ კონტრაქტს ვადა 2020 წლის ივნისის თვეში ეწურება.
აიმერიკ ლაპორტეს, ბილბაოს “ატლეტიკის” ახალგაზრდა მცველს ლაზარეთში საკმაოდ დიდი დროის გატარება მოუწევს, რისი მიზეზიც ესპანეთის ეროვნული ნაკრების რიგებში თამაშისას მიღებული ტრავმაა.
კლუბის განცხადებაში ვკითხულობთ: “პირველადი დათვალიერების საფუძველზე შეგვიძლია ვთქვათ, რომ აიმერიკ ლაპორტეს წვივის ძვალი და მარჯვენა კოჭი აქვს ნაღრძობი.
ბილბაოში დაბრუნებისთანავე მას სპეციალური გამოკვლევა ჩაუტარდება, რომლის შემდეგაც გავიგებთ, თუ რამდენი ხნის გაცდენა მოუწევს მას.”
აქვე შეგახსენებთ იმასაც, რომ ლაპორტე საკმაოდ კარგ ფორმაში იმყოფებოდა, მისი გადაბირება კი პეპ გვარდიოლას სურდა. თუმცა ტრავმამ შესაძლოა პეპის გეგმები შეცვალოს.
თუ ესპანურ გამოცემა Marca-ს დავუჯერებთ, ინგლისური “მანჩესტერ სიტი” კიდევ ერთი ნაბიჯით მიუახლოვდა ბილბაოს” ატლეტიკის” მცველს, აიმერიკ ლაპორტეს.
წყაროს ცნობით, მანჩესტერელები მზად არიან ესპანელი ფეხბურთელის გამოსყიდისთვის საჭირო თანხა გადაიხადონ, რომელიც დაახლოებით 50 მილიონ ევროს უდრის.
როგორც იცით, “მანჩესტერ სიტის” მომავალი თავკაცი, პეპ გვარდიოლა უკვე შეხვდა “ქალაქელთა” ხელმძღვანელებს და სამომავლო გეგმებზე ესაუბრა. ესპანური ჟურნალის ინფორმაციით, სწორედ ლაპორტე იქნება პეპის პირველი შენაძენი.
აღსანიშნავია ისიც, რომ ლაპორტეს საკუთარი გუნდისთვისაც სურს სარგებლის მოტანა, ამიტომაც 50 მილიონზე ნაკლები თანხის შემოთავაზების შემთხვევაში ის უარის თქმას აპირებს. ლაპორტეს კონტრაქტი “ატლეტიკთან” 2019 წელს იწურება.
