ტურინის “იუვენტუსის” კაპიტანმა, ჯანლუიჯი ბუფონმა განაცხადა, რომ მას ჩემპიონთა ლიგის მეოთხედფინალში “ლესტერთან” შეხვედრა არ სურს.
“ერთადერთი გუნდი, რომელთან შეხვედრაც არ მსურს, “ლესტერია”. ისინი ძალიან მოტივირებულები არიან და იციან, როგორ უნდა მოუგონ უძლიერეს გუნდებს. ჩვენ ყველაფერი გვაქვს იმისათვის, რათა მათთან დავმარცხდეთ”, – ციტირებს ბუფონის სიტყვებს Goal.Com.
შეგახსენებთ, რომ ჩემპიონთა ლიგის მეოთხედფინალური ეტაპის კენჭისყრა პარასკევს გაიმართება.
დასრულდა პრემიერ ლიგის 26-ე ტური. წინ მიიწევს ლიდერი ლონდონის “ჩელსი”, რომელმაც საკუთარი მატჩი “სუონსი სიტისთან” ჩაატარა და უპრობლემოდ მოიგო (3:1). იმარჯვეს “ტოტენჰემაც” და “ევერტონმაც”. მანჩესტერულ გრანდებსა და “არსენალს”, “საუთჰემპტონთან” ერთად, ინგლისის ლიგის თასის ფინალის გამო, არ უთამაშიათ. გუშინდელ შეხვედრაში “ლესტერ სიტიმ” მოულოდნელად დაამარცხა (3:1) “ლივერპული”.
Goal.Com-ი 26-ე ტურის სიმბოლურ გუნდს გვთავაზობს.
ლორისი, ვან აანჰოლტი, ევანსი, მაკოლი, კოულმენი, გეიე, ფაბრეგასი, ალი, ერიკსენი, პედრო, კეინი.
ლონდონის “არსენალის” მთავარმა მწვრთნელმა, არსენ ვენგერმა “ჩელსის” ნახევარდაცვის ბურჯზე, ნ’გოლო კანტეზე ისაუბრა. ფრანგმა განაცხადა, რომ მისი თამამემამულის შეძენას ორს სხვადასხვა შემთხვევაში ცდილობდა.
“ვუყურე “ლივერპულისა” და “ჩელსის” შორის გამართულ შეხვედრას. იმ თამაშში ლონდონელების ქულის მოპოვებაში განუსაზღვრელი წვლილი ნ’გოლომ შეიტანა. სულაც არაა გასაკვირი, რომ ლონდონელები ახლა იმ პოზიციაზე იმყოფებიან, სადაც ადრე “ლესტერი” იყო. კანტეს მიერ, “მელიების” დატოვების შემდეგ კი მათი ნახევარდაცვა ისეთი ეფექტური ვეღარ არის.”
“რა თქმა უნდა, კონტეს გუნდის წარმატებაში დიდ როლს კოშტა და აზარი თამაშობენ, თუმცა კანტეც შეუდარებელია. მისი გავლენა აშკარად შესამჩნევია.”
“მიცდია თუ არა მისი შეძენა? დიახ, თანაც, ორ სხვადასხვა დროს: როცა ის საფრანგეთში თამაშობდა და, ასევე, “ლესტერში” ასპარეზობის დროს. დეტალებს ვერ გეტყვით, თუმცა სამწუახროა, რომ ყველაფერი ასე მოხდა, ” – განაცხადა ვენგერმა.
ბოლო დროს “ლესტერ სიტის” თავდამსხმელს, ისლამ სლიმანის აქტიურად უკავშირებენ ჩინურ “ტიანძინ ქუანძიანს”, რომელსაც ფაბიო კანავარო წვრთნის. ვრცელდებოდა ხმები, რომ ალჟირელში აზიელები 38.5 მილიონ ფუნტს იხდიდნენ.
ფეხბურთელზე, რომელიც გასულ ზაფხულს მივიდა ინგლისურ კლუბში, “მელიების” მთავარ მწვრთნელს, კლაუდიო რანიერის კითხვა დაუსვეს.
“დაგვტოვებს თუ არა ის? არცერთ შემთხვევაში. გთხოვთ, არ აყვეთ სპეკულაციებს. სლიმანი “ლესტერის” ფეხბურთელია და ის, მინიმუმ, მომავალ ზაფხულამდე ჩვენი გუნდის ღირსებას დაიცავს,” – აცხადებს რანიერი.
სულ ცოტა ხნის წინ “ლესტერ სიტი” ესპანლემა ფეხბურთელმა, ლუის ერნანდესმა ოფიციალურად დატოვა. ტრანსფერის შესახებ “მელიების” გვერდი იტყობინება. იგი “მალაგაში” გააგრძელებს კარიერას.
27 წლის მცველი “ლესტერში” ხიხონის “სპორტინგიდან” გასულ ზაფხულს ჩაირიცხა და მან გუნდთან ოთხწლიან კონტრაქტს მოაწერა ხელი. თუმცა, ნახევარი სეზონის განმავლობაში, მხოლოდ და მხოლოდ, 8 შეხვედრა ჩაატარა.
აქვე გეტყვით, რომ ლუისი მადრიდის “რეალის” აღზრდილია. სწორედ “ბლანკოსიდან” გადავიდა იგი ხიხონურ კლუბში.
6 იანვარს აფრიკის საუკეთესო ფეხბურთელის დაჯილდოვების ცერემონია გაიმართა. საბოლოოდ, აღნიშნული პრიზი რიად მაჰრეზს ხვდა წილად, რომელმაც პრემიერ ლიგის მოგება გასულ სეზონში “ლესტერ სიტისთან:” ერთად მოახერხა.
საგულისხმოა, რომ მეორე ადგილზე გაბონელი ფეხბურთელი, პიერ-ემერიკ ობამეიანგი გავიდა, რომელიც ძალიან უცნაურად ჩაცმული მივიდა დაჯილდოვებაზე. ეს ყველაფერი მაშინ, როცა სხვები ოფიციალურად იყვნენ გამოწყობილნი. ობამეიანგმა მიზეზად ის დაასახელა, რომ ბარგი დაეკარგა და, საბოლოოდ, ასე ჩაცმა მოუწია.
ომარ მომანიმ დაჯილდოვების ცერემონია ასე დაინახა
“სტოკ სიტის” უელსელმა ნახევარმცველმა, ჯო ალენმა უკმაყოფილება გამოთქვა დღევანდელი მატჩის გამო, რომელშიც “სტოკმა” “ლესტერთან” ორბურთიანი უპირატესობის შენარჩუნება ვერ მოახერხა.
“ფაქტი სახეზეა, ორი ქულა დავკარგეთ. 10-კაციანი გუნდის წინააღმდეგ ვთამაშობდით, მატჩსაც ვაკონტროლებდით, თუმცა სასურველი შედეგი მაინც ვერ მივიღეთ.
ორი ქულა გავანიავეთ, რაშიც ჩვენი თავი უნდა დავადანაშაულოთ. ეს ძალიან მტკივნეულია. 10-კაციან გუნდთან, ორბურთიანი უპირატესობის ქონისას, შესაძლოა ერთი გოლი გაუშვა, მაგრამ ორის გაშვება – საშინელებაა.
25 წუთის შემდეგ მეგონა, რომ ყველაფერი ისე იქნებოდა, როგორც ჩვენ გვინდოდა და მესამესაც გავიტანდით, თუმცა ასე არ მოხდა.
ისიც აღსანიშნავია, რომ “ლესტერმა” ბოლომდე იბრძოლა, რაც ნამდვილად დასაფასებელია.” – განაცხადა ჯო ალენმა, რომლის გუნდიც 21 ქულით მე-11 ადგილზე იმყოფება.
იტალიური გამოცემა, Tuttosport-იტყობინება, რომ ტურინის “იუვენტუსი” სერიოზულად არის დაინტერესებული ანდალუსიის “სევილიას” ნახევარმცველით, სტივენ ნ’ზონზით. “ბებერი ქალბატონი” 26.5 მილიონ ფუნტს იხდის ნახსენებ სპორტსმენში.
შეგახსენებთ, რომ 27 წლის საყრდენი 2015 წლის ზაფხულში გადავიდა ესპანურ კლუბში “სტოკ სიტიდან” და სეზონ-ნახევრის მანძილზე რამდენიმე სერიოზული გუნდის ყურადღება მიიპყრო.
იტალიელების გარდა, ფრანგი ფეხბურთელი “ბარსელონას”, “ლესტერს” (კანტეს ადგილის შესავსებად) და “ჩელსის” სურთ. საინტერესოა, როგორ განვითარდება ზამთარში მოვლენები.
10 დეკემბერს პრემიერ ლიგის მე-15 ტურის შეხვედრაში “ლესტერ სიტი” “მანჩესტერ სიტის” დაუპირისპირდა და მეტოქე, ანგარიშით, 4-2 დაამარცხა. საგულისხმოა, რომ ჰეთრიკის შესრულება მოახერხა “მელიების” თავდამსხმელმა, ჯეიმი ვარდიმ.
ცნობილი კარიკატურისტის, ომარ მომანის აზრით, მას შემდეგ, რაც ინგლისელმა შემტევმა “სიტის” გადაუარა, მანჩესტერული კლუბის მთავარი მწვრთნელი, პეპ გვარდიოლა ასე მოიქცა.
იხილეთ ფოტო
ინგლისის პრემიერ ლიგის მეათე ტურის ცენტრალურ მატჩს ლონდონმა უმასპინძლა, სადაც ადგილობრივმა “ტოტენჰემმა” ინგლისის მოქმედი ჩემპიონი მიიღო. მატჩი საკმაოდ დაძაბული გამოდგა და ფრედ, ანგარიშით 1-1 დასრულდა.
შედეგად ორივე გუნდმა 1-1 ქულა დაიმატა. ამჟამად “ტოტენჰემი” 20 ქულით მე-4 პოზიციას იკავებს, “ლესტერ სიტი” კი 12 ქულით მე-11 ადგილზე იმყოფება.
“ტოტენჰემი”: ჰუგო ლორისი; დენი როუზი, ვერტონგენი, დაიერი, უოლკერი; დემბელე, ვანიამა; სონი, დელე ალი, ერიქსენი; იანსენი.
მთავარი მწვრთნელი: მაურისიო პოჩეტინო.
“ლესტერ სიტი”: შმეიხელი; სიმფსონი, მორგანი, ჰუტი, ფუქსი; მაჰრეზი, დრინქვოთერი, კინგი, მუსა (შლუპი 68′); ოკაზაკი (ულოა 78′), ჯეიმი ვარდი.
მთავარი მწვრთნელი: კლაუდიო რანიერი.
მართალია, რიად მაჰრეზის გოლებს ფეხბურთის გულშემატკივარი უკვე მიეჩვივნენ, თუმცა დაკვირვებული ფანები შეამჩნევდნენ, რომ მაჰრეზის ზურგზე ყველაფერი ისე არ იყო, როგორც ბოლო დროს.
ალჟირელმა ფლეიმეიკერმა “კოპენჰაგენის” კარში გოლის გატანა მე-40 წუთზე მოახერხა, თუმცა უფრო გასაკვირი ის იყო, რომ მას უკან სახელი და ნომერი განსხვავებულად ეწერა.
რატომ აწერიათ განსხვავებული შრიფტით ფეხბურთელებს სახელი და ნომრები საშინაო ჩემპიონატებში და ევროპულ ტურნირებზე?
პასუხი მარტივია. პრემიერ ლიგასა და ჩემპიონთა ლიგას განსხვავებული სტანდარტები გააჩნიათ, მაგალითად ფეხბურთელის სახელის მაისურზე დატანისას 7.5 სანტიმეტრზე უფრო მაღალი შრიფტი არ უნდა იქნას გამოყენებული. ნომრები კი 25-35 სანტიმეტრებში უნდა ჯდებოდეს.
18 ოქტომბერს ჩემპიონთა ლიგის ჯგუფური ეტაპის მესამე ტურის შეხვედრები გაიმართა. ერთ-ერთ მათგნაში “ლესტერ სიტიმ” “კოპენჰაგენი”, ანგარიშით, 1-0 დაამარცხა და 9 ქულით საკუთარ ჯგუფს ლიდერობს.
აღსანიშნავია, რომ ინგლისური კლუბი გახდა ჩემპიონთა ლიგის მეხუთე დებიუტანტი, რომლმაც პირველი სამი სადებიუტო შეხვედრის მოგება მოახერხა.
