დინამო–2 პირველი ლიგის მორიგი, როგით მეცხრე ტურის შეხვედრის გასამართად ემზადებიან. მალხაზ ჟვანიას გუნდი 25 ოქტომბერს სტუმრად, ოზუგრეთის მერცხალს დაუპირისპირდება. დღეს დინამოელებმა მორიგი წვრთნა ვიტალი დარასელიას სახელობის დინამოს საფეხბურთო აკადემიის მოედანზე გამართეს. TV ჩვენი მეორე გუნდის ვარჯიშის ვიდეოკოლაჟს გთავაზობთ.
FCDinamo.GE
პირველი ლიგის მორიგი კალენდარულ შეხვედრაში დინამო–2 ტყიბულში ადგილობრივ მეშახტეს დაუპირისპირდა. მატჩი ორმხრივ შეტევებში წარიმართა და თბილისელი ფეხბურთელების გამრჯვებით – 2:1 დასრულდა.
შეხვედრის პირველ ტაიმში გუნდები უპირატესობის მოსაპოვებლად ძირითადად მოედნის ცენტრში იბრძოდნენ. პირველი 45 წუთი გატანილი გოლების გარეშე დასრულდა. შეხვედრის მეორე ნახევარი გუნდებმა კიდევ უფრო აქტიურად დაიწყეს და სახიფათო ეპიზოდებიც ორივე კართან მრავლად შეიქმნა. დაპირისპირების 51–ე წუთზე დინამოელები გაშვებული ბურთისგან გიგა სამხარაძემ იხსნა, რომელმაც ბურთი კარის ხაზიდან მოიგერია. მატჩის 53–ე წუთზე ანგარიში მასპინძლებმა გახსნეს, გოლის თავური დარტყმით ბაგრატ კოღუაშვილმა გაიტანა. დინამოელებმა ანგარიშში წონასწორობის აღდგენა მალევე მოახერხეს, შეხვედრის 60–ე წუთზე მარცხენა ფლანგიდან წამოწყებული იერიში ნიკა დიასამიძემ გოლით დაასრულა. შეხვედრის საფინალო ანგარიში კი 75–ე წუთზე დაფიქსირდა. შეტევის მარცხენა ფლანგიდან ნიკა დიასამიძემ მეტოქის საჯარიმოში უმეთვლყურეოდ დატოვებულ ბუბა რუხაძეს ჩაუწოდა, რომელმაც ზუსტი დარტყმით საკუთარ გუნდს გამარჯვება მოუპოვა. შეხვედრის უკანასკნელი წუთები მეტად დაძაბულად წარიმართა, გოლის გატანის შანსი დინამოელების მსგავსად მასინძლებსაც შეეძლოთ, თუმცა ანგარიში აღარ შეცვლილა.
მეშახტე 1:2 დინამო–2
გოლები: კოღუაშვილი 53’ 1:1 დიასამიძე 60’ 1:2 რუხაძე 75’
მეშახტე: მემარნიშვილი, ჯანგიძე, კოღუაშვილი, ჭანკვეტაძე, ხარაბაძე (ჯიშიაშვილი 87’)1, გიორგაშვილი (დიაკონიძე 75’), სანიკიძე, გვენეტაძე, ჟღენტი, კილაძე, გაბრიჭიძე,
დინამო–2: ტყეშელაშვილი, ბაჩიაშვილი, გიორგი ლობჟანიძე, სამხარაძე, სარიშვილი, კიტოვანი (საბა ლობჟანიძე 43’), მახარობლიძე, ჯიშკარიანი (რუხაძე 70’), დიასამიძე, მათიაშვილი (ზივზივაძე 58’), შერგელაშვილი
გაფრთხილება: კილაძე 9’, ჟღენტი 60’, გვენეტაძე 90+3’ – სარიშვილი 25’
პირველი ლიგის მეხუთე ტურის შეხვედრაში დინამო–2 სტუმრად ალგეთს დაუპირისპირდა. შეხვედრა ავაზას ხელოვნურსაფარიან მოედანზე გაიმართა და დინამოელთა მარცხით – 0:1 დასრულდა. ვასილ მაისურაძის გუნდს გოლის გატანის რეალური შანსი მატჩის დებიუტშივე ჰქონდა, თუმცა ჯერ ირაკლი ლექვთაძის დარტყმული მოხდა ალგეთის კარის ხარიხას, შემდეგ კი მისივე დარტყმული მცირედით ასცდა კარის. პირველი ტაიმის უკანასკნელ წუთზე დინამოელმა ბუბა რუხაძემ თერთმეტმეტრიანი საჯარიმო დარტყმის გამოყენება ვერ მოახერხა, მისი დარტყმული ალგეთის მეკარემ, ლევან ეზიეშვილმა მოიგერია.
მეორე ტაიმი განსხვავებული სცენარით წარიმართა. მასპინძლებმა საწყის წუთებში სათამაშო უპირატესობა მოიპოვეს და 53–ე წუთზე ანგარიშშიც აისახა. დინამოს კარის მიმართულებით დანიშნული საჯარიმო დარტყმა ალგეთის კაპიტანმა გოჩა ჭოველიძემ შეასრულა, კარისკენ დარტყმული ბურთი ცოცხალ კედელში მყოფ ფეხბურთელებს მოხვდათ და ირაკლი სვანიძეს მიუვიდა, რომელმაც ხეირიანად დაარტყა და ანგარიში გახსნა – 1:0. დინამოელებმა შეხვედრა ათი კაცით ჩაამთავრეს, მსაჯმა სანდრო გურეშიძეს მეორე ყვითელი ბარათი უჩვენა და მოედნიდან გააძევა. მატჩის უკანასკნელი წუთები დაძაბულად, ორმხრივ შეტევებში წარიმართა, თუმცა ანგარიში აღარ შეცვლილა.
ალგეთი 1:0 დინამო–2
გოლი: 1:0 სვანიძე 53’
ალგეთი: ეზიეშვილი, ჭოველიძე, ანიგბო, პატარქალიშვილი (კობერიძე), კიკალიშვილი, ალასანია, ჯოჯიშვილი, ნემსაძე (მახათაძე), ტიელიძე, სვანიძე, ონუაკალუსი
დინამო–2: ტყეშელაშვილი, კაკაბაძე, გურეშიძე, გიორგი ლობჟანიძე (ზივზივაძე), სამხარაძე, ჭეჭელაშვილი, საბა ლობჟანიძე (ჯიშკარიანი), მახარობლიძე, ლექვთაძე, მათიაშვილი, რუხაძე (ოთარაშვილი)
გამოუყენებელი პენალტი: რუხაძე
