ჭდე: ჯერარდ დეულოფეუ

მერსესაიდული “ევერტონის” მთავარი მწვრთნელი, რონალდ კუმანი აღიარებს, რომ ჯერარდ დეულოფეუს სურვილის შემთხვევაში, კლუბის დატოვების უფლება გააჩნია.

შეგახსენებთ, რომ ესპანელი ფეხბურთელის გადაბირებით, რომელსაც ბოლო დროს “გუდისონ პარკზე” არასაკმარისი სათამაშო პრაქტიკა აქვს, იტალიური “მილანია” დაინტერესებული.

“ჯერარდს უკვე ვესაუბრე, მისი სიტუაცია საკმაოდ რთულია. თუ ის კლუბიდან წასვლასა და საკმარისი სათამაშო დროის მიღებაზე გააკეთებს აქცენტს, მას ამის უფლებას მივცემთ.”

კუმანმა იაგიელკაზეც ისაუბრა და აღნიშნა, რომ გასასვლელი კარი მისთვისაც ღიაა: “ამ შემთხვევაში ყველაფერი იმაზეა დამოკიდებული, თუ როგორ შეთავაზებებს მივიღებთ.”

მერსესაიდული “ევერტონის” ნახევარმცველი, ჯერარდ დეულოფეუ თვლის, რომ ახალ სეზონს ის უფრო გაზრდილი შეხვდა და საკუთარი ადგილისთვის ბოლომდე აპირებს ბრძოლას.

“დიახ, ახლა უფრო მომწიფებული ვარ. ჩემი თამაშის სტილი სრულიად შეიცვალა. ყოველდღიურ ვარჯიშებს უფრო გაგებით ვეკიდები, როგორც პროფესიონალი.

რაც შეეხება გუნდის ამჟამინდელ ფორმას, ვთვლი, რომ საკმაოდ კარგად ვასპარეზობთ. რაც მთავარია, ჩვენის საქმის კეთებით დიდ სიამოვნებას ვიღებთ. პრემიერ ლიგა საკმაოდ გრძელი ტურნირია, ბევრი რამ შეიძლება მოხდეს.

ახლა მთლიანად ჩემს თავზე ვარ კონცენტრირებული. ვიცი, რომ უფრო რეგულარულად უნდა ვითამაშო, რაც წარმატებების მისაღწევად აუცილებელი პირობაა.” – განაცხადა ესპანელმა.