“დინამო დრეზდენი” გერმანიის თასის ეგიდით, 20 აგვისტოს გამართულ მატჩში მომხდარი ინციდენტების გამო 60 000 ევროთი დააჯარიმეს.
როგორც იცით, “რედ ბულის” მიერ დაფინანსებული კლუბი გერმანიაში დიდი პოპულარობით ვერ სარგებლობს. ამასთანავე, გერმანული ბუნდესლიგის ახალწვეულ კლუბს ფანების მიმართ უპატივცემულობაშიც სდებენ ბრალს.
პროტესტი “ლაიფციგის” პოლიტიკისადმი “დრეზდენის” გულშემატკივრებმა მოედანზე ხარის მოჭრილი თავის სროლითა და რამდენიმე შეურაცხმყოფელი ბანერის გამოფენით გამოხატეს.
გარდა ამისა, გერმანიის თასის დისციპლინარულმა კომიტეტმა დრეზდენელთა გულშემატკივართათვის სტადიონის კარები ჩაკეტა – მომდევნო მატჩში, რომელიც 20 ნოემბერს უნდა გაიმართოს, “დინამო” ცარიელი სტადიონების ფონზე ითამაშებს.
Bullenkopf-Wurf: #DFB bestraft #Dynamo Dresden https://t.co/3hQR0j9wNw pic.twitter.com/ezM4tTmlTn
— SPORT BILD (@SPORTBILD) November 7, 2016