თურქული და ესპანური წყაროების ცნობით, კატალონიის “ბარსელონას” თურქი ნახევარმცველი, არდა თურანი ლონდონის “არსენალის” ინტერესთა სფეროშია მოქცეული.
როგორც იცით, მადრიდის “ატლეტიკოს” ყოფილი ფეხბურთელის “კამპ ნოუდან” წასვლა თითქმის გარდაუვალია, “არსენალი” კი ამ დროისთვის საუკეთესო ვარიანტს წარმოადგენს.
თურქული პრესის ცნობით, “მეთოფეები” მზად არიან 30 წლის ფეხბურთელის სანაცვლოდ ესპანურ გუნდს 30 მილიონი ევრო გადაუხადონ. აქვე გეტყვით იმასაც, რომ თურანის ტრანსფერით პირადად არსენ ვენგერია დაინტერესებული.
ლონდონის “არსენალის” ნახევარმცველი, ალექს ოქსლეიდ-ჩემბერლენი ლონდონის “ჩელსის”, “ლივერპულისა” და “მანჩესტერ სიტის” ინტერესთა სფეროშია მოქცეული. ამ ინფორმაციას Sky Sports ავრცელებს.
როგორც ცნობილი ხდება, ინგლისელი ვარსკვლავისთვის ახალი კონტრაქტის შეთავაზებას “მეთოფეთა” ხელმძღვანელებიც აპირებენ, მაგრამ თავად ფეხბურთელს მკაცრად აქვს გადაწყვეტილი “ემირეიტსის” დატოვება.
შეგახსენებთ, რომ 23 წლის ოქსლეიდ-ჩემბერლენმა 2016/17 წლების სეზონში “არსენალის” ძირითად შემადგენლობაში ადგილის დამკვიდრება ვერ შეძლო, რამაც ის ძალიან გაანაწყენა.
ლონდონის “არსენალის” ინგლისელი ნახევარმცელი, ჯეკ უილშერი დაქორწინდა.
25 წლის გარემარბმა, რომელიც არენდის წესით “ბორნმუთში” გამოდის, ცოლად ანდრიან მაიკლი, საკუთარი სტილისტის ქალიშვილი მოიყვანა.
The new Mrs Wilshere ❤️ on Saturday I married the women of my dreams! Thank you to everyone who came and made the day so special ❤️ pic.twitter.com/n8zHDHGTcQ
— Jack Wilshere (@JackWilshere) June 19, 2017
“ბარსელონასა” და ესპანეთის 21-წლამდელთა ნაკრების ფეხბურთელი, დენის სუარესი აცხადებს, რომ მისი თანამემამულე და თანაგუნდელი, ექტორ ბელერინი “ბარსელონაში” გადასვლაზე ფიქრობს.
“ბელერინს ამ თემაზე უკვე ვესაუბრე – სიტუაცია საკმაოდ რთულია. “არსენალში” მას თავიდანვე დიდი ნდობა გამოუცხადეს. გადაწყვეტილება ბელერინმა და კლუბმა უნდა მიიღოს. ნამდვილად არ ვიცი რა მოხდება, მაგრამ იმედი მაქვს, რომ ის ჩვენთან მოვა.
ერთის მხრივ, ბელერინს ძალიან უნდა “ბარსელონაში” გადმოსვლა, მაგრამ მას “არსენალის” ფაქტორი აფერხებს, მისთვის ეს კლუბი ძალიან ბევრს ნიშნავს.
ძალიან რთული სიტუაციაა და ვინ ვარ მე, ამაზე რომ ვსაუბრობდე. უბრალოდ მინდა, რომ ის ჩვენთან გადმოვიდეს,” – აცხადებს დენის სუარესი.
უცხოურ პრესაში გავრცელებული ცნობების მიხედვით, ლონდონის “არსენალის” ხელმძღვანელები სეად კოლაშინაცის ტრანსფერის შემდეგ, გერმანიიდან კიდევ ერთი ფეხბურთელის წამოვანას გეგმავენ.
როგორც ცნობილი ხდება, “მეთოფეთა” ყურადღება ლონდონის “ჩელსის” სამიზნემ, ჰაკან ჩალჰანოღლუმ მიიქცია. ამ ინფორმაციას Aksam ავრცელებს.
“ლევერკუზენის” თურქი ნახევარმცველის გადაბირებით, რომელიც 20 მილიონ ევროდაა შეფასებული, “ლაციოს” ხელმძღვანელებიც არიან დაინტერესებულები.
მიუნხენის “ბაიერნის” ხელმძღვანელები მზად არიან, ალექსის სანჩესი კლუბის ყველაზე მაღალანაზღაურებადი ფეხბურთელი გახადონ. ამ ინფორმაციას გერმანული Kicker ავრცელებს.
როგორც იცით, 2016/17 წლების სეზონი ლონდონის “არსენალმა” არც ისე სახარბიელოდ განვლო და ჩემპიონთა ლიგაზე თამაშის შანსიც ვერ მოიპოვა, რამაც ალექსის სანჩესის საკმაოდ დიდი იმედგაცრუება გამოიწვია.
გერმანული გამოცემების თანახმად, საკმაოდ დიდია შანსი, რომ სანჩესი მომავალ სეზონში “ალიანც არენაზე” ვიხილოთ, სადაც ის ხელფასის სახით კვირაში 480 000 ევროს მიიღებს.
ლონდონის “არსენალის” ხელმძღვანელებისათვის ჩაგდებულმა სეზონმა ცივი შხაპის როლი ითამაშა და მიახვედრა, რომ წარმატების მისაღწევად დღევანდელ რეალობაში ფულის დახარჯვა აუცილებელია.
Daily Star-ის ცნობით, “არსენალმა” არსენ ვენგერს ტრანსფერების განსახორციელებლად 150 მილიონი ფუნტი გამოუყო – მიუხედავად იმისა, რომ ეს გუნდი მომავალ სეზონში ჩემპიონთა ლიგაზეც ვერ ითამაშებს.
რაც შეეხება ლონდონელთა სამიზნეებს, არსენ ვენგერის ინტერესთა სფეროში კილიან მბაპე, ალვარო მორატა და რიად მარეზი არიან მოქცეულნი.
“ბარსელონას” თურქ ნახევარმცველსა და ლონდონის “არსენალის” ხელმძღვანელებს შორის გამართული მოლაპარაკებები წარმატებით დასრულდა. ამ ინფორმაციას El Desmarque ადასტურებს.
როგორც ცნობილი ხდება, ახლა მხოლოდ ტრანსფერის ფასია შესათანხმებელი – “ბარსელონა” 30 წლის ფეხბურთელის სანაცვლოდ 30 მილიონ ევროს ითხოვს.
როგორც იცით, არდა თურანი “ბარსელონაში” “ატლეტიკოდან” გადაბარგდა, სადაც ის გუნდის ერთ-ერთ ლიდერად მოისაზრებოდა.
მიმდინარე სეზონში არდამ “ბარსელონას” მაისური 18 მატჩში მოირგო , გაიტანა 3 გოლი და გააკეთა სამი საგოლე გადაცემა.
ლონდონის “არსენალის” ფეხბურთელი, პერ მერტესაკერი აღიარებს, რომ კარეირის დასრულებაზე ფიქრობს.
“წარმოუდგენლად იღბლიანი აღმოვჩნდი ასეთი კარიერა რომ მქონდა. ვთვლი, რომ ახლა პენსიაზე გასვლისთვის შესაფერისი დროა.
ვენგერს უკვე ვუთხარი, რომ ფეხბურთიდან წასვლას ვაპირებდი, დაღლილი ვარ, ცარიელი. მსგავსი რამ კარიერაში პირველად ხდება, არანაირი აზრი არ აქვს ჩემს დარჩენას, კარიერა უნდა დავასრულო. მნიშვნელობა არ აქვს რამდენად ბევრს ვივარჯიშებ.
“არსენალში” ყველა ფეხბურთელის ჩანაცვლება შეიძლება, არ მინდა ვინმეს გზა გადავუღობო.
“არსენალს” ჩემთან კავშირის გაწყვეტა არ სურს, მოლაპარაკებები უკვე მიმდინარეობს. კლუბში სხვა ფუნქციების შესრულება დამეკისრება, ძირითადად ბიზნესის მართვის კუთხით,” – აცხადებს მერტესაკერი.
არსენ ვენგერმა ლონონის “არსენალთან” კონტრაქტი კიდევ ორი წლით გაახანგრძლივა. იგი რიგით 21-ე სეზონს დაიწყებს “არსენალში” და კიდევ ერთხელ ცდის, კლუბს დიდი ტიტულები მოაგებინოს.
ომარ მომანი ამ ფაქტს ასე ეხმაურება…
Sky Sports-ის მიერ გავრცელებული უახლესი ინფორმაციის მიხედვით, ლონდონის “არსენალმა” ბელგიური “ეიპენის” თავდამსხმელის, ჰენრი ონიეკურუს ტრანსფერი შეათანხმა.
როგორც ცნობილი ხდება, “მეთოფეები” ბელგიურ კლუბთან მოლაპარაკებებს ერთი კვირის განმავლობაში აწარმოებდა. საბოლოოდ, “ეიპენმა” სატრანსფერო ფასად 6.8 მილიონი ფუნტი დაასახელა.
წყაროს ცნობით, 19 წლის ნიგერიელი ბავშვობიდან გულშემატკივრობს ლონდონურ გრანდს.
“არსენალის” გარდა მისი გადაბირების სურვილს “ევერტონი’, “საუთჰემპტონი”, “ვესტ ბრომვიჩი” და “ვესტ ჰემი” გამოთქვამდა.
Goal-ის მიერ დადასტურებული ინფორმაციის მიხედვით, ლონდონის “არსენალის” მთავარი მწვრთნელი არსენ ვენგერი “ემირეიტსზე” კიდევ ორი წლით დარჩება.
როგორც იცით, 67 წლის ფრანგ სპეციალისტს მიმდინარე სეზონში ძალიან ბევრი გულშემატკივარი განუდგა, თუმცა, როგორც ჩანს, “არსენალის” ხელმძღვანელები კვლავ ენდობიან ვენგერის შესაძლებლობებს.
წყაროს ცნობით, დღეს, ორშაბათს ვენგერმა და სტან კროენკემ საიდუმლო შეხვედრა გამართეს, სადაც გადაწყდა, რომ არსენ ვენგერი “მეთოფეებს” კიდევ ორი წლით მოამზადებს.
