იტალიური “ტორინოს” ფორვარდი, ანდრეა ბელოტი ბრწყინვალე ფორმაში იმყოფება.
ეს უკანასკნელი სერია ა-ს უსწრაფესი ჰეთ-ტრიკის ავტორი გახდა (ბოლო 17 წლის მანძილზე), შეძლო რა შვიდწუთიან მონაკვეთში “პალერმოს” კარში სამი გოლის გაეტანა.
ცნობისთვის გეტყვით, რომ ბელოტიზე უკეთესი შედეგი ანდრეი შევჩენკომ 2000 წელს აჩვენა, როდესაც ის ჯერ კიდევ “მილანის” ღირსებას იცავდა. მან 69-76 წუთების მანძილზე სამი გოლი გაიტანა და გუნდსაც მოაგებინა.
The Sun-ის მიერ გავრცელებული ინფორმაციის თანახმად, იტალიური “ტორინოს” თავდამსხმელმა, ანდრეა ბელოტიმ ორი ინგლისური გრანდის, “არსენალისა” და “ლივერპულის” ყურადღება მიიპყრო.
გავრცელებული ინფორმაციის თანახმად, არსენ ვენგერის “არსენალი” იტალიელი ფეხბურთელის ტრანსფერის განხორციელებას ზაფხულშიც ცდილობდა, თუმცა ამაოდ.
ბელოტის სანაცვლოდ კი “მეთოფეებმა” გუნდში ლუკას პერესი მოიყვანეს.თუმცა, დენი უელბეკის ტრავმიანობა ვენგერისათვის კვლავ დიდ პრობლემას წარმოადგენს. ამიტომაც მიუბრუნდა ის “ტორინოს” ფორვარდს.
რაც შეეხება “ლივერპულელთა” პოზიციას, მერსესაიდელთა დამრიგებელი, იურგენ კლოპი თვლის, რომ 22 წლის ბელოტი სწორედ ის ფეხბურთელია, რომელიც მის გუნდს სჭირდება.
აქვე გეტყვით იმასაც, რომ ბელოტის შეძენა საკმაოდ დაბალ ფასად, 12.5 მილიონ ფუნტად არის შესაძლებელი.
