“ბრონდბიუს” კაპიტანმა დანიელ აგერმა კარიერა შესაძლოა, იტალიის სერია A-ში გააგრძელოს.
კერძოდ, 31 წლის დანიელი მცველით “მილანი” დაინტერესდა. აგერს “ბრონდბიუსთან” კონტრაქტი ამა წლის 30 ივნისს ეწურება და შესაძლოა, “როსონერის” თავისუფალი აგენტის სტატუსით შეუერთდეს.
“ტუტოსპორტის” ცნობით, “მილანი” უკვე მზადაა, დანიელ აგერს წინადადებით მიმართოს.
“ლივერპულის” ყოფილმა მცველმა დანიელ აგერმა მერსისაიდული გუნდის თავკაც ბრენდან როჯერსთან არსებული ურთიერთობის შესახებ ისაუბრა. როგორც დანიელ ფეხბურთელი ამბობს, მთავარი მწვრთნელი მის შრომას არ აფასებდა.
“გასულ სეზონში როჯერსთან გარკვეული უთანხმოება მქონდა. შესაძლოა, ეს იმიტომ მოხდა, რომ პირდაპირ იმას ვამბობ, რასაც ვფიქრობ და სხვებისგანაც ამასვე მოვითხოვ. შესაძლოა, ეს არასწორი მიდგომაცაა. ჩვენს შორის გარკვეული დისტანცია გაჩნდა და ეს ჩემთვის საკმარისი აღმოჩნდა. ვგრძნობდი, რომ მწვრთნელი ჩემს წვლილს არ აფასებდა, რაც ჩემთვის სიგნალი იყო. ძალიან მიკვირდა, როდესაც რამდენიმემატჩიანი წარმატებული თამაშის შემდეგ მოულოდნელად ძირითად შემადგენლობაში ადგილს ვკარგავდი. ამან ძალზედ დამთრგუნა.
ამასთან, ვაღიარებ, რომ როჯერსი საოცრად ნიჭიერი მწვრთნელია, ამას ვერ დავუკარგავთ. ის საწვრთნელ პროცესშიც კარგი ხელმძღვანელია, გუნდს ეტაპობრვად აშენებს. როჯერსი მართლაც ძლიერი მწვრთნელია”, – განაცხადა აგერმა TV3 SPORT-ისთვის მიცემულ ინტერვუში.
შეგახსენებთ, რომ გასულ ზაფხულს დანიელ აგერი “ლვერპულიდან” მშობლიურ “ბრონდბიუში” გადავიდა.
„ლივერპულს“ ტრავმირებული მცველები გამოუჯანმრთელდა. საუბარია დანიელ აგერსა და გლენ ჯონსონზე. მერსისაიდული გუნდის მთავარმა მწვრთნელმა ბრენდან როჯერსმა განაცხადა, რომ ორივე მოთამაშე ჯანმრთელადაა და სრული პროგრამით ვარჯიშიც დაიწყეს.
„კარგი სიახლეები გვაქვს: აგერი და ჯონსონი ვარჯიშს დაუბრუნდნენ. ვნახოთ, როგორ იმუშავებენ. ფიზიკურად ორივე კარგად გამოიყურება, მაგრამ „ფულემთან“ მათი თამაში მაინც საეჭვოა“, – ბრენდან როჯერსის სიტყვები „ექომ“ გამოაქვეყნა.
მატჩი „ფულემსა“ და „ლივერპულს“ შორის ჩვენი დროით 13 თებერვლის 00:00 საათზე აიღებს სტარტს.
