ტურინის “იუვენტუსის” ყოფილი ფეხბურთელის, კლაუდიო მარკიზიოს სახლში შეიარაღებული პირები შეიჭრნენ. ტურინის გარეუბანში მდებარე ბინაში მძარცველები ცეცხლსასროლი იარაღებით შევიდნენ და მარკიზიოსა და მის მეუღლეს სეიფის გახსნა მოსთხოვეს. უცნობია, თუ რა ოდენობის თანხა წაიღეს ბოროტმოქმედებმა.
სამართალდამცველები დამნაშავე პირების ვინაობას ადგენენ. ცნობილია, რომ მარკიზიოს სახლში ოთხი მძარცველი შევიდა. შემთხვევის შედეგად არავინ დაშავებულა.
ტურინის “იუვენტუსის” ნახევარმცველმა კლაუდიო მარკიზიომ კარიერა შესაძლოა, “მილანში” გააგრძელოს. “რაი სპორტის” ცნობით, “როსონერიმ” შესაძლო ტრანსფერის თაობაზე “ბებერ სინიორას” უკვე მიმართა. 31 წლის ფეხბურთელმა “ბიანკონერი” შესაძლოა, მიმდინარე სატრანსფერო ფანჯრის დახურვამდე დატოვოს.
წყაროს თანახმად, კლაუდიო მარკიზიო “იუვენტუსში” მისი ამჟამინდელი მდგომარეობით უკმაყოფილოა. ის გუნდის ერთ-ერთ ძირითად ფეხბურთელად თავს ვერ გრძნობს. შესაძლოა, “ბიანკონერიმ” მარკიზიო “რომას” ნახევარმცველ კევინ სტროტმანით შეცვალოს.
შეგახსენებთ, რომ “მილანმა” ლეონარდო ბონუჩის სახით ამ ზაფხულს “იუვენტუსის” ერთი ფეხბურთელი უკვე დაიმატა.
ტურინის “იუვენტუსის” ნახევარმცველმა კლაუდიო მარკიზიომ შესაძლოა, 2016 წლის ევროპის ჩემპიონატი გამოტოვოს.
იტალიის სერია A-ს 33-ე ტურში “პალერმოს” წინააღმდეგ გამართულ მატჩში (4:0) 30 წლის ფეხბურთელოა ტრავმა მიიღო და იგი მოედნიდან საკაცით გაიყვანეს. წინასწარი ინფორმაციით, მარკიზიომ მარცხენა მუხლის იოგი დაიშავა.
ხვალ იტალიელი ფეხბურთელი სამედიცინო შემოწმებას გაივლის, რის შემდეგაც დაზუსტდება, რამდენად სერიოზულია ტრავმა.
Quel momento in cui ti ricordi di aver messo Marchisio primo marcatore.. #JuvePalermo #SerieA #QCC pic.twitter.com/UAt1ObnZqU
— CALCIATORI BRUTTI (@CB_Ignoranza) April 17, 2016
იტალიის ნაკრების ნახევარმცველმა კლაუდიო მარკიზიომ იმის შესახებ ისაუბრა, თუ რა ამბიციები აქვს “სკუადრა აძურას” 2016 წლის ევროპის ჩემპიონატზე.
“უნდა ვაღიაროთ, რომ გუნდი ბევრი ტალანტით ვერ დაიკვეხნის, თუმცა ეს დროის საკითხია. ანტონიო კონტე ის მწვრთნელია, რომელსაც შეუძლია, ასეთი გუნდი ტექნიკური და ფსიქოლოგიური კუთხით გარდაქმნას.
ევროპის ჩემპიონატზე არც მეოთხედფინალს და არც ნახევარფინალს არ დავჯერდებით”, – ციტირებს მარკიზიოს სიტყვებს Football Italia.
შეგახსენებთ, რომ ევრო-2016-ის ჯგუფურ ეტაპზე იტალიელები ბელგიელებთან, ირლანდიელებთან და შვედებთან ითამაშებენ.
