„ვერონასთან“ იტალიის სერია ა-ს 34-ე ტურის მატჩში „უდინეზეს“ თავდამსხმელმა ანტონიო დი ნატელემ მორიგი გოლი გაიტანა, რომლის დახმარებითაც იტალიის უმაღლესი ლიგის ყველა დროის ბომბარდირთა დავაში ლეგენდარულ რობერტო ბაჯოს გაუსწრო და მეექვსე ადგილზე ავიდა.
ამჟამად „უდინეზეს“ ვეტერანის ანგარიშე 206 გოლია. ისტორიაში მასზე უკეთესი შედეგი სერია ა-ში ჟოზე ალტეფინისა და ჯუზეპე მეაცას (ორივემ 216 გოლი გაიტანა), გუნარ ნორდალს (225), ფრანჩესკო ტოტის (241) და სილვიო პიოლას (274) აქვთ.
იტალიის ნაკრების ყოფილმა თავდამსხმელმა რობერტო ბაჯომ ცხოველთა უფლებების დამცველების მხრიდან სერიოზული კრიტიკა მიიღო. ცნობისთვის, კარიერის დასრულების შემდეგ ფეხბურთელი ნადირობით აქტიურად დაკავდა.
„Gazzetta dello Sport“-ის ინფორმაციით, დღეს, ბაჯოს მშობლიურ კალაქ კალდონიოში ცხოველთა უფლებების დამცველები ბანერებით გამოჩნდნენ, ერთ-ერთ მათგანზე კი შემდეგი რამ ეწერა: „რობერტო ბაჯო, თქვენი წარსული ამ სუნს ვერ მოაშორებს. არ აქვს მნიშვნელობა, რომელ ცხოველს კლავთ. ჩვენ ამის მოთმენას არ ვაპირებთ!“
აღსანიშნავია, რომ ვიჩენცას პროვინციაში, სადაც ბაჯო ამჟამად ცხოვრობს, იშვიათ ცხოველებზე ნადირობა ლეგალური გახდა. მომხდარს კალდონიოს მერიც გამოეხმაურა, რომელმაც განაცხადა, რომ სამართალდამცავები დღევანდელი აქციის მონაწილეების პოვნას შეეცდებიან.
ამხანაგურ მატჩში, რომელშიც ლეგენდარული ფეხბურთელები თამაშობდნენ, რობერტო ბაჯომ მეტოქის კარში გოლი დიეგო მარადონას პასის შემდეგ გაიტანა.
იტალიური გამოცემა „ლა სტამპა“ იუწყება, რომ ლეგენდარულმა რობერტო ბაჯომ შესაძლოა იტალიის ეროვნული ნაკრების მთავარი მწვრთნელის პოსტი დაიკავოს.
შეგახსენებთ, რომ მსოფლიოს ჩემპიონატზე წარუმატებელი გამოსვლის შემდეგ, „სკუადრა აძურას“ თავკაცმა ჩეზარე პრანდელიმ გუნდის თავკაცის პოსტი დატოვა.
იტალიის ნაკრების მთავარი მწვრთნელის თანამდებობაზე ბაჯოს შესაძლო დანიშვნის შესახებ გაჩენილი ხმები მოულოდნელია, რადგან აღნიშნულ პოსტზე ამ დრომდე მხოლოდ ოთხ კანდიდატს ასახელებდნენ: მასიმილიანო ალეგრი, რობერტო მანჩინი, ლუჩანო სპალეტი და ფრანჩესკო გვიდოლინი.
ცნობისთვის, რობერტო ბაჯომ სამწვრთნელო PRO ლიცენზია ჯერ კიდევ 2012 წლის ზაფხულში აიღო. ასე რომ, მას უმაღლეს დონეზე გაწვრთნის უფლება აქვს.
