“მილანისა” და მადრიდის “რეალის” ყოფილმა მთავარმა მწვრთნელმა კარლო ანჩელოტიმ ლონდონის “ჩელსიზე” ისაუბრა და თქვა, რომ ფეხბურთელებს მოტივაცია აკლიათ.
“ჩელსიში” არსებულ სიტუაციას თვალს შორიდან ვადევნებ. ვფიქრობ, გასულ სეზონში მათ ტიტული ძალიან მარტივად მოიგეს, წელს კი სათანადოდ მოტივირებულები არ არიან.
შეუძლებელია, მწვრთნელმა ფეხბურთელს მოტივაცია აუმაღლოს, თუ ფეხბურთელი თავად არ არის მოტივირებული”, – ციტირებს ანჩელოტის სიტყვებს Daily Mail.
სპორტულმა პორტალმა Sportskeeda-მ იტალიელი მწვრთნელის, კარლო ანჩელოტის კარიერის სიმბოლური ნაკრები შეადგინა.
მეკარე – პეტრ ჩეხი
მარჯვენა მცველი – კაფუ
ცენტრალური მცველი – სერხიო რამოსი
ცენტრალური მცველი – ალესანდრო ნესტა
მარცხენა მცველი – პაოლო მალდინი (კ)
ცენტრალური ნახევარმცელი – ანდრეა პირლო
ცენტრალური ნახევარმცველი – ფრენკ ლამპარდი
მარჯვენა ნახევარმცველი – კაკა
მარცხენა ნახევარმცველი – კრიშტიანო რონალდუ
თავდამსხმელი – დიდიე დროგბა
თავდამსხმელი – ზლატან იბრაჰიმოვიჩი
“რეალის” მეორე გუნდის დამრიგებელი ზინედინ ზიდანი თვლის, რომ მადრიდული კლუბის ყოფილი დამრიგებელი კარლო ანჩელოტი საკუთარ მოვალეობებს კარგად ასრულებდა.
“პერესს ანჩელოტის გათავისუბლებაზე ჩემთან არ უსაუბრია. მე კი ანჩელოტის ვესაუბრე, იმიტომ რომ მას პატივს ვცემ. “რეალში” მან შესანიშნავი საქმე გააკეთა” – განაცხადა ზიდანმა.
“რეალის” მთავარი მწვრთნელის პოსტზე ანჩელოტიმ “ნაპოლის” ყოფილმა დამრიგებელმა, რაფაელ ბენიტესმა შეცვალა.
“მილანის” პრეზიდენტი სილვიო ბერლუსკონი იმედოვნებს, რომ კარლო ანჩელოტი მისი გუნდის მთავარი მწვრთნელის პოსტზე დაბრუნდება.
“იმედი მაქვს, რომ კარლეტო ჩვენთან დაბრუნდება. მზად ვართ ამისთვის ფინანსები ჩავდოთ. ვიმედობნებთ, მისი დაბრუნების შანსი დიდია.
ჩემთან და გალიანისთან ერთად ანჩელოტის დაბრუნება “მილანის” გულშემატკივრებსაც სურთ. ალტერნატივებზე ფიქრი არ მინდა. სხვა ვარიანტებს მხოლოდ მისი უარის შემთხვევაში შევისწავლით” – განაცხადა ბერლუსკონიმ.
მადრიდის “რეალის” ყოფილმა კაპიტანმა რაულმა, რომელიც ახლა “ნიუ იორკ კოსმოსის” ღირსებას იცავს, კარლო ანჩელოტის “რეალიდან” წასვლის თაობაზე კომენტარი გააკეთა და აღნიშნა, რომ იტალიელ სპეციალისტს მადლობა უნდა გადაუხადონ.
შეგახსენებთ, ცოტა ხნის წინ, ფლორენტინო პერესმა ოფიციალური განცხადებით დაადასტურა, რომ კლუბი ანჩელოტისთან თანამშრომლობას აღარ გააგრძელებდა.
“ვფიქრობ, მას კარგი მუშაობისათვის მადლობა უნდა გადაუხადონ. დიდი პაუზის შემდეგ, ანჩელოტიმ “რეალს” ჩემპიონთა ლიგა მოაგებინა”, – ციტირებს რაულის სიტყვებს Goal.Com-ი.
მადრიდის “რეალის” მეკარე იკერ კასილასი კლუბიდან კარლო ანჩელოტის დათხოვნას გამოეხმაურა. ესპანელი კარის დარაჯის თქმით, ის ერთ დროს კარლო ანჩელოტიზე გაბრაზებული იყო.
“ყველაფერი კლუბის ხელმძღვანებლობაზე იყო დამოკიდებული და მათ ის გადაწყვეტილება მიიღეს, რომელიც ყველაზე სწორად მიაჩნდათ. გასულ წელს ანჩელოტი ხშირად არ მათამაშებდა, ამიტომ მასზე გაბრაზებული ვიყავი. თუმცა, კარლოს მადლობას ვუხდი. ის ძალიან კარგი ადამიანია. მადრიდი ყოველთვის მისი სახლი იქნება”, – უთხრა კასილასმა Cadena SER-ს.
მადრიდის “რეალის” ნახევარმცველმა, ლუკა მოდრიჩმა სამეფო კლუბიდა გათავისუფლებული მწვრთნელის, კარლო ანჩელოტის შესახებ ისაუბრა. ხორტვატმა მოთამაშემ აღნიშნა, რომ იტალიელი საკუთარი საქმის პროფესიონალი და შესანიშნავი პიროვნებაა.
“ანჩელოტი შესანიშნავი მწვრთნელი და ადამიანია. ჩემი შესაძლელბობების საუკეთესო კუთხით წარმოჩენა სწორედ მისი ხელმძღვანელობით შეძელი. “რეალში” მუშაობის პირველივე დღიდან კარლო მენდობოდა. ტიტულის ვერ მოგება არ ნიშნავს, რომ ცუდი მწვრთნელი ხარ” – განაცხადა მოდრიჩმა.
რამდენიმე საათის წინ, მადრიდის “რეალის” პრეზიდენტმა ფლორენტინო პერესმა ოფიციალურად დაადასტურა, რომ კარლო ანჩელოტი “სამეფო კლუბში” აღარ იმუშავებს.
იტალიელმა სპეციალისტმა ამ ფაქტთან დაკავშირებით სოციალურ ქსელ Facebook-ში, თავის ოფიციალურ გვერდზე პოსტი გამოაქვეყნა.
“მინდა, რომ “რეალში” გატარებული ორი ფანტასტიური წელი ყოველთვის მახსოვდეს. მადლობა კლუბს, გულშემატკივრებსა და ჩემს ფეხბურთელებს”, – წერს ანჩელოტი.
“რეალის” მთავარი მწვრთნელი კარლო ანჩელოტი გარეთ ბეილის აგენტის, ჯონათან ბარნეტის განცხადებას გამოეხმაურა. ბარნეტა განაცხადა, რომ 25 წლის უელსელს თანაგუნდელები სათანადოდ არ ეხმარებიან.
“ზოგიერთი ადამიანი ძალიან ბევრს ლაპარაკობს. ბეილს თანაგუნდელებთან პრობლემა არასდროს არ ქონია. მისი აგენტინი ჩვენს არც ერთ ვარჯიშზე არ ყოფილა და მას გუნდში არსებულ ატმოსფეროზე არანაირი ინფორმაცია არ აქვს. ჩვენ გარეთის სეზონით კმაყოფილები ვართ” – განაცხადა იტალიელმა სპეციალისტმა.
შეგახსენებთ, რომ ბეილი “რეალში” “ტოტენჰემიდან” 2013 წელს 100 მილიონად გადავიდა.
მადრიდის “რეალის” კიპერმა, იკერ კასილიასმა კლუბის მთავარი მწვრთნელის მისამართით ქების სიტყვები არ დაიშურა. მადრიდულთა კარის დარაჯი თვლის, რომ კლუბის ხელმძღვანელობამ იტალიელი სპეციალისტის მოწვევით სწორი ნაბიჯი გადადგა.
“ანჩელოტიმ კლუბის ფანებს ღიმილი დაუბრუნდა და ნანატრი დესიმაც მოიპოვა. 2014 წელი “რეალისთვის” ჯადოსნური იყო. ოთხი ტიტული მოვიგეთ, რისი გაკეთება ანჩელოტიმდე ვერავინ შეძლო” – განაცხადა კასილიასმა
ანჩელოტიმ “რეალი” 2013/14 წლების სეზონში ჩაიბარა. მისი ხელმძღვანელობით გუნდმა ესპანეთის თასი, ჩემპიონთა ლიგა, უეფას სუპერთასი და მსოფლიოს საკლუბო ჩემპიონატი მოიგო.
26 აპრილს, ესპანეთის პრიმერა დივიზიონში, “სელტამ” საკუთარ მოედანზე მადრიდის “რეალი” მიიღო და მეტოქესთან ანგარიშით 2:4 დამარცხდა.
შეხვედრაში დუბლის გაფორმება მოახერხა “სამეფო კლუბის” მექსიკელმა თავდამსხმელმა ხავიერ ერნანდესმა, რომელიც 74-ე წუთზე კარლო ანჩელოტიმ მოედნიდან გაიყვანა.
ესპანური AS-ის ცნობით, მადრიდის “რეალის” მთავარ მწვრთნელს, კარლო ანჩელოტის დაკავებული თანამდებობიდან იმ შემთხვევაში გაათავისუფლებენ, თუ ის ტიტული მოგებას ვერ შეძლებს.
დღეს, “ატლეტიკოსთან” წაგების შემთხვევაში იტალიელ სპეციალისტს თანამდებობის შენარჩუნების შანსი მხოლდო ჩემპიონატის მოგების შემთხვევაში დარჩება.
თავად ანჩელოტიმ კი განაცხადა, რომ მადრიდულ კლუბში მომდევნო სეზონშიც სურს მუშაობა.
ესპანეთის ჩემპიონატის 32 ტურის შემდეგ “რეალი” მეორე პოზიციაზე იმყოფება და ლიდერ “ბარსელონას” 2 ქულით ჩამორჩება.
