ჭდე: ლორის კარიუსი

“ლივერპულის” მეკარის, ლორის კარიუსის, კატასტროფულად ცუდი ასპარეზობა ჩემპიონთა ლიგის ფინალში (1:3), ერთი მხრივ, მისთვის მომგებიანიც აღმოჩნდა – ეს უკანასკნელი სოციალურ ქსელში ახლა გაცილებით უფრო პოპულარულია, ვიდრე ფინალამდე.

საქმე ის არის, რომ საერთო ჯამში მისი გამომწერების რაოდენობა 71.83 პროცენტით გაიზარდა (+ 1.1 მილიონი). ინსტაგრამზე მისი გამომწერების რაოდენობა თითქმის გაორმაგდა (+92%).

ტვიტერზე ბოლო დღეების მანძილზე კარიუსი კიდევ 91 000-მა მომხმარებელმა გამოიწერა (+24.7%), ფეისბუქზე – 88.400 (+55.7%).

ჩემპიონთა ლიგის ფინალში ნაჩვენები საშინელი თამაშის შემდეგ, რამაც მეტწილად განაპირობა “ლივერპულელთა” მარცხი, ლორის კარიუსს ბევრი მტერი გამოუჩნდა.

ბრიტანულ პრესაში გავრცელებული ცნობების თანახმად, გერმანელ მეკარესა და მის მეგობარ გოგონას სიკვდილით ემუქრებიან. ამ ფაქტთან დაკავშირებით პოლიციამ გამოძიება უკვე დაიწყო.

The Telegraph მუქარის წერილებს საჯაროდ აქვეყნებს:

– “შენც მოგკლავ და შენს მეგობარ გოგოსაც.”

– “შენი შვილები სიმსივნისგან უნდა მოკვდნენ, ღირსნი არიან.”

– ” იმედი მაქვს, მთელი შენი ოჯახი მოკვდება.”

მერსესაიდის “ლივერპულის” მეკარემ, სიმონ მინოლემ, ლორის კარიუსს, რომელმაც ჩემპიონთა ლიგის ფინალში ორი უპატიებელი შეცდომა დაუშვა, თანადგომა გამოუცხადა.

“ვიცი, რასაც გრძნობს. მას ახლა უბრალოდ დრო სჭირდება. კარგი რამ ის არის, რომ სეზონი დასრულებულია და ამ ყველაფრის გასაანალიზებლად და გასაძლიერებლად დიდი დრო გვაქვს.

თუ მას საუბარი დასჭირდება, რა თქმა უნდა, მე მის გვერდით გავჩნდები. ყველა მეკარეს ესმის, მსგავსი მომენტი ყველასთვის ნაცნობია. მეც ვყოფილვარ ასეთ სიტუაციაში, ამ დროს ძლიერი უნდა იყო.

მას ვუთხარი, რომ ფინალში უმიზეზოდ არ გავსულვართ და რომ ამაზე უნდა ეფიქრა. ის ჯერ კიდევ ძალიან ახალგაზრდაა და დარწმუნებული ვარ, რომ ამ ცუდ პერიოდს უკან მოიტოვებს,” – აცხადებს მინოლე.

იურგენ კლოპის “ლივერპული” კარგავს იმ მაგიურობასა და შიშის ფაქტორს, რაც სეზონის სტარტზე გამოიმუშავა, რაშიც ბევრი “ენფილდელი” გუნდის მეკარეს, ლორის კარიუსს ადანაშაულებს.

შეგახსენებთ, რომ სწორედ კარიუსის შეცდომას მოჰყვა “ვესტ ჰემის” მეორე გოლი “ლივერპულის” კარში”. რამდენიმე დღის წინ კი მან რამდენიმე ისეთი გოლი გაუშვა, რომლის აღებაც ნამდვილად შეეძლო. შედეგად კი, ბოლო 2 მატჩში “წითლებმა” 5 ქულა დაკარგეს.

---

Awful from Karius. No idea why he’s leaving such a big space on the right of his goal there.

— Michael (@MichoB93) December 11, 2016

“საშინელი შეცდომა კარიუსის მხრიდან. არ ვიცი, რატომ ტოვებს ამხელა სივრცეს უმეთვალყურეოდ.”

---

Karius is a weak link and teams will target him. Useless goalkeeper. Poor kicking and distribution too.#LFC

— Lovemore Chiduza (@lchiduza) December 11, 2016

“კარიუსი სუსტი რგოლია. გუნდები სწორედ მას დაუმიზნებენ. უსარგებლო მეკარეა. ფეხითაც საშინლად არტყამს და განაწილებაც არ გამოსდის.”

---

Has anyone ever seen Karius' hands? I'm starting to think he just stuffs his gloves with wet toilet paper.

— daniel (@_danielosborne) December 11, 2016

“ვინმეს, ოდესმე უნახავს კარიუსის ხელი? ახლაღა ვხვდები, ალბათ ხელთათმანები უბრალოდ ტუალეტის ქაღალდებით აქვს გამოტენილი.”

---

Would rather Clemence or Grobellaar as they are now than karius…#lfc Him, Bravo and Gomes worst three keepers in the league

— Alan Whittle (@redowl2) December 11, 2016

“ალბათ კლიმენსი და გრობელაარი ახლაც უფრო უკეთ ითამაშებენ… ის, ბრავო და გომესი – ლიგის ყველაზე ცუდი მეკარეები.”

ინგლისური “ლივერპულის” ლეგენდამ, ჯეიმი კარაგერმა მერსესაიდელთა გერმანელი მეკარე, ლორის კარიუსი გააკრიტიკა, რომლის შეცდომებიც “ბორნმუთთან” განცდილი მარცხის (4-3) გამომწვევი ერთ-ერთი მთავარი მიზეზი გახლდათ.

“ლივერპულის” რიგებში ჩატარებულ რვა მატჩში მას ისეთი არაფერი გაუკეთებია, რაც დაამტკიცებდა, რომ ის საკმარისად ძლიერია ასეთ დონეზე სათამაშოდ.

მან ჯერ კიდევ ვერ მოახერხე ჩემი მოხიბლვა. მართალია, დასკვნების გამოტანა ადრეა, მაგრამ ფაქტია, რომ მან თამაშის ხარისხზე ბევრი უნდა იმუშავოს.

როდესაც შენი დაცვა დიდი წნეხის ქვეშაა მოქცეული, ზოგჯერ მეკარემაც უნდა გააკეთოს თავისი საქმე და განმუხტოს სიტუაცია, ის კი ძალიან შორს იყო აქიდან (ფრეიზერის გოლის მომენტში).” – განაცხადა მან.