Atletico Madrid – გვერდი 3 – Fanebi.Com – ფეხბურთი, კალათბურთი, რაგბი, სხვა

სიმეონე “ატლეტიკოში” 2020 წლამდე

Posted on მარტი 24, 2015 by ბექა დოგრაშვილი

ესპანური გამოცემა “ასი” იტყობინება, რომ მადრიდის “ატლეტიკოს” მთავარმა მწვრთნელმა დიეგო სიმეონემ კლუბთან კონტრაქტი გაახანგრძლივა.

წყაროს ცნობით, მხარეებს შორის გაფორმებული ახალი შრომითი ხელშეკრულება ძალაში 2020 წლამდე იქნება. გავრცელებული ინფორმაციით, კონტრაქტის გაფორმების შესახებ ოფიციალური განცხადება სამშაბათს გაკეთდება.

შეგახსენებთ, რომ ფეხბურთის არგენტინელი სპეციალისტი “ატლეტიკოს” 2011 წლიდან თავკაცობს. ამ დროის განმავლობაში გუნდმა ესპანეთის ჩემპიონატი, ქვეყნის თასი და სუპერთასი, ასევე ევროპის ლიგა და უეფას სუპერთასი მოიგო, გუნდი შარშან ჩემპიონთა ლიგის ფინალშიც გავიდა.

ბუტრაგენიო: “ვიცით, რა სირთულეები გველის “ატლეტიკოსთან”, ამიტომ საუკეთესოდ უნდა ვითამაშოთ”

Posted on მარტი 20, 2015მარტი 20, 2015 by ბექა დოგრაშვილი

როგორც მოგეხსენებათ, დღეს შვეიცარიის ქალაქ ნიონში უეფას ჩემპიონთა ლიგის მიმდინარე გათამაშების მეოთხედფინალური ეტაპის წილისყრა ჩატარდა. ტურნირის ამ სტადიაზე მადრიდული დერბი გველის — “ატლეტიკო” “რეალის” წინააღმდეგ.

“სამეფო კლუბის” დირექტორმა ემილიო ბუტრაგენიომ დამდეგი დაპირისპირების შესახებ ისაუბრა.

“ატლეტიკო” კონკურენტუნარიანი გუნდია. ამ სეზონში ერთმანეთთან ბევრჯერ ვითამაშეთ და ერთმანეთს კარგად ვიცნობთ. “ატლეტიკომ” ბრძოლა იცის. ეს გუნდი ცოტა გოლს უშვებს, სტანდარტულ სიტუაციებს კარგად იყენებს და თითოეულ მომენტში მაქსიმუმის გამომუშავებას ცდილობს. ვნახოთ, შევძლებთ თუ არა მის დამარცხებას და ვიქნებით თუ არა ნახევარფინალური ეტაპის წილისყრაში. იმედია, საკადრო პრობლემებს მოვაგვარებთ.

ჩემპიონთა ლიგა განსაკუთრებული ტურნირია. არავინ არ იცის, რამდენად არის უპირატესობა საპასუხი მატჩის საკუთარ მოედანზე ჩატარება. ვიცით, რა სირთულეების წინაშე დავდგებით, ამიტომ თავი საუკეთესოდ უნდა წარმოვაჩინოთ. თუ გვინდა, რომ მომდევნო ეტაპზე ვითამაშოთ, “ატლეტიკოს” ბარიერი უნდა დავძლიოთ”, – ბუტრაგენიოს კომენტარი უეფას ოფიციალურ ვებგვერდზე გამოაქვეყნდა.

წყვილის პირველი შეხვედრა “ვისენტე კალდერონზე”, 14 აპრილს გაიმართება.

ორმატჩიანი დისკვალიფიკაცია მირანდას

Posted on მარტი 18, 2015მარტი 18, 2015 by ბექა დოგრაშვილი

მადრიდის “ატლეტიკოს” მცველი მირანდა ესპანეთის პრიმერადივიზიონში ორმატჩიანი დისკვალიფიკაციით დასაჯეს.

ესპანეთის ფეხბურთის ფედერაციის სადისციპლინო კომიტეტმა ეს გადაწყვეტილება პრიმერადივიზიონის 27-ე ტურში “ესპანიოლსა” და “ატლეტიკოს” შორის გამართულ მატჩში (0:0 )მომხდარი ეპიზოდის გამო მიიღო.

აღნიშნულ შეხვედრაში მირანდამ მეტოქე გუნდის ნახევარმცველ აბრაამ გონსალესს თავში იდაყვი გაარტყა, რის გამოც ბრაზილიელი ფეხბურთელი პირდაპირ წითელი ბარათით დაისაჯა.

სიმეონე: “ატლეტიკოს” “ბაიერთან” ფავორიტად არ ვთვლი”

Posted on თებერვალი 25, 2015 by ბექა დოგრაშვილი

დღეს უეფას ჩემპიონთა ლიგის მერვედფინალური ეტაპის მორიგი სათამაშო დღეა. ლევერკუზენში ადგილობრივ “ბაიერს” მადრიდის “ატლეტიკო” ესტუმრება. ესპანური გუნდის მთავარი მწვრთნელი დიეგო სიმეონე ამბობს, რომ წყვილში “ატლეტიკოს” ფავორიტად არ მიიჩნევს.

“ჩვენთვის მეტად მნიშვნელოვანი დაპირისპირება გველის. ჩვენ არამხოლოდ თამაში, არამედ ბურთიც უნდა ვაკონტროლოთ, თუმცა სიფრთხილეც გვმართებს, რადგან შესაძლოა, “ბაიერმა” ბურთის ასართმევად პრესინგს მიმართოს. ჩვენი მეტოქე კარგად დაბალანსებულია, კარგი ფეხბურთელები და კარგი მწვრთნელი ჰყავს.

“ატლეტიკო” მშვენიერ ფორმაშია და ენთუზიაზმით სავსეა. მნიშვნელოვანი მატჩია და გუნდურად უნდა ვიმოქმედოთ. არ ვფიქრობ, რომ ჩვენ ამ წყვილში ფავორიტები ვართ. მატჩი ანგარიშით 0:0 იწყება და ყველაფერი შეიძლება, მოხდეს”, – სიმეონეს კომენტარი უეფას ოფიციალურ ვებგვერდზე გამოქვეყნდა.

მატჩი “ბაიერსა” და “ატლეტიკოს” შორის დღეს, თბილისის დროით 23:45 საათზე დაიწყება და მას პაველ კრალოვეცის ხელმძღვანელობით ჩეხ მსაჯთა ბრიგადა მოემსახურება.

კასორლა “ატლეტიკოში” მიდის?

Posted on თებერვალი 16, 2015 by ბექა დოგრაშვილი

ბრიტანული “მირორის” ცნობით, ლონდონის “არსენალის” ესპანელი ნახევარმცველი სანტი კასორლა შესაძლოა სამშობლოში დაბრუნდეს. კერძოდ, 30 წლის ფეხბურთელის მიმართ ინტერესი მადრიდის “ატლეტიკომ” გამოავლინა.

პრესაში გავრცელებული ინფორმაციის თანახმად, კასორლამ მადრიდულ კლუბში გადასვლაზე თანხმობა უკვე განაცხადა.

შეგახსენებთ, რომ ესპანელ ფეხბურთელს “მეთოფეებთან” მოქმედი კონტრაქტის ვადა 2016 წლის 30 ივნისს ეწურება.

სანტი კასორლამ ინგლისის პრემიერლიგის მიმდინარე გათამაშებაში 24 მატჩი ჩაატარა და ექვსი გოლი გაიტანა.

საულმა “რეალს” “მაკრატელა” გოლი გაუტანა

Posted on თებერვალი 7, 2015თებერვალი 7, 2015 by ბექა დოგრაშვილი

ესპანეთის პრიმერადივიზიონის 22-ე ტურში მადრიდის “ატლეტიკოსა” და “რეალს” შორის მიმდინარე მატჩში მასპინძელთა გუნდის ნახევარმცველმა საულ ნიგესმა მე-18 წუთზე მეტოქეს “მაკრატელა” გოლი გაუტანა და ანგარიში 2:0 გახადა.

როგორ ითამაშა ტორესმა „რეალთან“ სადებიუტო მატჩში (ვიდეო)

Posted on იანვარი 8, 2015 by Alix

მოგეხსენებათ, ესპანეთის თასის მატჩში მადრიდის „ატლეტიკომ“ ვისენტე კალდერონის სახელობის სტადიონზე თანაქალაქელი „რეალი“ მიიღო და ანგარიშით 2:0 დაამარცხა.

აღნიშნული შეხვედრა საინტერესო იმითაც იყო, რომ დიეგო სიმეონეს გუნდის შემადგენლობაში ფერნანდო ტორესმა ითამაშა, რომელიც თავის მშობლიურ კლუბში დაბრუნდა. ელ ნინიომ ხსენებულ შეხვედრაში 60 წუთის განმავლობაში ითამაშა.

წარმოგიდგენთ მისი თამაშის ამსახველ ვიდეოს:

სიმეონე “რეალის” კარში გატანილი გოლის შემდეგ საკუთარ შვილს ჩაეკონა

Posted on იანვარი 8, 2015 by ბექა დოგრაშვილი

ესპანეთის თასის მერვედფინალში მადრიდის “ატლეტიკოსა” და “რეალს” შორის “ვისენტე კალდერონზე” გამართულ მატჩში (2:0) მასპინძელთა მიერ გატანილი ერთ-ერთი გოლის მომენტში დიეგო სიმეონემ ემოციები ვერ შეიკავა.

არგენტინელი სპეციალისტი მისკენ მორბენალ ბურთის მომწოდებელ ბიჭს ჩაეკონა. როგორც გაირკვა, პატარა ბიჭი სიმეონეს შვილია.

პირველივე დღეს „ატლეტიკოს“ გულშემატკვირებმა ტორესის 2000 მაისური შეიძინეს

Posted on იანვარი 7, 2015იანვარი 7, 2015 by Alix

კვირას, როდესაც „ატლეტიკომ“ ფერნანდო ტორესი წარადგინა, გაყიდვაში მისი მაისურებიც გამოვიდა.

ელ ნინიოს 19-ნომრიანი მაისური გაყიდვაში, ადგილობრივი დროით, დილით 10:00 საათიდან საღამოს 19:00 საათამდე იყო. აღნიშნულ დროში მადრიდიული კლუბის გულშემატკვირებმა 2000 მაისური იყიდეს.

აქედან გამომდინარე, საათში, საშუალოდ 222 მაისური, ხოლო წუთში 3,7 მიასური გაიყიდა.

ცნობისთვის, დღეს ტორესი „ატლეტიკოში“ დაბრუნების შემდეგ თავის პირველ მატჩს ჩაატარებს – ესპანეთის თასის 1/8 ფინალში მისი გუნდის მეტოქე მადრიდის „რეალი“ იქნება.

“ატლეტიკომ” ტორესი წარადგინა

Posted on იანვარი 4, 2015იანვარი 4, 2015 by ბექა დოგრაშვილი

დღეს მადრიდის “ატლეტიკომ” ფერნანდო ტორესი წარადგინა, რომელიც ესპანურ კლუბში “მილანიდან” გადავიდა. ელ ნინიო მშობლიურ კლუბში 19-ნომრიანი მაისურით ითამაშებს.

ტორესის წარდგენამ დიდი ინტერესი გამოიწვია. “ვისენტე კალდერონზე” აღნიშნულ მოვლენას 45 ათასი ქომაგი დაესწრო.

ფერნანდო ტორესს “ატლეტიკოში” თამაში 5 იანვრის შემდეგ შეეძლება.

შეგახსენებთ, რომ ესპანელი თავდამსხმელი მადრიდულ კლუბში 2007 წლამდე თამაშობდა.

“ატლეტიკოს” სატრანსფერო მიზანი — იკარდი ან სოლდადო

Posted on დეკემბერი 7, 2014 by ბექა დოგრაშვილი

მადრიდის “ატლეტიკო” დამდეგ სატრანსფერო პერიოდში კიდევ ერთი უმაღლესი დონის თავდამსხმელის დამატებას აპირებს.

კერძოდ, საუბარია ორ კანდიდატურაზე: მილანის “ინტერის” ფორვარდ მაურო იკარდიზე და “ტოტენჰემ ჰოთსპურის” თავდამსხმელ რობერტო სოლდადოზე. ამ უკანასკნელის დამატება გაცილებით ადვილი უნდა იყოს, ვინაიდან ესპანელი ფეხბურთელი “დეზების” ძირითად შემადგენლობაში ვერ ხვდება. თუმცა, იკარდი ერთ-ერთ ყველაზე პერსპექტიულ თავდამსხმელად ითვლება და რა თქმა უნდა, მადრიდელებისთვის ახალგაზრდა არგენტინელი ფორვარდი უფრო მისაღები ვარიანტია.

სიმეონემ მიანიშნა, რომ “ატლეტიკოდან” წასვლას აპირებს

Posted on ნოემბერი 30, 2014 by ბექა დოგრაშვილი

მადრიდის “ატლეტიკოს” მთავარმა მწვრთნელმა დიეგო სიმეონემ მიანიშნა, რომ კლუბში დიდი ხნით დარჩენას არ აპირებს.

“სპონტანური ადამიანი ვარ, ასეთ ხალხს კი მოუთმენლობა ახასიათებს. ერთ კლუბში ათი წლით ვერ გავჩერდები”, – განაცხადა სიმეონემ ფრანგული ტელეარხის ეთერში.

შეგახსენებთ, რომ ფეხბურთის არგენტინელმა სპეციალისტმა “ატლეტიკო” 2011 წლის დეკემბერში ჩაიბარა. სიმეონემ მადრიდულ გუნდთან ერთად ესპანეთის ჩემპიონატი, ქვეყნის თასი და სუპერთასი, აგრეთვე ევროპის ლიგა და უეფას სუპერთასი მოიგო, შარშან გუნდმა ჩემპიონთა ლიგის ფინალშიც ითამაშა.

აღსანიშნავია, რომ დიეგო სიმეონეს, “ატლეტიკოს” გარდა, არცერთ კლუბში წელიწადნახევარზე მეტი ხნით არ უმუშავია.