ჭდე: ოლსტარი

დღეს, თბილისი მოლმა საქართველოს საკალათბურთო სუპერლიგის ოლსტარის მატჩს უმასპინძლა. შეხვედრა, რომელშიც ერთმაენთეს “თბილისის” და “რეგიონის” გუნდები დაუპირისპირდნენ ნამდვილ სანახაობად იქცა.

შეგახსენებთ, რომ გუნდები სუპერლიგაში მოასპარეზე გუნდების მოთამაშეებით გულშემატკივართ გამოკითხვისა და მწვრთნელთა არჩევანის შედეგად მოხვდნენ.

მატჩის ორგანიზატორებმა ღონისძიებაზე მოსულ გულშემატკივრებს უამრავი სიუპრიზი შესთავაზეს. მათ შორის მოედანზე შესული ტუღუში და ბოისა და დასკვნით მეოთხედში რეგიონის გუნდში მომხდარი საინტერესო ცვლილება, როცა თბილისი მოლში საგანგებოდ გაკეთებულ მოედანზე ვეტერანთა ხუთეული (ბიჭიაშვილი, სანაძე, გურასპაული, შენგელია და ქორქია) გამოჩნდა.

საბოლოოდ შეხვედრა რეგიონის გუნდის გამარჯვებით, 133-122 დასრულდა. ტრადიციულ სამქულიანების კონკურსში გამარჯვება აკაკი ლომოურმა მოიპოვა, რომელმაც ფინალში გიორგი ბარბაქაძე და შარშანდელი ფინალისტი, გრიგოლ შვანგირაძე დაამარცხა. ჩატენვების კონურსის გამარჯვებული კი ბათუმელი ბი ჯეი იანგი გახდა.

 

მარიამ ნიშნიანიძის ფოტოები

ALL STAR 2015-ის  გამოკითხვის შედეგები ცნობილია. საკალათბურთო სუპერლიგის ვებ-გვერდზე მიმდინარე გამოკითხვა, რომელიც 15 იანვარს დაიწყო, გუშინ გვიან ღამით დასრულდა. გამოკითხვამ ,,ოლ სტარის’’ გუნდების ხუთეულები გამოავლინა. სულ კალათბურთელებმა გულშემატკივრებისგან 32690 ხმა მიიღეს. 

გუნდების დანარჩენ 7-7 წევრს მწვრთნელები 30 იანვარს, 14:00 საათზე ‘’თბილისი მოლში’’ გასამართ პრესკონფერენციაზე დაასახელებენ.

სუპერლიგის ‘’ყველა ვარსკვლავის მატჩი’’ 31 იანვარს გაიმართება, აქციას ‘’თბილისი მოლი’’ უმასპინძლებს. საჩვენებელ მატჩთან ერთად ჩატარდება კონკურსი სამქულიანების სროლებსა და ჩატენვებში. შოუს დაესწრებიან საქართველოს ეროვნული ნაკრების მთავარი მწვრთნელი, იგორ კოკოშკოვი და ცნობილი ამერიკელი მწვრთნელი, ახლო წარსულში NBA-ს ერთ-ერთი საუკეთესო გამთამაშებელი ჯო დუმარსი, რომელიც საქართველოში იგორ კოკოშკოვთან ერთად ჩამოდის.

‘’ოლ სტარში’’ მოწინააღმდეგე გუნდები შემდეგი პრინციპით დაიყო – თბილისი VS რეგიონები. თბილისის გუნდს ირაკლი ხოშტარია(დინამო) და კოტე ტუღუში(შსს აკადემია) გაწვრთნიან,  ხოლო რეგიონების გუნდის მწვრთნელები მიხეილ ბერუაშვილი(რუსთავი) და მალხაზ კოხრეიძე(ქუთაისი) იქნებიან.

გულშემატკივარმა გამოკითხვის შედეგად გუნდებისთვის შემდეგი ხუთეულები შეარჩია:

superleauge.ge

31 იანვარს თბილისი-მოლში ქართული ოლ-სტარი გაიმართება.

სუპერლიგის ოფიციალურ ვებ-გვერდზე www.superleague.ge მიმდინარეობს ყველა ვარსკვლავის მატჩის გამოკითხვა, რომელიც 15 იანვარს დღის 12:00 საათზე დაიწყო და 28 იანვარს ღამის 12:00 საათზე დასრულდება.

გთავაზობთ შუალედური გამოკითხვის შედეგებს.

superleague.ge

დღეს რუსთავის საკალათბურთო დარბაზმა სუპერლიგის ყველა ვარსკვლავის მატჩს უმასპინძლა. აღსანიშნავია, რომ ასეთი შეხვედრა ამ ქალაქში პირველად ჩატარდა, რამაც ბუნებრივია უდიდესი ინტერესი გამოიწვია და რუსთაველმა გულშემატკივარმაც დარბაზი ბოლომდე გაავსო.
მოსულ მაყურებელს არ უნანია, ვინაიდან სანახაობრივი შეხვედრის გარდა იყო ძალიან საინტერესო კონკურსები, უკრავდა ჯგუფი “ჰენგოვერი”. შესვენებების დროს კი მაყურებელს საქართველოს მხატვრული ტანვარჯიშის ნაკრების გოგონები ართობდნენ.

როგორც ასეთ შეხვედრებს სჩვევია, მოთამაშეები ნაკლებ ყურადღებას აქცევდნენ დაცვას, რამაც უმარავი ეფექტური ჩატენვა თუ შორეული ბურთი აჩუქა შეკრებილ გულშემატკივარს.

ქართული “ოლსტარში” ირაკლი ხოშტარიამ კოტე ტუღიშის გუნდი 139-118 დაამარცხა. გამარჯვებულ გუნდში გამორჩეულები ლეგიონერები იყვნენ. ჯერემი საიმონსმა 34 ქულა მოიპოვა და გარდა ამისა ჩატენვების კონკურსშიც გაიმარჯვა. მატჩის საუკეთესო მოთამაშე კი სტევან მილოშევიჩი გახდა 29 ქულითა და 17 მოხსნით. ტუღუშის გუნდში “არმიელი” ჯგერენაია გამოირჩეოდა, რომელმაც რამოდენიმე ძალიან ეფექტური მომენტით დაამახსოვრა გულშემატკივარს თავი.

როგორც ზემოთ ვახსენეთ, ჩატენვების კონკურსში “სოხუმელმა” საიმონსმა გაიმარჯვა. ფინალში ამერიკელმა “ქუთაისის” ცენტრი აკაკი დვალიშვილი დაამარცხა. სამქულიანების კონკურსის ტრიუმფატორი “სოხუმელი” გრიგოლ შვანგირაძე გახდა, რომელმაც ფინალში ამ ტიტულის შარშანდელი მფლობელი გიორგი ბარბაქაძეს მოუგო.

მატჩის დასრულების შემდეგ კომპანია ევროპა-ბეთმა გამარჯვებულ კალათბურთელებს ფულადი პრიზები გადასცა.

25 იანვარს, რუსთავში გასამართი “ოლსტარის” მონაწილეები ცნობილნი არიან. სუპერლიგის ვებ-გვერდზე ჩატარებული გამოკითხვის შედეგად გუნდების სასტარტო ხუთეულები ცნობილი გახდა. დარჩენილი 7-7 მოთამაშე კი, დღეს მთავარმა მწვრთნელებმა დაასახელეს.
შეგახსენებთ, რომ ხვალ ერთმანეთს სუპერლიგის ლიდერი მწვრთნელების, კოტე ტუღუში და ირაკლი ხოშტარიას გუნდები დაუპირისპირდებიან.

გამოკითხვის შედეგად, კალათბურთელებმა მტლიანობაში 28 700 ხმა მიიღეს. სასტარტო ხუთეულები ასე გამოიყურება:

ხოშტარიას გუნდი: გიორგი გამყრელიძე (დინამო), ჯოშუა ჯექსონი (სოხუმი), ბესიკ ლეჟავა (დინამო), ჯეიმი ჯექსონი (ბათუმი), სტევა მილოშევიჩ (დინამო).

ტუღუშის გუნდი: ლევან ცეკვავა (ქუთაისი), ზაურ ფაშაევი (ქუთაისი), გიორგი ბარბაქაძე (ქუთაისი), ანატოლი ბოისა (არმია), აკაკი დვალიშვილი (ქუთაისი).

გუნდების დანარჩენი წევრები მწვრთნელებმა თავიანთი გადაწყვეტილებით შეარჩიეს და დღეს სპორტის სასახლეში გამართულ პრესკონფერენციაზე მათი ვინაობაც გაამხილეს.

 

კოტე ტუღუში: ჩემი გუნდის ღირსებას დაიცავენ: რევაზ როგავა (შსს), მალხაზ აბაიშვილი (რუსთავი), ბექა ჩიკვილაძე (შსს), მერაბ ბოქოლიშვილი (შსს), ლევან ხმელიძე (რუსთავი), გიორგი ჯგერენაია (არმია) და დავით გუგავა (რუსთავი).

 მოთამაშეების შერჩვისას აქცენტი ძირითადად ახალგაზრდა კალათბურთელებზე გავაკეთე. ასევე სასიამოვნოა, რომ ჩემს გუნდში სამი რუსთაველი კალათბურთელი იქნება.  ვფიქრობ, სამი მეოთხედის განმავლობაში უფრო შოუს ელემენტებით დატვირთული სანახაობა იქნება, ხოლო მეოთე პერიოდში უკვე შედეგზე ვითამაშებთ. გვინდა, რომ მაქსიმალურად კარგი სანახაობ ვაჩვენოთ რუსთაველ გულშემატკივარს, რომელიც აუცილებლად გაავსებს ხვალ დარბაზს. ძალიან დიდი მნიშნელობა აქვს ასეთი აქციების რეგიონებში ჩატარებას.

ირაკლი ხოშტარია: ჩემს გუნდში ითამაშებენ: ირაკლი მიქელაძე (ოლიმპი), მიხეილ ჭოჭუა (დინამო), ირაკლი ჩლაიძე (სოხუმი), ჯერემი სეფოლდი (ბათუმი), ჯერემი საიმონსი (სოხუმი), ქიენ კარტერი (დინამო) და ვახტანგ ქადარია (სოხუმი).

ეს შვიდი მოთამაშე გამოკითხვის შედეგებიდან გამომდინარე ავირჩია, ვინაიდან “ოლსტარი” პირველ რიგში გულშემატკივარს ეკუთვნის. საკმაოდ საინტერესო მატჩის მოლოდინში ვართ და იმედია მაყურებელი ნასიამოვნები დარჩება.
ძალიან კარგია, რომ ყველა ვარსკვლავის მატჩი სწორედ ამ დროს ტარდება. პლეი-ოფის წინ მთელი ყურადღება გადამწყვეტ მატჩებზე გვექნება მიმართული.
კარგია, რომ რეგიონებში ტარდება ასეთი აქციები, თუმცა იმედია სამომავლოდ იქ პირობებიც უკეთესი იქნება.

შეგახსენებთ, რომ ხვალინდელი “ოლსტარი” რუსთავის საკალათბურთო დარბაზში 16:00 საათზე აიღებს სტარტს.