2016 წლის ევროპის ჩემპიონატის F ჯგუფში ისლანიისა და უნგრეთის ნაკრებებს შორის მიმდინარე მატჩის დაწყებამდე უსიამოვნო ინციდენტი მოხდა.
უნგრელი ქომაგები სტადიონის სტიუარდებსა და სამართალდამცველებს დაუპირისპირდნენ. მატჩის დაწყებამდე გულშემატკივრები სექტორის ბარიერზე გადაძრომასა და ქომაგების სხვა ჯგუფთან გადასვლას შეეცადნენ, რასაც სტიურდებმა წინააღმდეგობა გაუწიეს. ამას ფიზიკური დაპირისპირება მოჰყვა. საქმეში პოლიცია ჩაერთო, რის შემდეგაც სიტუაცია განიმუხტა.