იტალიის სერია A-ს XVII ტურში ტურინის “იუვენტუსსა” და მილანის “ინტერს” შორის გამართული მატჩის დებიუტში მასპინძელთა ნახევარმცველმა არტურო ვიდალმა მეტოქის საჯარიმო მოედანზე ეფექტური მოძრაობით ხელსაყრელ პოზიციაზე გადაინაცვლა და კარლოს ტევესს საგოლე გადაცემა გაუკეთა.
ტურინის “იუვენტუსი” მზად არის, იანვარში ნახევარმცველ არტურო ვიდალის სატრანსფერო შემოთავაზებები განიხილოს. 27 წლის ჩილელ ფეხბურთელს ბოლო პეროდში დისციპლინური პრობლემები აქვს. გასულ პარასკევს ვიდალი დისკოთეკაზე გახლდათ, რის გამოც დილის ვარჯიშზე დაგვიანა. ამის გამო კლუბმა ფეხბურთელი 100 ათასი ევროთი დააჯარიმა და “რომას” წინააღმდეგ გამართულ მატჩში ძირითად შემადგენლობაში არ შეიყვანა.
ზაფხულის სატრანსფერო პერიოდში “იუვენტუსმა” არტურო ვიდალი “მანჩესტერ იუნაიტედში” არ გაუშვა, თუმცა იტალიურ პრესაში იწერება, რომ ტურინში ჩილელ ფეხბურთელს ხელშეუხებელ ფიგურად აღარ თვლიან.
Football Italia-ს ცნობით, “იუვენტუსი” არტურო ვიდალს 35 მილიონ ევროდ შეელევა.
იტალიური პრესის ცნობით, ტურინის “იუვენტუსმა” კლუბის ნახევარმცველი არტურო ვიდალი 100 ათასი ევროთი დააჯარიმა.
ჩილელმა ფეხბურთელმა ვარჯიშზე დაიგვიანა, რასაც გუნდის მხრიდან შესაბამისი სანქცია მოჰყვა.
სხვათა შორს, ეს ვიდალის მხრიდან დისციპლინის დარღვევის პირველ შემთხვევა არ გახლავთ და რა გასაკვირია, რომ “იუვენტუსის” ხელმძღვანელობას მოთმინების ფიალა აევსო.
“სქაი სპორტსის” ცნობით, ტურინის “იუვენტუსის” ნახევარმცველი არტურო ვიდალი ახლობლებთან საუბრისას გამოტყდა, რომ კლუბიდან წასვლაზე ფიქრობს.
თუმცა, თავად ფეხბურთელის სურვილზე ნაკლებია დამოკიდებული. “იუვეს” ხელმძღვანელობამ უკვე განაცხადა, რომ ვიდალს მხოლოდ იმ შემთხვევაში შეელევიან, თუ მსურველი მის სანაცვლოდ 50 მილიონ ევროს გადაიხდის.
ჩილელ ნახევარმცველს “ბებერ სინიორასთან” მოქმედი კონტრაქტი 2017 წლის ზაფხულში ეწურება.
არტურო ვიდალის მთავარ მსურველად “მანჩესტერ იუნაიტედი” სახელდება.
„იუვენტუსის“ ნახევარმცველმა არტურო ვიდალმა განაცხადა, რომ ტურინულ კლუბში ის მნიშვნელოვნად გაიზარდა.
„იუვენტუსში“ გადმოსვლის დღიდან ძალიან შევიცვალე, მნიშვნელოვნად განვვითარდი. აქ ყველასგან სხვადასხვა რამ ვისწავლე, ყველაზე მეტი კი ანდრეა პირლომ და ჯანლუიჯი ბუფონმა მასწავლეს. მათ კარიერის განმავლობაში ყველაფრის მოგება მოახერხეს. ძალიან გამიმართლა, რომ მათთან ერთად ვთამაშობ“, – ვიდალის სიტყვებს Football Italia ციტირებს.
შეგახსენებთ, რომ ვიდალი „იუვენტუსში“ 2011 წელს გადავიდა. მანამდე ის ლევერკუზენის „ბაიერის“ ღირსებას იცავდა.
„მუნდო დეპორტივოს“ ცნობით, ტურინის „იუვენტუსი“ მზად არის, ზაფხულის სატრანსფერო პერიოდში ცენტრალურ ნახევარმცველ არტურო ვიდალს შეელიოს.
ფეხბურთელის პოტენციურ მყიდველს 50 მილიონი ევროს გაღება მოუწევს. მთავარ პრეტენდენტად „ბარსელონა“ სახელდება, რომელიც ნებისმიერ მომენტში მზად არის, მოლაპარაკება დაიწყოს. თუმცა, ვიდალის დასახელებულმა სატრანსფერო ღირებულებამ შესაძლოა, კატალონიელებს ფეხბურთელის შეძენაზე უარი ათქმევინოს.
იტალიის ჩემპიონატის მიმდინარე გათამაშებაში ვიდალმა 26 მატჩი ჩაატარა, 11 გოლი გაიტანა და ექვსი შედეგიანი პასიც მიითვალა.
ტურინის „იუვენტუსის“ ნახევარმცველი არტურო ვიდალი მადრიდის „რეალის“ ზაფხულის მთავარ სატრანსფერო მიზნად იქცა.
ჩილელი ფეხბურთელი „სამეფო კლუბის“ ინტერესის სფეროში გასულ ზაფხულს მოხვდა, თუმცა აღნიშნული გარიგების განხორციელებას ასიერ ილიარამენდის და გარეტ ბეილის ტრანსფერებმა, ასევე ილკაი გიუნდოგანთან არსებულმა შეთანხმებამ შეუშალა ხელი.
როგორც ჩანს, „რეალის“ მთავარი მწვრთნელი კარლო ანჩელოტი ვიდალის დავიწყებას არ აპირებს. კლუბი მზად არის, 26 წლის ნახევარმცველის შესაძლო ტრანსფერთან დაკავშირებით „იუვენტუსთან“ მოლაპარაკებები დაიწყოს.
ვიდალის მიმართ ინტერესს „მანჩესტერ იუნაიტედიც“ იჩენს.
ბექა დოგრაშვილი
გასული ღამით უცნობი პირები ტურინის „იუვენტუსისა“ და ჩილეს ეროვნული ნაკრების ნახევარმცველის არტურო ვიდალის სახლში შეაღწიეს და ფეხბურთელის სეიფის გატეხვა მოახერხეს.
თავდაპირველი ინფორმაციით, ტურინელთა შუახაზელს 60 ათასი ევრო და 90 ათასი ევროს საფასურის ნივთები მოპარეს.
ინციდენტის დროს სახლში არავინ იმყოფებოდა.
ალექსანდრე მატევოსოვი
