ჭდე: კოუნტინიო

კატალონიის “ბარსელონა” ნეიმარმა 222 მილიონი ევროს სანაცვლოდ დატოვა. ამის შემდეგ “ბლაგურნას” მესვეურები “პსჟ”-ში გადასული ფეხბურთელის შემცვლელის ძიებაში არიან. ერთ-ერთი რეალიური ვარიანტი მერსესაიდის “ლივერპულის” მოთამაშე, ფილიპე კოუნტინიოა. მის სანაცვლოდ “ბარსამ” ინგლისელებს 80 მილიონი ევრო შესთავაზა, რაზეც უარი მიიღო. მეორე წინადადება 85 მილიონსა და პლუს 15 მილიონს (ბონუსებით) შეეხებოდა. სულ ცოტა ხნის წინ, “ლივერპულმა” ეს შეთავაზებაც დაბლოკა.

დღეს ბრიტანელთა მთავარმა მწვრთნელმა, იურგენ კლოპმა კოუნტინიოს შესაძლო ტრანსფერზე ისაუბრა.

“ლივერპული” არაა ის კლუბი, რომელიც ვარსკვლავებს ყიდის. შესაბამისად, რაც “ბარსელონამ” ბოლოს შემოგვთავაზა, არც ეს გვაინტერესებს. თუ ფინანსური თვალსაზრისით განვიხილავთ, ჩვენ არანაირ ფასად არ გვსურს, ფილიპე სხვაგან გავუშვათ. მთავარი მიზანია, რაც შეიძლება, ძლიერი გუნდი გვყავდეს. ამისთვის საჭიროა, შევინარჩუნოთ უკვე არსებული და დავიმატოთ ახალი ფეხბურთელები,” – აცხადებს გერმანელი.

კატალონიის “ბარსელონამ” ნეიმარი “პსჟ”-ში ასტრონომიულ თანხად, 222 მილიონ ევროდ გაყიდა. ლოგიკურია, რომ ესპანელები ბრაზილიელის შემცვლელს ეძებენ და ერთ-ერთ რეალურ კანდიდატად ფილიპე კოუნტიონიოს განიხილავენ.

მერსესაიდის “ლივერპულის” ლეგენდამ, ჯეიმი კარაგერმა აღნიშნულ შესაძლო ტრანსფერზე ისაუბრა.

“არ ვფიქრობ, რომ მას ახლა “ბარსელონაში” წასვლა სურს. თუმცა, ვიცი, ეს აუცილებლად მოუნდება. როცა შემოთავაზება აქვს, ვის არ მოესურვება კატალონიურ გრანდში თამაში?”

“დარწმუნებული ვარ, ამ ზაფხულში თუ არა, ერთი წლის მერე კოუნტინიო “ბარსელონაში” წავა. მის ამ მოქმედებაში არასწორი არაფერი იქნება. ეს ფეხბურთია და ასეთი რაღაცები ხდება,” – აცხადებს კარაგერი.