ჭდე: ახალგაზრდული ნაკრები

2 მარტს, საქართველოს ეროვნული ჩემპიონატის მე-20 ტურის მატჩების დასრულების შემდეგ, შეკრებას დაიწყებს ახალგაზრდული ნაკრები.

ალექსანდრე ჩივაძის გუნდი ევროშესარჩევის საკვალიფიკაციო ეტაპის მორიგ მატჩში ლუქსემბურგის ნაკრებს უმასპინძლებს. ჩვენი ნაკრები სასტუმრო „ბომონდ გარდენში“ იცხოვრებს. 3 და 4 მარტს კი, „მიხეილ მესხის“ სტადიონის ახალ, სათადარიგო მოედანზე ივარჯიშებს.

5 მარტის მატჩისთვის ნაკრებში შემდეგი ფეხბურთელები არიან გამოძახებული:

მეკარეები: გიორგი ნადირაძე („სპარტაკი“ ცხინვალი), ნიკა შერმადინი („მეტალურგი“, რუსთავი), კახაბერ მეშველიანი („ზესტაფონი“)

მცველები: არჩილ ტვილდიანი („მეტალურგი“, რუსთავი), თედო გრიგალაშვილი („ზესტაფონი“), ნიკა კვეკვესკირი, ლუკა თათხაშვილი (ორივე „დინამო“ თბილისი), დავით უბილავა, ნიკა სანდოხაძე (ორივე „ლოკომოტივი“ თბილისი)

ნახევარმცველები: ავთო ენდელაძე („ზესტაფონი“), გიორგი პაპავა, საბა ლობჟანიძე (ორივე „დინამო“ თბილისი), ლაშა პარუნაშვილი („სპარტაკი“ ცხინვალი), ჯამბულ ჯიღაური, ბესიკ დეკანოიძე (ორივე „ჩიხურა“, საჩხერე), ნიკა ძალამიძე („იაგელონია“, პოლონეთი), გურამ სამუშია („ზუგდიდი“)

თავდამსხმელები: ნიკა ტარყაშვილი („ანტვერპენი“, ბელგია), გიორგი ფანცულაია („ზესტაფონი“), ბაჩანა არაბული („ალკორკონი“, ესპანეთი), ბუდუ ზივზივაძე („დინამო“ თბილისი)

ახალგაზრდული ნაკრების დებიუტანტები არიან ლუკა თათხაშვილი, ნიკა სანდოხაძე, ავთო ენდელაძე, საბა ლობჟანიძე, გურამ სამუშია, ნიკა ტარყაშვილი, ბაჩო არაბული და ბუდუ ზივზივაძე. როგორც ხედავთ, ნაკრების სამწვრთნელო შტაბი არაერთ ახალ ფეხბურთელს აძლევს 21-წლამდელებში თავის გამოჩენის საშუალებას. ყველა ეს ფეხბურთელი საკმაოდ გამოცდილია სხვადასხვა ასაკობრივი ნაკრებების დონეზე.

რაც შეეხება ლუქსემბურგის 21-წლამდე ნაკრებს, ჩვენი სტუმრები თბილისში 4 მარტს, გამთენიას ჩამოვლენ და სასტუმრო „რადისონში“ დაბინავდებიან. ამავე დღეს, 10:30 წუთზე, ლუქსემბურგელები „მიხეილ მესხის“ სტადიონის სათადარიგო მოედანზე ივარჯიშებენ.

მატჩი კი, როგორც იცით 5 მარტს, 14:00 საათზე, გორში, „თენგიზ ბურჯანაძის“ სახელობის სტადიონზე გაიმართება.დასწრება უფასოა. შეხვედრას ყაზახ მსაჯთა ბრიგადა მოემსახურება.

სფფ-ის პრესსამსახური

საქართველოს 16-წლამდე ნაკრები თურქეთში, ქალაქ ტრაბზონში იმყოფება, სადაც საწვრთნელი შეკრების ფარგლებში, ტესტ-მატჩი გამართა ადგილობრივ 16-წლამდე ნაკრებთან.

გოჩა ტყებუჩავას გუნდმა 10 დეკემბერს ითამაშა და მატჩი ფრედ – 1:1დასრულდა. ჩვენი ნაკრებიდან, გოლი გიორგი არაბიძის ანგარიშზეა.

ნაკრებს კიდევ ერთი ტესტ-მატჩი დღეს, 12 დეკემბერს უნდა ჩაეტარებინა, თუმცა, თურქეთში ამინდის გაუარესების გამო, ეს ვეღარ მოხერხდა და შესაბამისად, ჩვენი გუნდი სამშობლოში ბრუნდება.

ამ ტესტ-მატჩით, გოჩა ტყებუჩავამ უკვე დაიწყო გეგმით გაწერილი მოსამზადებელი ეტაპი 2014 წლის შემოდგომაზე გასამართი ევროპის 17-წლამდე ჩემპიონატის საკვალიფიკაციო ეტაპისთვის.

შეგახსენებთ, რომ წილისყრის შედეგად, ჩვენი ნაკრები (1998 წელს დაბადებულები) მეორე ჯგუფში მოხვდა და მისი მეტოქეები იქნებიან – პოლონეთის, ესტონეთისა და ლიხტენშტაინის ნაკრებები. საკვალიფიკაციო ეტაპს კი, 26-31 ოქტომბერსთბილისი უმასპინძლებს.

სფფ-ის პრესსამსახური