,,მანჩესტერ სიტის” მთავარმა მწვრთნელმა, მანუელ პელეგრინიმ პრესასთან განაცხადა, რომ სერხიო აგუერო გუნდს ერთი თვე დააკლდება.
ამჟამად, პრემიერ ლიგაში არგენტინელ ფეხბურთელს 14 გოლი აქვს გატანილი. გუნდის მწვრთნელმა პრესასთან განაცხადა, რომ აგუერო გუნდს 18 იანვარს, ,,არსენალის” წინააღმდეგ დაეხმარება.
,,გუნდს ჰყავს ტრავმირებული ფეხბურთელები – ჯეკო, აგუერო, იოვეტიჩი და კომპანი. ეს ორი უკანასკნელი ფეხბურთელი შემდეგ კვირისთვის გუნდს შეუერთდება. ჯეკო და აგუერო კი იანვრის თვის მეორე ნახევარში მოახერხებენ გუნდის დახმარებას”.
ასევე ბრიტანულ პრესაში ვრცელდება ინფორმაცია, რომ ,,სიტი” ზამთრის სატრანსფერო ფანჯრის დროს, ფრენკ ლამპარდის შენარჩუნებას აპირებს. ამის შესახებ პელეგრინიმ განაცხადა: ,, ლამპარდი გუნდისთვის მნიშვნელოვანი ფეხბურთელია. იმედი მაქვს, იგი გუნდში დარჩება,” – განაცხადა მანუელ პელეგრინიმ.
ყურადღება! აღნიშნული სტატია გამოქვეყნებულია ჩვენი მომხმარებლის მიერ პირდაპირ, რედაქციის ჩარევისა და ჩასწორებების გარეშე.
