ჭდე: არსენალი

“მანჩესტერ იუნაიტედმა” “არსენალს” მოუგო, პოგბა გააძევეს (ვიდეო)

Posted on by იაკობ კაპანაძე

პრემიერ ლიგის მე-15 ტურის ცენტრალურ მატჩს “ემირეიტს სტედიუმმა” უმასპინძლა, სადაც ადგილობრივმა “არსენალმა” “მანჩესტერ იუნაიტედი” მიიღო და დიდი შერკინებაც გაუმართა.

მატჩი “წითელმა ეშმაკებმა” აქტიურად დაიწყეს, რამაც შედეგი მალევე გამოიღო. თამაშის მე-4 წუთზე ვალენსიამ შეძლო მასპინძელთა კარის აღება, მე-11 წუთზე კი ლინგარდმა გამოიჩინა თავი.

მეორე ტაიმის დაწყებისთანავე “მეთოფეებმა” მატჩში ინტრიგა დააბრუნეს და ერთი გოლი გაქვითეს, თუმცა ლინგარდმა მალევე აღადგინა ორბურთიანი სხვაობა და საბოლოო ანგარიშიც დააფიქსირა – 1:3. აღსანიშნავია, რომ თამაშის 74-ე წუთზე უხეშობის გამო მოედნიდან პოლ პოგბა გააძევეს.

შედეგად, “იუნაიტედმა” “სიტისთან” სხვაობა 5 ქულამდე შეამცირა, თუმცა “ქალაქელებს” ერთი მატჩი კიდევ აქვთ სათამაშო. “არსენალმა” კი მეოთხე ადგილი “ლივერპულთან” დაკარგა და ახლა მეხუთეა.

არსენ ვენგერი: “მანჩესტერ იუნაიტედი” შემტევ ფეხბურთს შემოგვთავაზებს”

Posted on by იაკობ კაპანაძე

ლონდონის “არსენალის” მთავარმა მწვრთნელმა, არსენ ვენგერმა “მანჩესტერ იუნაიტედთან” გასამართი მატჩის წინ პრესასთან ისაუბრა და გულშემატკივარს სანახაობრივ მატჩს დაპირდა.

“მანჩესტერ იუნაიტედს” საკმაოდ ძლიერი გუნდი ჰყავს და ვფიქრობ, რომ ისინი ბევრ პრობლემას გაგვიჩენენ. არ ვთვლი, რომ ისინი დაცვიდან ითამაშებენ, მათგან სახიფათო შეტევებს უდნა ველოდოთ.

“არსენალი” შინ ხვდება “მანჩესტერ იუნაიტედს”, უმნიშვნელოვანესი მატჩია. მე მხოლოდ ის მინდა, რომ ჩემი გუნდი მთლიანად მოგებაზე იყოს კონცენტრირებული და მათთვის ეს შესაძლებელი გავხადო.

ჯერჯერობით, “მანჩესტერ იუნაიტედი” ძალიან კარგად თამაშობს, ისევე როგორც ჩვენ. ასე რომ, საკმაოდ დაძაბული მატჩის მოლოდინში უნდა ვიყოთ,”- აცხადებს ვენგერი.

მესუთ იოზილის დამატების ვარიანტს “ჩელსიშიც” განიხილავენ

Posted on by იაკობ კაპანაძე

გერმანული ტაბლოიდის, Bild-ის მიერ გავრცელებული უახლესი ინფორმაციის თანახმად, მესუთ იოზილის გადაბირების ვარიანტს ლონდონის “ჩელსის” ხელმძღვანელებიც განიხილავენ.

როგორც იცით, მიმდინარე კონტრაქტი, რომელიც მესუთ იოზილს “არსენალთან” აკავშირებს, მიმდინარე სეზონის ბოლოს იწურება და შესაბამისად, ძალიან დიდია შანსი, რომ “მეთოფეებმა” არჩევანი იოზილის ზამთარში გაყიდვაზე გააკეთონ.

უცხოურ პრესაში 29 წლის გერმანელი ფეხბურთელის გადაბირების მთავარ პრეტენდენტებად “მანჩესტერ იუნაიტედსა” და “ბარსელონასაც” ასახელებენ. ახლა კი მათ სიას ლონდონის “ჩელსიც” შეუერთდა.

პრემიერ ლიგის მიმდინარე სეზონში იოზილმა 10 მატჩი ჩაატარა და ამ დროის მანძილზე მხოლოდ ერთი გოლისა და სამი საგოლე გადაცემის ჩაწერა მოახერხა პირად აქტივში.

კარიკატურა: დამარცხება თუ “კიოლნის” მაისურით “არსენალთან” ტკბილი გამარჯვება?

Posted on by კახა ყიფიანი

ხუთშაბათს “კიოლნმა” ევროპის ლიგის ჯგუფური ეტაპის მეხუთე ტურის შეხვედრაში ლონდონის “არსენალი” მინიმალური ანგარიშით დაამარცხა. რა თქმა უნდა, ეს გამარჯვება იზეიმა გერმანელთა ამჟამინდელმა და ინგლისელთა ყოფილმა შემტევმა, ლუკაშ პოდოლსკიმ.

ამასთან დაკავშირებით ომარ მომანი ასეთ კარიკატურას გვთავაზობს.

“ბარსელონა” იოზილს წელიწადში 18 მილიონ ევროს სთავაზობს

Posted on by იაკობ კაპანაძე

კატალონიის “ბარსელონას” ხელმძღვანელებს მკაცრად აქვთ გადაწყვეტილი ლონდონის “არსენალის” გერმანელი ნახევარმცველის, მესუთ იოზილის დამატება, რომელსაც “მეთოფეებთან” არსებული კონტრაქტი სეზონის ბოლოს ეწურება.

ბრიტანელი ჟურნალისტის, ჯონ კროსის ცნობით, ამ დროისთვის იოზილის ტრასნფერზე კიდევ ერთი ევროპული გრანდი, “მანჩესტერ იუნაიტედიც” მუშაობს. იოზილის მიმართ ინტერესს პირადად ჟოზე მოურინიო იჩენს.

ცნობილი ხდება “ბარსელონელთა” წინადადების ერთ-ერთი მთავარი პირობაც – “ლურჯ-ბროწეულისფრები” მზად არიან, “კამპ ნოუზე” გადაბარგების შემთხვევაში, იოზილს წელიწადში 18 მილიონი ევრო გადაუხადონ ხელფასის სახით.

გეტყვით იმასაც, რომ ამჟამად იოზილის ყოველწლიური შემოსავალი 10 მილიონ ევროს შეადგენს.

იოზილი შესაძლოა, “ბარსელონაში” 20 მილიონი ევროს სანაცვლოდ გადავიდეს

Posted on by იაკობ კაპანაძე

Mundo Deportivo კატალონიურ გულშემატკივარს საკმაოდ საინტერესო და ამაღელვებელ ინფორმაციას აწვდის, რომლის მიხედვითაც “ლურჯ-ბროწეულისფრებს” ზამთრის სატრანსფერო ფანჯარაზე იოზილის გადაბირება 20 მილიონ ევროდ შეეძლებათ.

როგორც იცით, კატალონიელთა მთავარი სამიზნე “ლივერპულის” ნახევარმცველი, ფილიპე კოუტინიოა. თუმცა, ბრაზილიელის გადაბირებას არანაკლებ აქტიურად ცდილობენ პარიზელებიც. იმ შემთხვევაში, თუ კოუტინიოს ვარიანტი ჩაიშლება, ესპანელები მთლიანად იოზილის ტრანსფერზე გადაერთვებიან.

გერმანელ ფეხბურთელს “არსენალთან” არსებული კონტრაქტი ივლისის თვეში ეწურება, ჯერჯერობით არანაირი ნიშანი არაა ახალი კონტრაქტის გაფორმებასთან დაკავშირებით. ასე რომ, საკმაოდ დიდია შანსი, იოზილმა “ემირეიტსი” იანვარში დატოვოს.

“არსენალმა” “ტოტენჰემს” პრინციპულ ბრძოლაში სძლია (ვიდეო)

Posted on by იაკობ კაპანაძე

ინგლისის პრემიერ ლიგის მე-12 ტურის ცენტრალურ მატჩში ლონდონის “ჩელსიმ” პრინციპული მეტოქის, თანაქალაქელი “ტოტენჰემის” დამარცხება შეძლო და სატურნირო ცხრილში მცირედით დაწინაურდა.

მატჩის პირველი ტაიმი გარდამავალი უპირატესობით მიმდინარეობდა. ორივე გუნდმა ორჯერ დაარტყა მეტოქის კარის მიმართულებით იმ განსხვავებით, რომ “მეთოფეთა” ორივე დარტყმული ზუსტი აღმოჩნდა. თავები მუსტაფიმ (35′) და სანჩესმა (41′) გამოიჩინეს. დარჩენილ დროში კი არაფერი შეცვლილა.

ამ გამარჯვების წყალობით, “არსენალმა” 22 ქულით მეხუთე ადგილზე გადაინაცვლა, “სპურსი” კი ჯერჯერობით მაინც ინარჩუნებს მესამე ადგილს (23 ქულა). მომდევნო ტურში მაურისიო პოჩეტინოს გუნდი “ვესტ ბრომვიჩს” დაუხვდება, ვენგერის ბიჭები კი “ბარნლის” ეწვევიან.

ვენგერი: “სანჩესსა და იოზილს კლუბის დატოვება იანვარშიც შეუძლიათ”

Posted on by იაკობ კაპანაძე

ლონდონის “არსენალის” მთავარმა მწვრთნელმა, არსენ ვენგერმა ალექსის სანჩესისა და მესუთ იოზილის მომავალზე გააკეთა კომენტარი და აღნიშნა, რომ მათ კლუბის დატოვება სურვილის შემთხვევაში, იანვარშიც შეეძლებათ.

“იოზილისა და სანჩესის მომავალი? ჯერ არაფერი გადაწყვეტილა,” – ციტირებს ფრანგი სპეციალისტის სიტყვებს The Telegraph.

“ჩვენ მოვლენების განვითარების ყველანაირ ვარიანტსა და შესაძლებლობას განვიხილავთ. იოზილსა და სანჩესს იანვარშიც შეუძლიათ კლუბის დატოვება, თუმცა, ბუნებრივია, ეს კლუბის შედეგებზე დიდ გავლენას იქონიებს,” – აცხადებს ვენგერი.

შეგახსენებთ, რომ 2018 წლის ზაფხულში იოზილსა და სანჩესს თავისუფალი აგენტის სტატუსი ენიჭებათ და ლონდონური კლუბისთვისაც უკეთესი იქნება, თუ მათი უფასოდ გაშვების ნაცვლად, ამ ტრანსფერებიდან დიდ ანაზღაურებას მიიღებენ.

ჩეხი: “პროგრესის დასატასტურებლად “ტოტენჰემმა” ტიტული უნდა მოიგოს”

Posted on by იაკობ კაპანაძე

პეტრ ჩეხმა პრესასთან თავისი კლუბის პრინციპულ მეტოქეზე ისაუბრა, რომელმაც გასულ წელს ბოლო 22 წლის მანძილზე პირველად შეძლო, პრემიერ ლიგაში სეზონის “არსენალზე” უფრო მაღალ პოზიციაზე დასრულება.

“ყოველთვის არის ერთი უცნაური სეზონი, სადაც უჩვეულო რაღაცები ხდება. ჩვენ “ტოტენჰემს” არ ვეჯიბრებით. “არსენალის” მიზანი ჩემპიონობა, ტიტულის მოპოვება და წარმატებული სეზონის ჩატარებაა.

ჩვენი მიღწევები “ტოტენჰემთან” შედარებით არ ფასდება. ორი წლის წინ სეზონი “ტოტენჰემზე” უფრო მაღალ პოზიციაზე დავასრულეთ, მაგრამ მაინც უკმაყოფილონი ვიყავით, რადგანაც ჩემპიონები ვერ გავხდით.

პოჩეტინოს მისვლის შემდეგ ისინი პროგრესს განიცდიან, რასაც ვერ ვუარყობთ, თუმცა, ამის დასამტკიცებლად მათ მაინც სჭირდებათ ტიტულის მოგება,” – აცხადებს ჩეხი.

“არსენალმა” იოზილის შემცვლელი “ბარსელონაში” იპოვა

Posted on by იაკობ კაპანაძე

ესპანური საკმაოდ ავტორიტეტული გამოცემა, As იუწყება, რომ ლონდონის “არსენალის” ხელმძღვანელები კატალონიის “ბარსელონასთან” აწარმოებენ მოლაპარაკებებს რაფინიას ტრანსფერის თაობაზე.

როგორც ცნობილი ხდება, “მეთოფეები” ალკანტარაში მესუთ იოზილის შემცვლელს ხედავენ, რომელიც ბოლო დროს ლიდერის ფუნქციებს თავს სათანადოდ ვერ ართმევს. ცნობილია ისიც, თუ ვისგან მოდის ინიციატივა, ამ იდეის ავტორი თავად არსენ ვენგერია.

შეგახსენებთ იმასაც, რომ 24 წლის რაფინიას “ბარსელონას” ახალი თავკაცი, ერნესტო ვალვერდე დიდად არ წყალობს – მას ჯერაც არ ჩაუტარებია სადებიუტო მატჩი ახალ სეზონსი.

ასე რომ, ძალიან დიდია იმის ალბათობა, რომ ალკანტარა “ემირეიტს სტედიუმზე” იანვრის თვეში გადაბარგდეს.

პეპ გვარდიოლას “მანჩესტერ სიტი” ვერც “არსენალმა” შეაჩერა (ვიდეო)

Posted on by იაკობ კაპანაძე

პეპ გვარდიოლას “მანჩესტერ სიტი” ინგლისის ჩემპიონატში კვლავაც შეუჩერებელია. პრემიერ ლიგის მე-11 ტურში “ქალაქელების” შეჩერების ამბიციით “ეტიჰადს” “არსენალი” ეწვია, თუმცა ამაოდ – “მეთოფეები” 3:1 დამარცხდნენ.

მატჩი მასპინძელთა უპირატესობით დაიწყო და თამაშის მე-19 წუთზე კევინ დე ბრუინმა ანგარიშის გახსნაც კი შეძლო. 50-ე წუთზეაგუერომ თერთმეტმეტრიანის წყალობით ანგარიშში სხვაობა ორამდე გაზარდა, რასაც ლაკაზეტმა უპასუხა (65′). მატჩს წერტილი გაბრიელ ჟეზუსის მიერ 74-ე წუთზე გატანილმა გოლმა დაუსვა – 3:1.

შედეგად, 11 ტურის შემდეგ პეპის გუნდს 10 მოგება და ერთი ფრე უგროვდება. შესაბამისად, “მანჩესტერ სიტი” 31 ქულით პირველ პოზიციას იკავებს სატურნირო ცხრილში, “არსენალი” კი 19 ქულით მეექვსეა.

“მანჩესტერ სიტი”: ედერსონი; დელფი, ოტამენდი, სტოუნზი, უოკერი; სილვა, ფერნანდინიო, დე ბრუინი; ლეროი სანე (ბერნარდო სილვა 87′), აგუერო (გაბრიელ ჟეზუსი 62′), სტერლინგი (გიუნდოგანი 78′)

მთავარი მწვრთნელი: პეპ გვარდიოლა

“არსენალი”: ჩეხი; ბელერინი, კოშელნი, მონრეალი, კოლაშინაცი; რემზი, კოკლინი (ლაკაზეტი 56′), ჯაკა (ჟირუ 78′); იოზილი, აივობი (უილშეარი 78′); ალექსის სანჩესი

მთავარი მწვრთნელი: არსენ ვენგერი

დანი ალვეში: “არსენალი” ყოველთვის სასურველი მეტოქე იყო “ბარსელონასთვის”

Posted on by იაკობ კაპანაძე

“პარი სენ-ჟერმენის” 34 წლის მცველი, დანი ალვეში აღიარებს, რომ “ბარსელონაში” ძალიან სიამოვნებდათ, როდესაც ლონდონის “არსენალთან” უწევდათ ურთიერთობის გარკვევა.

“ჩვენ ნამდვილად მოგვწონდა “არსენალის” წინააღმდეგ თამაში, ეს გუნდი ყოველთვის სასურველი მეტოქე იყო. ჩვენ მსგავსი სტილის ფეხბურთს ვთამაშობთ და მსგავსი შეხვედრები ყოველთვის გვეხმარებოდა ტაქტიკის დახვეწაში.

“არსენალთან” ხშირად ვწყვილდებოდით და ყველა შეხვედრა დადებითი შედეგით სრულდებოდა. ჩვენ მათზე კონტროლს ვფლობდით და სრულიად ვდომინირებდით.

“ბარსელონაში” ჩვენ გუნდური თამაშის დემონსტრირებას ვახდენდით. ერთად ვსვამდით, ერთად მივირთმევდით და რაც მთავარია, ფეხბურთით ვსუნთქავდით. ასეთი დამოკიდებულებისთვის ჩემპიონთა ლიგის მოგება უბრალოდ ჯილდო იყო,” – აცხადებს ალვეში.