ჭდე: ჩელსი

ალვარო მორატას ჰეთ-ტრიკი და “ჩელსის” მორიგი სამი ქულა (ვიდეო)

Posted on by იაკობ კაპანაძე

ინგლისური პრემიერ ლიგის მე-6 ტურში ლონდონის “ჩელსი” “სტოკ სიტის” ეწვია და საკმაოდ იოლი გამარჯვებითაც დაამწუხრა “სტოკელი” გულშემატკივრები. მატჩი “არისტოკრატთა” მშრალი გმარჯვებით, 0:4 დასრულდა.

ანგარიში მატჩის დაწყებიდან მეორე წუთზე გაიხსნა, თავი ალვარო მორატამ გამოიჩინა. 30-ე წუთზე პედრომ ანგარიშში სხვაობა ორამდე გაზარდა. 77-ე და 82-ე წუთებზე გატანილი გოლების წყალობით კი “ჩელსის” ესპანელმა შემტევმა, ალვარო მორატამ პირველი ლონდონური ჰეთ-ტრიკი გაიფორმა – 0:4.

ექვსი მატჩის შემდეგ კონტეს ბიჭებს 13 ქულა უგროვდებათ და ამ დროისთვის მესამე პოზიციაზე იმყოფებიან, “სტოკი” კი 5 ქულით მე-15 ადგილს იკავებს. მომდევნო ტურში “ჩელსი” “სიტის” დაუხვდება, “სტოკი” – “საუთჰემპტონს”.

“სტოკ სიტი”: ბატლენდი; პიტერსი, მარინს ინდი (აფელაი 76′), ჯონსონი; ზობჰი, ფლეტჩერი, ალენი, დიუფი; ხესე (კრაუჩი 60′), ჩუპო-მოტინგი, შაქირი

მთავარი მწვრთნელი: მარკ ჰიუზი

“ჩელსი”: ტიბო კურტუა; ასპილიკუეტა, კრისტენსენი, რუდიგერი; მოზესი, კანტე, ბაკაიოკო, ალონსო (კეჰილი 59′); უილიანი (აზარი 73′), პედრო (ფაბბრეგასი 69′); ალვარო მორატა

მთავარი მწვრთნელი: ანტონიო კონტე

კონტე: “არასდროს დავივიწყებ, რომ მასთან ერთად პრემიერ ლიგა მოვიგეთ”

Posted on by იაკობ კაპანაძე

ლონდონის “ჩელსის” მთავარმა მწვრთნელმა, ანტონიო კონტემ გუნდიდან დიეგო კოშტას წასვლაზე გააკეთა კომენტარი, რომელიც “არისტოკრატთა” საჩემპიონო სეზონის ერთ-ერთი მთავარი შემოქმედი იყო.

“არასდროს დავივიწყებ, რომ მასთან ერთად პრემიერ ლიგა მოვიგეთ. მადლობას ვუხდი ყველაფრისთვის, რაც კლუბისთვის გააკეთა და არა მარტო გასული სეზონისთვის,” – აცხადებს იტალიელი სპეციალისტი.

შეგახსენებთ, რომ სეზონის ბოლოსკენ ანტონიო კონტესა და დიეგო კოშტას არც ისე კარგი ურთიერთობა ჰქონდათ და მეტწილად სწორედ კონტეს დამსახურებაა, რომ კოშტამ კლუბი ნაადრევად დატოვა.

ფიფამ შესაძლოა, “ჩელსი” სატრანსფერო დისკვალიფიკაციით დასაჯოს

Posted on by იაკობ კაპანაძე

ფეხბურთის საერთაშორისო ორგანიზაციის, FIFA-ს მიერ შექმნილი სპეციალური დისციპლინარული კომიტეტი ლონდონის “ჩელსის” მიერ განხორციელებულ ტრანსფერებს განიხილავს. ამ ინფორმაციას ბრიტანული Daily Mail ავრცელებს.

როგორც ცნობილი ხდება, FIFA-ს შტაბბინაში ეჭვი აქვთ, რომ “ჩელსიმ” უცხოელი, არასრულწლოვანი ფეხბურთელები წესების დარღვევის თანხლებით გააწევრიანა საკუთარ აკადემიაში.

იმ შემთხვევაში, თუ “ჩელსის” დარღვევებს აღმოუჩენენ, ლონდონური კლუბი სატრანსფერო დისკვალიფიკაციით დაისჯება და ორი სატრანსფერო ფანჯრის განმავლობაში ფეხბურთელის დამატების უფლება არ ექნება (სწორედ ისე, როგორც “ატლეტიკოს”).

გეტყვით იმასაც, რომ “ჩელსიში” მსგავსი შემოწმება ბოლო 8 წელიწადში მესამედ ტარდება.

“ჩელსი” – “არსენალი”: გაძევება და ნულოვანი ფრე ტურის ცენტრალურ მატჩში (ვიდეო)

Posted on by იაკობ კაპანაძე

პრემიერ ლიგის მეხუთე ტურის ცენტრალურ მატჩს “სტემფორდ ბრიჯმა” უმასპინძლა, სადაც ადგილობრივ “არისტოკრატებს” სამი ქულის მოსაპოვებლად “მეთოფეები” ეწვივნენ.

მატჩი საკმაოდ უღიმღამო და მოსაწყენი გამოდგა. მიუხედავად იმისა, რომ ფეხბურთელებმა 24-ჯერ დაარტყეს კარის მიმართულებით (კარის ჩარჩოში 6-ჯერ; 4-2), ანგარიში არ შეცვლილა – 0:0. შეხვედრის 87-ე წუთზე კი უხეშობის გამო დავიდ ლუისს დაატოვებინეს მოედანი.

ხუთი ტურის შემდეგ “ჩელსის” 10 ქულა უგროვდება და სატურნირო ცხრილში მესამე პოზიციას იკავებს, “არსენალი” კი 7 ქულით მეთორმეტეა. მომდევნო ტურში “ლურჯები” “სტოკ სიტის” ეწვევიან, “მეთოფეები” კი “ვესტ ბრომს” დაუხვდებიან.

ედენ აზარი: “მორატამ ახლა ფეხითაც უნდა სცადოს გოლის გატანა”

Posted on by იაკობ კაპანაძე

ლონდონის “ჩელსის” ერთ-ერთმა ლიდერმა, ედენ აზარმა თავისი ახალი თანაგუნდელი შეაფასა, რომელთან თამაშის შანსიც პირველად პრემიერ ლიგის მეოთხე ტურში, “ლესტერ სიტისთან” მატჩში მიეცა.

“თქვენც სწორედ ის დაინახეთ, რაც მე. მორატა ძალიან კარგი ფეხბურთელია, თავით ძალიან ბევრი გოლი გააქვს, მაგრამ ახლა ფეხითაც უნდა სცადოს გატანა. ის უმაღლესი დონის მოთამაშეა, ყველანაირი სიტუაციიდან შეუძლია მეტოქის კარის აღება და როდესაც ამას აკეთებს, ჩვენ ვიგებთ.

ყველაფერთან ერთად, ის კარგ ფორმაშიც არის. ნაკრებისთვის სამი გოლი გაიტანა და იმედი მაქვს, რომ “ჩელსიში” კიდევ უფრო მეტჯერ შეძლებს თავის გამოჩენას.

რაც შემეხება მე, უკვე სრულფასოვნად დავუბრუნდი გუნდს. ბელგიის ნაკრებშიც ვითამაშე, რამაც ჩემს ფორმაზე დადებითად იმოქმედა. მაქსიმალურად ბევრს ვმუშაობ, რათა გუნდს გამოვადგე,” – აცხადებს ედენ აზარი.

“ჩელსიმ” “ლესტერი” დაძაბულ ბრძოლაში დაამარცხა (ვიდეო)

Posted on by იაკობ კაპანაძე

ინგლისის პრემიერ ლიგის მეოთხე ტურში მოქმედი ჩემპიონი 2015/16 წლების სეზონის გამარჯვებულს, “ლესტერ სიტის” ეწვია და საკმაოდ დიდი ბრძოლაც გაუმართა.

მატჩის სადავეები თავიდანვე “არისტოკრატებმა” ჩაიგდეს ხელში, მაგრამ მასპინძლები მათ მედგარ წინააღმდეგობას უწევდნენ. ანგარიში თამაშის 41-ე წუთზე გაიხსნა, თავი ალვარო მორატამ გამოიჩინა.

50-ე წუთზე ნგოლო კანტემ ანგარიშში სხვაობა ორამდე გაზარდა, 62-ე წუთზე კი ვარდიმ ერთიბურთი გაქვითა და მატჩში ინტრიგა დააბრუნა, თუმცა შემდეგში საინტერესო არაფერი მომხდარა.

ინგლისის ჩემპიონატის მეხუთე ტურში “ჩელსი” “არსენალს” მიიღებს, “ლესტერი” კი “ჰადერსფილდს” ეწვევა.

“ლესტერ სიტი”: შმეიხელი; ფუქსი, მაგირე, მორგანი, სიმფსონი; ოლბრაიტონი (კინგი 46′), ჯეიმსი, ნდიდი, მაჰრეზი; ჯეიმი ვარდი, შლიმანი (გრეი 46′)

მთავარი მწვრთნელი: კრეიგ შექსპირი

“ჩელსი”: ტიბო კურტუა; ასპილიკუეტა, დავიდ ლუისი, რუდიგერი; ვიქტორ მოზესი, ბაკაიოკო, ფაბრეგასი, ნგოლო კანტე, ალონსო; პედრო (უილიანი 63′); მორატა

მთავარი მწვრთნელი: ანტონიო კონტე

დიეგო კოშტა ლონდონის “ჩელსიში” დაბრუნდა

Posted on by კახა ყიფიანი

დიეგო კოშტა დიდხნიანი პაუზის შემდეგ ლონდონში დაბრუნდა.

ანტნიო კონტემ თავდამსხმელს გასული სეზონის ბოლოს უთხრა, რომ მას იგი აღარ სჭირდებოდა. სწორედ ამიტომ, კოშტა თავის ქვეყანაში, ბრაზილიაში წავიდა და იქ სამი თვე იმყოფებოდა. ირკვევა, რომ ამ დროის მანძილზე დიეგოს სპეციალური პროგრამით არ უვარჯიშია და მისი ფიზიკური კონდიციები არასახარბიელოა. კოშტა უახლოეს მომავალში დაიწყებს დიდი დატვირთვით ვარჯიშს, რათა მაქსიმალურად მალე ჩადგეს ფორმაში.

სატრანსფერო ფანჯრის დროს, მადრიდის “ატლეტიკო” ცდილობდა, 28 წლის შემტევი დაემატებინა, თუმცა “არისტოკრატებმა” იმაზე მეტი მოითხოვეს, ვიდრე “როხიბლანკოს” ბოსები იხდიდნენ. როგორც ვარაუდობენ, ზამთრის სატრანსფერო ფანჯარაზე ორ კლუბს შორის შეთანმხება მაინც შედგება და კოშტა მადრიდულ კლუბში გადავა.

აქვე იმასაც გეტყვით, რომ კონტემ დიეგო ჩემპიონთა ლიგის განაცხადში არ შეიყვანა.

აზარს “ჩელსიში” დიეგო კოშტას დაბრუნება უნდა

Posted on by იაკობ კაპანაძე

ლონდონის “ჩელსის” ერთ-ერთმა ლიდერმა, ედენ აზარმა პრესასთან დიეგო კოშტაზე ისაუბრა, რომელსაც ლონდონის “ჩელსის” ხელმძღვანელებთან უთანხმოება აქვს.

“დიეგო? მის გვერდით სამი წლის მანძილზე ვთამაშობდი და ჩვენ ერთად ყველაფერი მოვიგეთ – მართალია ჩემპიონთა ლიგა არა, მაგრამ ჩემპიონატი. მის გვერდით ყოფნა დიდ სიამოვნებას მგვრიდა.

ძალიან მინდა ის “ჩელსიში” დაბრუნდეს, მაგრამ ეს ჩემი გადასაწყვეტი ნამდვილად არ არის. მაგრამ ფაქტია, რომ ის უმაღლესი დონის ფეხბურთელია.

ჩვენ დიდი სამომავლო გეგმები გვაქვს, ჩემპიონთა ლიგას ვუმიზნებთ. იმედია, კოშტა გამოსავალს იპოვის და ერთად მივაღწევთ ამ წარმატებებს,” – აცხადებს ბელგიელი ფეხბურთელი.

დემბელე: “შევეცადე, მესისთვის ან ინიესტასთვის მიმებაძა, თუმცა გამიჭირდა”

Posted on by კახა ყიფიანი

კატალონიის “ბარსელონას” ახალწვეულმა უსმან დემბელემ ლიონელ მესიზე ისაუბრა.

“ბარსელონას” თამაშებს, რა თქმა უნდა, ვუყურებდი. გამორჩეულად, ორი შეხვედრა დამამახსოვრდა. პირველი “ბარსასა” და “ჩელსის” დაპირისპირებაა. მახსოვს, როგორ გაიტანა ინიესტამ ჩემპიონთა ლიგის ფინალში გამსველლი გოლი. ერთი სული მაქვს, როდის ვნახავ და გავესაუბრები ანდრესს.”

“ხოლო, მეორე მატჩი ისევ ჩემპიონთა ლიგიდანაა. ამ დაპირისპირებაში “ბარსელონა” “არსენალს” შეხვდა. მახოსვს, პირველ თამაშში ჩემს ამჟამინდელ კლუბს საქმე არც ისე კარგად წაუვიდა, თუმცა განმეორებით მატჩში ლიონელ მესიმ ოთხი გოლი გაიტანა. ეს ის მომენტი იყო, როცა გავაცნობიერე, რომ მესი დედამიწიდან არ არის.”

“ინიესტაზე იმას ვიტყვი, რომ ის ძალიან ელეგანტურია. მას განსაკუთრებული მოძრაობები აქვს – ანდრესი გენიოსია! “ბარსელონას” ბევრ თამაშს ვუყურე. განსაკუთრებით, სწორედ ეს ორი მოთამაშე მომწონს. შევეცადე, მათთვის მიმებაძა, თუმცა გამიჭირდა,” – აცხადებს დემბელე.

ანტონიო კონტეს ფერნანდო ლორენტე მოუნდა

Posted on by კახა ყიფიანი

სატრანსფერო ფანჯრის დახურვამდე ძალიან ცოტა დროა დარჩენილი, თუმცა ლონდონის “ჩელსის” მთავარი მწვრთნელი, ანტონიო კონტე ისევ ფიქრობს შეტევის გაძლიერებაზე.

ინგლისური გამოცემა, Goal.Com-ი იტყობინება, რომ იტალიელი სპეციალისტი დაინტერესებულია “სუონსი სიტის” ესპანელი თავდამსხმელით, ფერნანდო ლორენტეთი. “ლურჯები” უელსელებს 15 მილიონ ფუნტს სთავაზობენ. თავის მხრივ, “სუონსის” ბოსები მსოფლიოს ჩემპიონ ფეხბურთელს კლუბიდან არ გაუშვებენ, თუ მის შემცვლელს ვერ იპოვნიან.

32 წლის თავდამსხმელის პოტენციურ ჩამნაცვლებლად ვილფრიდ ბონი მოისაზრება. გარდა ამისა, შესაძლოა, უელსურმა კლუბმა “ჩელსიდან” “სუონსიში იჯარით მოთამაშე ტემი აბრაჰამი გაიფორმოს.

“ჩელსი” – “ევერტონი”: ალვარო მორატამ “ჩელსის” მოაგებინა (ვიდეო)

Posted on by იაკობ კაპანაძე

ინგლისის პრემიერ ლიგის მესამე ტურში ლონდონის “ჩელსიმ” საშინაო მოედანზე მერსესაიდის “ევერტონი” მიიღო და საკმაოდ კომფორტული ანგარიშით, 2:0 დაამარცხა.

მატჩის მთავარი გმირი ალვარო მორატა გახდა, რომელმაც ჯერ საგოლე გადაცემა გაუკეთა ცესკ ფაბრეგასს (27′), შემდეგ კი თავადვე შესძლო პიკფორდი კარის აღება მატჩის მე-40 წუთზე.

“ჩელსი”: ტიბო კურტუა; რუდიგერი, დავიდ ლუისი, ასპილიკუეტა; ალონსო, კანტე, ფაბრეგასი, ვიქტორ მოზესი; პედრო, უილიანი; ალვარო მორატა (ბატშუაი 76′)

მთავარი მწვრთნელი: ანტონიო კონტე

“ევერტონი”: პიკფორდი; კინი, უილიამსი, იაგიელკა; ჰოლგეიტი, დეივისი (ბეშიჩი 46′), გაიე, ბაინსი; რუნი, სიგურდსონი; რამირესი

მთავარი მწვრთნელი: რონალდ კუმანი

ჟოზე მოურინიომ პრემიერ ლიგის მოგების მთავარი ფავორიტი დაასახელა

Posted on by იაკობ კაპანაძე

“მანჩესტერ იუნაიტედის” მთავარმა მწვრთნელმა, ჟოზე მოურინიომ პრემიერ ლიგის ახალ სეზონზე ისაუბრა, რომელმაც ახლახან აიღო სტარტი და რომლის მიმართაც მოლოდინები საკმაოდ დიდია.

“ახალ სეზონში ტიტულისთვის შვიდი გუნდი იბრძოლებს, რომელთაგან ხუთს ევროპაშიც მოუწევს თამაში. პრემიერ ლიგის ყველა კლუბს აქვს იმის ფინანსური პოტენციალი რომ რაღაცისთვის იბრძოლოს.

ჩემთვის პრემიერ ლიგის მოგების მთავარ ფავორიტად მაინც ჩემპიონი, “ჩელსი” რჩება.

ამბობენ, რომ “ჩელსიმ” მნიშვნელოვანი ნახევარმცველი დაკარგა (მატიჩი) და ამის გამო დასუსტებულია. მაგრამ ეს პრობლემა მაშინაა, თუ სანაცვლოდ არავის ყიდულობ. მათ ბაკაიოკო და დრინქვოთერი დაიმატეს, რაც გაძლიერება უფროა,” – აცხადებს პორტუგალიელი სპეციალისტი.