ჭდე: რონალდ კუმანი

მიმდინარე სეზონში “ევერტონი” არც თუ ისე კარგად გამოიყურება, ამიტომაც გუნდის ხელმძღვანელობა რონალდ კუმანის დათხოვნაზე ფიქრობს.

ცნობილი გამოცემა The Mirror-ი ავრცელებს ინფორმაციას, რომ ლივერპულელები დევიდ მოიესის კანდიდატურას განიხილავენ, ის თერთმეტი წლის განმავლობაში წვრთნიდა “ევერტონს” და სწორედ მოიესის ხელში მიაღწია ამ გუნდმა წარმატებას, ამის შემდეგ მან “მანჩესტერ იუნაიტედს” მიაშურა, სადაც ლეგენდარული ალექს ფერგიუსონი ჩაანაცვლა, მაგრამ “იუნაიტედმა” მის ხელში რეგრესი განიცადა.

მოიესის სამწვრთნელო კარიერა არც “სოსიედადსა” და “სანდერლენში” გამოდგა წარმატებული, სწორედ ამ უკანასკნელის ჩემპიონშიპში დაქვეითების შემდეგ დარჩა ის უგუნდოდ. მისი სახელს ბოლო პერიოდში მშობლიურ შოტლანდიის ნაკრებსაც უკავშირდებოდა, საინტერესოა თუ სად იმუშავებს გამოცდილი სპეციალისტი.

მერსესაიდული “ევერტონის” მთავარი მწვრთნელი, რონალდ კუმანი ადასტურებს ინფორმაციას, რომლის მიხედვითაც, როს ბარკლიმ “კამფეტებთან” კონტრაქტის გახანგრძლივებაზე უარი განაცხადა.

როგორც იცით, 23 წლის როს ბარკლის ბოლო დროს საკმაოდ აქტიურად აკავშირებენ ლონდონის “ტოტენჰემთან” და “არსენალთან”.

კუმანმა პრესკონფერენციაზე ასეთი განცხადება გააკეთა: “ბარკლიმ კლუბთან კონტრაქტის გახანგრძლივების წინადადება უარყო, პირად საუბარში კი მითხრა, რომ ახალი გამოწვევების ძიებაშია. მე მის გადაწყვეტილებას პატივს ვცემ.”

ჟურნალისტის კითხვას, იყო თუ არა ბარკლის წასვლა გარდაუვალი, ჰოლანდიელმა ასე უპასუხა: “დიახ.”

მერსესაიდული “ევერტონის” მთავარი მწვრთნელი, რონალდ კუმანი აღიარებს, რომ ჯერარდ დეულოფეუს სურვილის შემთხვევაში, კლუბის დატოვების უფლება გააჩნია.

შეგახსენებთ, რომ ესპანელი ფეხბურთელის გადაბირებით, რომელსაც ბოლო დროს “გუდისონ პარკზე” არასაკმარისი სათამაშო პრაქტიკა აქვს, იტალიური “მილანია” დაინტერესებული.

“ჯერარდს უკვე ვესაუბრე, მისი სიტუაცია საკმაოდ რთულია. თუ ის კლუბიდან წასვლასა და საკმარისი სათამაშო დროის მიღებაზე გააკეთებს აქცენტს, მას ამის უფლებას მივცემთ.”

კუმანმა იაგიელკაზეც ისაუბრა და აღნიშნა, რომ გასასვლელი კარი მისთვისაც ღიაა: “ამ შემთხვევაში ყველაფერი იმაზეა დამოკიდებული, თუ როგორ შეთავაზებებს მივიღებთ.”