ბაჩანა ცხადაძე – Fanebi.Com – ფეხბურთი, კალათბურთი, რაგბი, სხვა

საჩხერის “ჩიხურამ” ეროვნული ნაკრების ყოფილი ფეხბურთელი დაიმატა

Posted on ოქტომბერი 11, 2017ოქტომბერი 11, 2017 by ცოტნე შაორშაძე

საქართველოს ეროვნული ჩემპიონატის, გასული წლის ვიცე ჩემპიონმა საჩხერის “ჩიხურამ” ეროვნული ნაკრების ყოფილი ფეხბურთელი დაიმატა.

საქმე ეხება 29 წლის ცენტრფორვარდს, ბაჩანა ცხადაძეს. როგორც მოგეხსენებათ მრავალწლიანი უცხოური კარიერის შემდეგ, ცხადაძე საქართველოს ჩემპიონატში დაბრუნდა. ბოლოს ის “სამტრედიაში” გამოდიოდა, სადაც საკმაოდ სერიოზული ტრავმა მიიღო და დიდი ხანი გაუცდა. დღეს კი, ცნობილი ხდება, რომ ბაჩანა საჩხერელთა რიგებში იასპარეზებს. ამის შესახებ ინფორმაციას საჩხერის “ჩიხურის” პრესსამსახური ავრცელებს სოციალურ ქსელში. ცხადაძე ახალ კლუბში ნაცნობი, 28-ნომრიანი მაისურით ითამაშებს.

ცხადაძე უკრაინაში მიდის

Posted on ივნისი 24, 2015 by Levan

ბაქოს “ინტერის” თავდამსხმელი, ბაჩანა ცხადაძე კარიერას უკრაინაში გააგრძელებს. ადგილობრივ მედიაში გავრცელებული ინფორმაციის თანახმად, ქართველი შემტევი ზაპოროჟიეს “მეტალურგში” ითამაშებს.

27 წლის ფორვარდმა გასულ სეზონში “ინტერის” შემადგენლობაში 28 მატჩი ჩაატარა და 7 გოლის გატანა შეძლო. აზერბაიჯანული კლუბის ღირსებას ცხადაძე 2010 წლიდან იცავდა.

ფინალში გასასვლელად “ინტერს” ცხადაძის გოლი არ ეყო

Posted on აპრილი 22, 2015 by Levan

აზერბაიჯანის თასის გათამაშებაში ბაქოს “ინტერმა” და “ნეფთჩიმ” განმეორებითი ნახევარფინალური შეხვედრა გამართეს.

კახა ცხადაძის გუნდში ქართველი ლეგიონერებიდან მხოლოდ ბაჩანა ცხადაძემ ითამაშა, რომელმაც 57-ე წუთზე საბოლოო ანგარიშით, 2:1 დააფიქსირა საკუთარი გუნდის სასარგებლოდ. მაგრამ, ეს მოგება “ინტერისთვის” ფინალში გასასვლელად საკმარისი არ აღმოჩნდა. “ნეფთჩი” პირველი შეხვედრა 2:0 მოიგო და ფინალშიც უპრობლემოდ გავიდა.

ცხადაძემ “ინტერს” “სიმურქთან” მოაგებინა

Posted on აპრილი 7, 2014 by -

6 აპრილს, აზერბაიჯანის ჩემპიონატში, “სიმურქმა” საკუთარ მოედანზე კახაბერ ცხადაძის გაწვრთნილი “ინტერი” მიიღო და მეტოქესთან ანგარიშით 0:1 დამარცხდა.

აღსანიშნავია, რომ შეხვედრაში ერთადერთი გოლი ბაჩანა ცხადაძემ 74-ე წუთზე გაიტანა.

ბაჩანას გარდა, “ინტერის” შემადგენლობაში ლაშა სალუქვაძემ და ალექსანდრე იაშვილმა ითამაშეს, ხოლო გიორგი ლომაია სათადარიგოთა რიგებში იყო.

ბაჩანა ცხადაძის გოლი აზერბაიჯანის ჩემპიონატში

Posted on ნოემბერი 3, 2013 by -

2 ნოემბერს, აზერბაიჯანის ჩემპიონატის მეთორმეტე ტურში, კახაბერ ცხადაძის გაწვრთინლმა ბაქოს “ინტერმა” საკუთარ მოედანზე “რევანი” მიიღო და მეტოქე ანგარიშით 3:2 დაამარცხა.

შეხვედრაში ანგარიში მე-5 წუთზე “ინტერმა” გახნსა, თავი კი ქართველმა თავდამსხმელმა, ბაჩანა ცხადაძემ გამოიჩინა.

ბაჩანას გარდა, ბაქოელთა ძირითად შემადგენლობაში კიდევ ორი ქართელი იყო – მეკარე გიორგი ლომაიამ და მცველმა ლაშა სალუქვაძემ შეუცვლელად ითამაშეს, ხოლო ცხადაძე 89-ე წუთზე შეცვალეს. რაც შეეხება ალექსანდრე იაშვილს, ის მოედანზე 69-ე წუთზე გამოჩნდა.