ჭდე: უსმან დემბელე

კატალონიის “ბარსელონასა” და უსმან დემბელეს გეგმები აშკარად ჩაშლილია. ფრანგმა ფეხბურთელმა “კამპ ნოუზე” ფეხის მოკიდება ჯერაც ვერ შეძლო, მაშინ, როდესაც კლუბში კონკურენცია უფრო და უფრო იზრდება.

როგორც იცით, “ლურჯ-ბროწეულისფრები” ძალიან ახლოს არიან ანტუან გრიზმანის ტრანსფერის განხორციელებასთან, რომელიც “ატლეტიკოს” მაისურით საოცრებებს სჩადის. შესაბამისად, დემბელეს შანსები მის წინააღმდეგ მიზერული უნდა იყოს.

ერნესტო ვალვერდეს აზრით, გრიზმანის დამატების შემთხვევაში, უმჯობესი იქნება, თუ დემბელე იმ კლუბში გამოსცდის თავის ძალებს, სადაც მუდმივი სათამაშო პრაქტიკა ექნება – რა თქმა უნდა, საუბარია 21 წლის ფეხბურთელსი განათხოვრებაზე.

ცნობისთვის გეტყვით, რომ დემბელეს ტრანსფერის მიმართ ინტერესს “ლივერპულისა” და “პარი სენ-ჟერმენის” ხელმძღვანელები ამჟღავნებენ.

კატალონიის “ბარსელონას” ხელმძღვანელები საკმაოდ აქტიურად განიხილავენ უსმან დემბელეს განათხოვრების ვარიანტს. ამ ინფორმაციას კატალონიური ტაბლოიდი Mundo Deportivo ავრცელებს.

როგორც ცნობილი ხდება, “ლურჯ-ბროწეულისფრები”, რომლებმაც 105 მილიონი ევრო გადაიხადეს 20 წლის დემბელეს ტრანსფერში (40 მილიონი ბონუსებად არის გაწერილი), უკმაყოფილონი არიან ფრანგი ფეხბურთელის თამაშით.

შეგახსენებთ იმასაც, რომ “ბარსელონა” ზაფხულში ანტუან გრიზმანის დამატებასაც გეგმავს. “ატლეტიკოსთან” შეთანხმების მიღწევის შემთხვევაში, ესპანეთის ჩემპიონი მზადაა, დემბელეს გაყიდვის ვარიანტიც განიხილოს.

ლა ლიგის მიმდინარე სეზონში დემბელემ 14 მატჩში მიიღო მონაწილეობა, გაიტანა 1 გოლი და გააკეთა 6 საგოლე გადაცემა.

კატალონიის “ბარსელონას” ახალწვეულის, უსმან დემბელეს რეაბილიტაციის პროცესი ბოლო ფაზაში შედის. “ლურჯ-ბროწეულისფერთა” ოფიციალური ვებ-გვერდი ადასტურებს ინფორმაციას, რომლის მიხედვითაც, ფრანგმა ფეხბურთელმა უკვე ივარჯიშა გუნდთან ერთად.

შეგახსენებთ, რომ დორტმუნდის “ბორუსიას” ყოფილმა ფეხბურთელმა ტრავმა სექტემბრის თვეში, “ხეტაფესთან” მატჩში მიიღო. აღსანიშნავია, რომ ამ ტრავმის წყალობით კატალონიელებმა 10 მილიონი ევროს დაზოგვაც შეძლეს, რაც წესით, გერმანული კლუბისთვის უნდა გადაეხადათ.

როგორც იცით, დემბელე “ბარსელონაში” გასულ ზაფხულს გადაბარგდა 105 მილიონი ევროს სანაცვლოდ და ჯერჯერობით მხოლოდ სამ მატჩში შეძლო ესპანური გრანდის მაისურის მორგება.

კატალონიის “ბარსელონას” ახალგაზრდა ვარსკვლავმა, უსმან დემბელემ, რომელზეც ძალიან დიდ იმედებს ამყარებენ, “ხეტაფესთან” ტრავმა მიიღო (1:2). 20 წლის თავდამსხმელმა დაზიანება მატჩის 29-ე წუთზე მიიღო, ის ჟერარ დეულოფეუმ შეცვალა.

როგორც ცნობილი ხდება, “ლურჯ-ბროწეულისფერთა” ახალწვეულს უკვე ჩაუტარდა პირველადი შემოწმება. ექიმების ცნობით, დემბელეს მარცხენა მუხლის მყესი აქვს დაზიანებული.

მსგავსი დაზიანების სამკურნალოდ კი დაახლოებით სამი კვირაა საჭირო. დემბელეს დაბრუნების ზუსტი თარიღი კი მას შემდეგ გახდება ცნობილი, რაც ფეხბურთელს დაწვრილებით გამოკვლევებს ჩაუტარებენ.

უსმან დემბელემ გასული სეზონი დორტმუნდის “ბორუსიაში” გაატარა, სადაც 32 მატჩში ექვსი გატანილი გოლითა და 12 საგოლე გადაცემით გამოიჩინა თავი.

კატალონიური “ბარსელონას” ფრანგმა ახალწვეულმა, უსმან დემბელემ, რომელზეც საკმაოდ დიდ იმედებს ამყარებენ, კლუბთან კონტრაქტის გაფორმების შემდეგ პრესასთან ისაუბრა.

“ჩემთვის დიდი პატივია ისეთი ფეხბურთელის გვერდით თამაში, როგორიც ლეო მესია. ის ყველა დროის საუკეთესო ფეხბურთელია. აქ იმისთვის მოვედი, რომ ვისწავლო. ბედნიერი ვარ მსოფლიოს საუკეთესო კლუბში რომ მოვხვდი და მინდა ახალ გუნდს ტიტულების მოგებაში დავეხმარო.

ჩემში გადახდილი თანხის ოდენობა არანაირ ბარიერს არ წარმოადგენს, დამატებით ზეწოლას ვერ ვგრძნობ. ეს ჩემი ბრალი არაა, ბოლო დროს სატრანსფერო ფანჯარაზე სიგიჟეები ხდება. ამისთვის ყურადღების მიქცევას არ ვაპირებ.

ნეიმარი დიდებული მოთამაშეა, მსოფლიოში ერთ-ერთი საუკეთესო. მაგრამ მე მასზე უფრო ახალგაზრდა ვარ, ჯერ მხოლოდ 20 წლის ვარ და ყველაფერს გავაკეთებ იმისთვის, რომ უფრო გავძლიერდე,” – აცხადებს უსმან დემბელე.