ჭდე: Claudio Ranieri

„მონაკოს“ მთავარი მწვრთნელი კლაუდიო რანიერი მიიჩნევს, რომ „პარი სენ-ჟერმენი“ საფრანგეთის ჩემპიონი უსამართლოდ გახდა. ფეხბურთის იტალიელმა სპეციალისტმა არგუმენტად უეფას განცხადება მოიშველია, რომელშიც ნათქვამია, რომ პარიზული კლუბი ფინანსური ფეარ-პლეის დარღვევით მოქმედებდა.

„ვფიქრობ, რომ ყველა უფლება უნდა გაკონტროლდეს. უეფამ მკაფიოდ განაცხადა, რომ „პარი სენ-ჟერმენმა“ ჩემპიონატი ყოველგვარი ფინანსური ფეარ-პლეის დაცვის გარეშე მოიგო. ასე რომ, „მონაკო“ სრულფასოვანი ჩემპიონია, რადგან ჩვენ სეზონის დაწყებიდან სამართლიანად ვმოქმდებდით.

რაც შეეხება ჩემს მომავალს, მომდევნო კვირა შესაძლოა გადამწვეტი გამოდგეს. „მონაკოში“ მშვენიერი ორი სეზონი გავატარე. მოთამაშეებთან შესანიშნავი ურთიერთობა მაქვს. ჩემი შესაძლო გათავისუფლების შესახებ გავრცელებული ინფორმაცია ფეხბურთელებმაც იციან. ისინიც კითხულობენ გაზეთებს. პირველი მე ვიქნები, ვინც ოფიციალური გადაწყვეტილების შემდეგ ინფორმაციას დაადასტურებს“, – რანიერის სიტყვები „კალჩო ნიუს 24“-მა გამოაქვეყნა.

ბექა დოგრაშვილი