ესპანური “ვალენსია” ოფიციალურად ადასტურებს, რომ ადილ რამი იანვარში “მილანს” შეუერთდება, ხოლო “როსონერის” სეზონის ბოლოს, ფრანგი მცველის გამოსყიდვის შესაძლებლობა ექნება.
შეგახსენებთ, რომ ესპანურ სპორტულ პრესაში გავრცელებული ინფორმაციის თანახმად, “ვალენსიას” მთავარმა მწვრთნელმა ადილ რამი პირველი გუნდიდან გაუშვა.
რამი “მილანის” ფეხბურთელებთან ერთად უკვე ვარჯიშობს, თუმცა მას “შავ-წითლების” მაისურში თამაშის საშუალება ჯერ არ აქვს.
დიტო ჭიჭინაძე
იტალიური “მილანის” ახალგაზრდა თავდამსხმელი, მბაიე ნიანგი აცხადებს, რომ ის მისი თანამემამულის, ადილ რამის “როსონერიში” გადასვლით ბედნიერია.
“მილანში” უკვე მეორე სეზონს ვატარებ. მართალია, აქ დიდი კონკურენციაა, მაგრამ ყველაფერი კარგადაა. ფსიქოლოგიურად, თავს მშვენივრად ვგრძნობ და არაფრის მეშინია. ჩვენი მიზანი, იტალიის ჩემპიონატის სამეულში მოხვედრაა. რაც შეეხება ადილ რამის, ის დიდებული მცველია და რა თქმა უნდა, მის “როსონერიში” გადასვლას მივესალმები”, – ამბობს ნიანგი.
როგორც ჩანს, ესპანური “ვალენსიას” მცველის, ადილ რამის “მილანში” იჯარით გადასვლა მხოლოდ დროის ამბავია.
ეს მით უფრო აშკარა მას შემდეგ გახდა, რაც ესპანელთა პრეზიდენტმა, ამადეო სალვომ პრესისთვის მიცემულ ინტერვიუში განაცხადა, რომ “მილანთან მოლაპარაკებები დასკვნით ფაზაში შევიდა”.
შეგახსენებთ, რომ ფრანგი მცველი “ვალენსიამ” ერთ კვირიან “უფასო შვებულებაში” გაუშვა, მას შემდეგ რაც რამიმ თანაგუნდელებზე და მთავარ მწვრთნელზე რადიო ინტერვიუში საკმაოდ მკვახედ ისაუბრა.
გუშინ “გაზეტა დელო სპორტმა” დაწერა, რომ სავარაუდოდ, “მილანი” რამის იჯარის სანაცვლოდ 400 ათას ევროს გადაიხდის და სეზონის ბოლოს 6 მილიონი ევროს სანაცვლოდ მისი სრულად გამოსყიდვის უფლება ექნება.
გავრცელებული ინფორმაციით, „მილანის“ ხელმძღვანელობა „ვალენსიას“ მცველის ადილ რამის იჯარით აყვანაზე ფიქრობს.
გარდა ამისა, ცნობილია, რომ იტალიური კლუბის ხელმძღვანელობა ესპანური კლუბის მენეჯერებს ფრანგი მოთამაშის შეძენის თაობაზე უკვე შეუთანხმდა.
აღსანიშნავია, რომ რამის „ვალენსიას“ მთავარ მწვრთვნელთან მიროსლავ ჯუკიჩთან აქვს კონფლიქტი, რაც მის იტალიაში ტრანსფერის ალბათობას კიდევ უფრო ზრდის.
სავარაუდოდ, ადილი „როსონერიში“ ზამთრის სატრანსფერო ფანჯრის დროს გადავა. ამასთან ერთად, „შავ-წითლებს“ ზაფხულს მისი გამოსყიდვის უფლებაც ექნებათ.
რამდენიმე ევროპული გამოცემის მტკიცებით, რამი იანვრამდე საერთოდ არ ითამაშებს და ამ პერიოდში დამოუკიდებლად ივარჯიშებს.
ალექსანდრე მატევოსოვი
