“მანჩესტერ იუნაიტედის” დამხმარე მწვრთნელის, რუი ფარიას თქმით “წითელი ეშმაკები” მიმდინარე სეზონისგან ტიტულს ნამდვილად არ ელიან და მათი მთავარი მიზანი თამაშის ხარისხის გაუმჯობესებაა.
“ტიტული დავკარგეთ? ამ მომენტში ჩვენთვის გუნდის თამაშის დონე უფრო მნიშვნელოვანია, ვიდრე ტიტული. ჩვენი მიზანი გუნდისგან საუკეთესოს მიღებაა, რასაც დრო სჭირდება.
თავიდანვე ვიცოდით, რომ რთული სამუშაო გველოდა წინ. ბოლომდე ვიბრძოლებთ, რათა რაღაცეები ჩვენს სასიკეთოდ შევცვალოთ. ჩვენი ფეხბურთელების გვჯერა.
გვჯერა, რომ ეს გუნდი შეძლებს ისეთ ძალად ჩამოყალიბებას, რომელიც ბევრ წარმატებას მიაღწევს.” – განაცხადა მან.
