იტალიელი მწვრთნელი რობერტო მანჩინი აცხადებს, რომ “ლივერპული” მარიო ბალოტელისათვის ბოლო შანსია. 49 წლის სპეცილისტის თქმით, ბალოტელიმ თავისი შესაძლებლობების გამოსავლენად ყველაფერი უნდა გააკეთოს.
შეგახსენებთ, რომ მანჩინი და ბალოტელი რამდენიმე წლის განმავლობაში, “ინტერსა” და “მანჩესტერ სიტიში” ერთად მუშობდნენ.
“მარიო კარგი ბიჭია, მაგრამ მან უნდა გააცნობიეროს, რომ “ლივერპული” მისი ბოლო შანსია. ბალოტელის მოუწევს დაამტკიცოს, რისი გაკეთება შეუძლია მოედანზე. ეს მისი ბოლო შანსია.
მარიოს ხშირად ვესაუბრები, მაგრამ თავისი თავის გარდა, მას ვერავინ დაეხმარება”, – ამბობს მანჩინი.
