კატალონიის “ბარსელონას” ლეგენდა, 37 წლის ჩავი მზადაა, 2022 წლის მსოფლიო ჩემპიონატზე კატარის ნაკრების მთავარი მწვრთნელის პოსტზე მოგვევლინოს და მაქსიმალურად დაეხმაროს კატარელებს წარმატების მიღწევაში.
ჩავიმ, რომელიც ამ დროისთვის კატარული “ალ სადის” რიგებში ირიცხება, ამასთან დაკავშირებით ასეთი განცხადება გააკეთა:”რატომაც არა? ვფიქრობ, საკმაოდ კარგი იქნება, თუ ნაკრების მთავარი მწვრთნელი გავხდები.
ვნახოთ რა მოხდება, მანამდე გამოცდილება და დამხმარე შტაბი მჭირდება. ბევრი რამ მაკლია იქამდე, მაგრამ ისიც კარგია, რომ კატარელ ფეხბურთელებსა და ქვეყანაში არსებულ სიტუაციასთან ძალიან ახლოს ვარ.
მე აქ სწორედ ამ ქვეყნის დასახმარებლად ვარ, რათა მათ მსოფლიო ჩემპიონატზე წარმატების მიღწევა შეძლონ. მეორეს მხრივ, ჩემი ერთ-ერთი მთავარი მიზანი მსოფლიოს საუკეთესო მწვრთნელის სტატუსის მოპოვებაა,” – აცხადებს ექს-“ბარსელონელი”.
