14 თებერვალს, ინგლისის პრემიერ ლიგაში, “არსენალსა” და “ლესტერს” შორის გამართულ მატჩში, ერთ-ერთ ეპიზოდში პეტრ ჩეხმა ჯეიმი ვარდი ასე მოატყუა:
ჭდე: ჩეხი
მსოფლიოს ექვსი საუკეთესო მეკარე
თანამედროვე ფეხბურთში ხშირად მიდის კამათი იმაზე, თუ რომელი მეკარეა მსოფლიოში საუკეთესო. აზრები სხვადასხვანაირად იყოფა. ჩვენ კი წარმოგიდგენთ დღეისათვის მსოფლიოს ექვს საუკეთესო მეკარეს.
6. კეილორ ნავასი
კოსტა რიკელმა კარის დარაჯმა სახელი ”ლევანტეში” თამაშით გაითქვა. საშუალოზე დაბალი დონის პრიმერა დივიზიონის კლუბის კარში საიმედო მეკარე იდგა. 29 წლის ნავასმა განსაკუთრებულად კარგად თავი 2014 წლის მსოფლიო ჩემპიონატზე წარმოაჩინა, რის შემდეგაც მადრიდის ”რეალში” გადაბაგრდა. ”სამეფო კლუბის” რიგებში თავდაპირველად იგი სათადარიგოთა სკამზე იჯდა, თუმცა მიმდინადრე სეზონის დასაწყისში იკერ კასილასის წასვლის შემდეგ ბერნაბეუს ბინადართა ძირითად მეკარედ იქცა. კოსტა რიკელი ზაფხულში ”მანჩესტერში” გადასვლასთან ძალიან ახლოს იყო, თუმცა კურიოზული ფაქტის გამო იგი კვლავ ”რეალში” დარჩა.
5. პეტრ ჩეხი
33 წლის კარის დარაჯი დიდი ხნის განმავლობაში ”ჩელსის” ძირითადი მეკარე იყო, თუმცა გუნდში ტიბო კურტუას მოსვლის შემდეგ მისთვის ყველაფერი ცუდად წავიდა. ჩეხმა გოლკიპერმა ერთი სეზონი სათადარიგოთა სკამზე გაატარა, მიმდინარე სეზონის დასაწყისში კი ლონდონის ”არსენალში” გადაბარგდა. არსენ ვენგერმა მას ”მეთოფეთა” კარის დაცვა ანდო და შედეგმაც არ დააყოვნა. ”არსენალი” პრემიერ ლიგის მოგების ერთ-ერთი ფავორიტია. ჩეხი კი თანამედროვე ფეხბურთში ერთ-ერთ საუკეთესო მეკარედაა მიჩნეული.
4. ჯანლუიჯი ბუფონი
37 წლის იტალიელი მეკარე ბევრის აზრით მსოფლიოში ერთ-ერთი საუკეთესოა. ბუფონი, რომელმაც ”იუვენტუსს” უერთგულა და კალჩოპოლის სკანდალის დროს სერბია ბ-შიც გაყვა, გუნდის ნამდვილი ლეგენდაა. მას ”ბებერი ქალბატონის” რიგებში არაერთი ტიტული აქვს მოგებული. ჯიჯი იტალიის ნაკრებში კვლავ ასპარეზობს და ”სკუადრა აძურას” კარს 2016 წლის ევროპის ჩემპიონატზეც დაიცავს.
3. ტიბო კურტუა
”გენკში” აღმოჩენილი ტალანტი ”ჩელსიმ” 2011 წელს შეიძინა და მადრიდის ”ატლეტიკოში” გაანათხოვრა. კურტუამ ”როხიბლანკოს” რიგებში თავი შესანიშნავად წარმოაჩინა და გუნდის ერთ-ერთ ლიდერადაც იქცა. მან ყოფილ კლუბში ჩემპიონთა ლიგის ფინალშიც ითამაშა, სადაც მადრიდის ”რეალთან” დამარცხდა. ”ჩელსიში” იგი ჟოზე მოურინიომ დააბრუნა და ძირითადი მეკარის სტატუსი მიანიჭა. 23 წლის ბელგიელი საკუთარი ქვეყნის საფეხბურთო ნაკრების კარსაც იცავს.
2. დავიდ დე ხეა
”მანჩესტერში” კურიოზულად დარჩენილმა დე ხეამ თავი ”ატლეტიკოში” თამაშით გაითქვა, რის შემდეგადაც ”წითელი ეშმაკების” რიგებში გადაბარგდა. სერ ალექს ფერგიუსონმა იგი ძირითად მეკარედ აქცია და ედვინ ვან დერ საარის წასვლის შემდეგ ”ოლდ ტრაფორდის” ბინადრებს მისი ღირსეული შემცვლელიც გამოუჩნდა. ზაფხულის სატრანსფერო ფანჯრის დროს კი 25 წლის ესპანელი მადრიდის ”რეალში” თითქმის გადასული იყო, თუმცა კურიოზული ფაქტის გამო იგი ”მანჩესტერში” დარჩა.
1. მანუელ ნოიერი
გელზერკირხენის ”შალკეს” აღზრდილი ნოიერი თანამედროვე გერმანულ ფეხბურთის ერთ-ერთი ვარსკვლავია. ლევან კობიაშვილის ყოფილი თანაგუნდელი 2011 წელს მიუნხენის ”ბაიერნში” გადაბარგდა და მას შემდეგ ძირითადი მეკარის სტატუსს არ კარგავს. ნოიერს ”რეკორდმაისტერის” რიგებში არაერთი ტიტული აქვს მოგებული, მათ შორის კი გამოსარჩევი ჩემპიონთა ლიგაა. 29 წლის კარის დარაჯი გერმანიის ნაკრების ძირითადი მეკარეცაა. 2014 წელს მან მსოფლიო ჩემპიონატის ოქროს მედალიც მოიპოვა.
პეტრ ჩეხმა დევიდ ჯეიმსის რეკორდი გაიმეორა
13 დეკემბერს, ინგლისის პრემიერ ლიგაში, “ასტონ ვილამ” საკუთარ მოედანზე “არსენალი” მიიღო და ანგარიშით 0:2 დამარცხდა.
აღსანიშნავია, რომ “არსენალის” მეკარემ, პეტრ ჩეხმა ინგლისის პრემიერ ლიგაში კარი მშრალად 169-ჯერ შეინახა, რაც იმას ნიშნავს, რომ მან დევიდ ჯეიმსის რეკორდი გაიმეორა.
დიდი ალბათობით, ჩეხი მეკარე რეკორდს ძალიან მალე დაამყარებს.
პეტრ ჩეხის სეივი გუშინდელ მატჩში (ვიდეო)
20 ოქტომბერს, ჩემპიონთა ლიგის გათამაშებაში, “არსენალსა” და “ბაიერნს” შორის გამართულ მატჩში (2:0), პეტრ ჩეხმა ლევანდოვსკის არ გაატანინა.
ჩეხი “არსენალში” სამედიცინო შემოწმებას გადის
პეტერ ჩეხი მეორე ლონდონურ გუნდში გადადის.
ВВС-ის ინფორმაციით, გუნდებს შორის ყველანაირი ფინანსური გარიგება შედგა. ტრანსფერი 11 მილიონი ფუნტი დაჯდება.
უფრო მეტიც, ჩეხმა კარის დარაჯმა “არსენალთან” პირადი კონტრაქტის დეტალები შეათანხმა. დარჩა სამედიცინო შემოწმება, რომელსაც 33 წლის ფეხბურთელი დღეს გაივლის.
აქვე დავამატებთ, რომ პეტერ ჩეხმა გასულ სეზონში მხოლოდ 16 მატჩი ჩაატარა, რადგან ის ვერ უწევს კონკურენციას ბელგიელ, ტიბო კურტუას.
პეტრ ჩეხის შესანიშნავი სეივი “სიდნეისთან” მატჩში (ვიდეო)
2 ივნისს, ლონდონის “ჩელსიმ” “სიდნეისთან” ამხანაგური მატჩი გამართა და მეტოქე მინიმალური სხვაობით, 1:0 დაამარცხა.
მატჩის მიმდინარეობისას, ლოდონელთა მეკარე პეტრ ჩეხმა შესანიშნავი სეივი განახორციელა.
იხილეთ 10:55-დან:
“ინტერი” ჩეხის ან რეინას გადაბირებაზე ფიქრობს
ზაფხულის სატრანსფერო ფანჯრის დროს მილანის “ინტერი” პეპე რეინას ან პეტერ ჩეხის გადაბირებაზე იფიქრებს. ინფორმაციას იტალიური პრესა ავრცელებს.
ტრანსფერი იმ შემთხვევაში განხორციელდება, თუ მილაური კლუბის რიგებს სამირ ჰანდანოვიჩი დატოვებს. სლოვენიელი კიპერის კონტრაქტი 2016 წლის ზაფხულამდეა გათვლილი, ხელშეკრულების გახანგრძლივებაზე კი ის ჯერჯერობით არ ფიქრობს. ამიტომ, მისი გაყიდვა გამორიცხული არ არის.
“ჩელსიმ” ჩეხის შემცვლელს შოტლანდიაში მიაგნო
პეტრ ჩეხის შესაძლო წასვლასთან დაკავშირებით ლონდონის “ჩელსიმ”ტიბო კურტუას დუბლიორის ძებნა დაიწყო.
The Scotsman-ის ცნობით, ლონდონერთა პრიორიტეტი “სანდერლენდის” ყოფილი მეკარე, ამჟამად “სელტიკში” მოასპარეზე 32 წლის კრეიგ გორდონია.
მის გარდა “ჩელსი” ჯორნ რადის, რობ გრინს, შეი გივენს და ბრედ ფრიდელს აკვირდება.
ინგლისის პრემიერ ლიგის 30 წელს გადაცილებული ფეხბურთელების სიმბოლური ნაკრები
გთავაზობთ ინგლისის პრემიერ ლიგაში მოთამაშე 30 წელს გადაცილებული ფეხბურთელებისაგან შემდგარ სიმბოლურ ნაკრებს.
4-3-1-2
მეკარე – პეტრ ჩეხი
მარჯვენა მცველი – ბრანისლავ ივანოვიჩი
ცენტრალური მცველი – პერ მერტესაკერი
ცენტრალური მცველი – ჯონ ტერი
მარცხენა მცველი – პოლ კონჩესკი
ცენტრალური ნახევარმცველი – გარეტ ბერი
ცენტრალური ნახევარმცველი – ფრენკ ლამპარდი
ცენტრალური ნახევარმცველი – იაია ტურე
შემტევი ნახევარმცველი – ტომაშ როსიცკი
თავდამსხმელი – რობინ ვან პერსი
თავდამსხმელი – ემანუელ ადებაიორი
ლონდონის “ჩელსის” ფეხბურთელები პატარა ბავშვებივით ერთობიან
დღის 5 სატრანსფერო ჭორი
ტრადიციულად გთავაზობთ დღის ყველაზე საინტერეს სატრასნფერო ამბებს.
მილანი სუსოს გადაბირებაზე ფიქრობს
“მილანი” “ლივერპულთან” სუსოს იჯარის თაობაზე აწარმოებს მოლაპარაკებებს. ესპანელი ფეხბურთელი ინგლისურ კლუბში 2010 წელს “კადისიდან” გადავიდა, თუმცა გუნდში ადგილის დამკვიდრება ვერ შესძლო.
პსჟ-ს ჩეხი მოუნდა
პარიზულ გრანდს “ჩელსიდან” პეტერ ჩეხის გადაბირება სურს. გავრცელებული ინფრომაციით კლუბებს შორის მოლაპარაკებები უკვე დაწყებულია. ჟოზე მოურინიოს განცხადებით, თუ ჩეხ მეკარეს წასვლა მოუნდება კლუბი მას პრობლემებს არ შეუქმნის.
ბემ არფა ბეშიქთაშში არ წავა
“ნიუკასლის” ნახევარმცველმა ატემ ბენ არფამ თურქულ “ბეშიქთაშში” გადასვლაზე უარი თქვა. მიუხედავად ალან პარდიუსთან არც თუ ისე კარგი ურთიერთობისა, ფეხბურთელმა “ნიუკასლში” დარჩენა გადაწყვიტა.
უელბეკი “ტოტენჰემს” უახლოვდება
“მანჩესტერის” ფორვარდი დანი უელბეკი კარიერას, დიდი ალბათობით, “ტოტენჰემში” გააგრძელებს. გავრცელებული ინფორმაციით, მხარეებმა ერთწლიან იჯარაზე მოილაპარაკეს, რომლის ფასი 2,5 მილიონი გირვანქა იქნება. ფორვარდის ხელფასს ლონდონური კლუბი გადაიხდის.
ჩიჩარიტო რეალში გადავა
“მანჩესტერ იუნაიტედი” და “რეალი” ჩიჩარიტოს იჯარაზე შეთანხმდნენ. მექსიკელი ფეხბურთელი “იუნაიტედის” ძირითადში ვერ ხვდება და სწორედ ამიტომ სურს კლუბის გამოცვლა.
მოურინიო კურტუას ძირითად მეკარედ მოიაზრებს
ინგლისური პრესოს ცნობით “ჩელსის” მთავარი მწვრთნელი ჟოზე მოურინიო მადრიდის “ატლეტიკოში” იჯარის წესით მყოფი მეკარის, ტიბო კურტუას ლონდონში დაბრუნებას აპირებს.
The Sunday Times იუწყება, რომ პორტუგალიელი სპეციალისტი მეკარის თამაშით ჩემპიონთა ლიგის ნახევარფინალში მოიხიბლა და ბელგიელ კიპერს “ჩელსის” პირველ ნომრად მოიაზრებს.
მოვლენათა ასეთი განვითარება რეალური პეტარ ჩეხის ტრავმის ფონზე ხდება. ჩეხეთის ნაკრების მეკარე მალე ოპერაციას გაიკეთებს და მომდევნო სეზონის სტარტს ფორმაში ვერ შეხვდება, რაც კურტუასთვის დამატებითი შანსი იქნება.