„კლიპერსის“ ყოფილმა მოთამაშემ კრის კამანმა, რომელიც ამჟამად „ლეიკერსის“ ფერებს იცავს, თვლის, რომ მისი პირველი გუნდი ეროვნული საკალათბურთო ასოციაციის 16-გზის ჩემპიონების დონის ვერასდროს იქნება.
„კლიპერსს“ დიდ პატივს ვცემ და ყველაფრისთვის მის ხელმძღვანელობას მადლობა მინდა გადავუხადო. ასეა თუ ისე, „ლეიკერსამდე“ ამ გუნდს ბევრი აკლია. ჩემპიონის ტიტულს „კლიპერსი“ ვერასდროს მოიპოვებს“, – განუცხადა კამანმა ESPN Los Angeles-ს.
შეგახსენებთ, რომ ხვალ, გამთენიისას ეროვნული საკალათბურთო ასოციაციის ახალი სეზონის პირველ შეხვედრას „ლეიკერსი“ სწორედ „კლიპერსის“ წინაამღდეგ გამართავს. აღნიშნული მატჩი თბილისის დროით 6 საათსა და 30 წუთზე დაიწყება.
ალექსანდრე მატევოსოვი