“საუთჰემპტონის” ოფიციალური ვებ-გვერდი ადასტურებს ინფორმაციას გუნდის მთავარი მწვრთნელის პოსტზე მარკ ჰიუზის დანიშვნის შესახებ. უელსელი სპეციალისტი “წმინდანებს” სეზონის ბოლომდე უთავკაცებს (მინიმუმ).
ასე რომ, 54 წლის მარკ ჰიუზს მაურისიო პელეგრინოს შეცვლა დაევალება. უელსელს არც თუ ისე სახარბიელო მდგომარეობა ხვდება კლუბში – “საუთჰემპტონი” პრემიერ ლიგის 30 ტურის შემდეგ მე-17 ადგილს იკავებს და დარჩენისთვის იბრძვის.
გეტყვით იმასაც, რომ ბოლოს ჰიუზი “სტოკ სიტის” ღირსებას იცავდა, საიდანაც ის იანვრის თვეში გაათავისუფლეს. მას ისეთ კლუბებში მუშაობის გამოცდილება აქვს, როგორებიც არიან “ქპრ”, “ფულჰემი”, “მანჩესტერ სიტი” და “ბლექბერნი”.
