ჭდე: დუეინ უეიდი

„მაიამი ჰიტის“ შემტევი მცველი დუეინ უეიდი თვლის, რომ მაღალი მიზნების დასახვის გარეშე წარმატების მიღწევა შეუძლებელია.

„სწორ ფსიქოლოგიურ ხასიათზე ყოფნა მნიშვნელოვანია. თუ არ გჯერა, რომ გამარჯვება შეგიძლია, უკვე დამარცხებული ხარ და ეროვნულ საკალათბურთო ასოციაციაში შენი ადგილი არაა. ამ მომენტისთვის ლიგის ყოველი გუნდი ჩემპიონობის კანდიდატია. უკვე შემდგომ დადგება მომენტი, როდესაც ამ მიზნის მიღწევის შანსს არაერთი კლუბი დაკარგავს, მაგრამ ამჟამად ჩემპიონობის ამბცია აბსოლიტურად ყველას აქვს. იმედია, ყოველთვის ასე იქნება“, – ციტირებს უეიდს ESPN-ი.

გასულ კვირას გაირკვა, რომ მცველ დუეინ უეიდსა და „მაიამი ჰიტს“ შორის მოლაპარაკება ჩიხში შევიდა.

როგორც „Bleacher Report“-ის ჟურნალისტ იტენ სკოლნიკის ინფორმაციაზე დაყრდნობით „The Score“ წერს, „ჰიტმა“ 33 წლის მოთამაშეს, ყოველწლიური ხელფასის სახით, ათ მილიონზე ნაკლებს სთავაზობდა.

უეიდი „მაიამიში“ 2003 წლიდან თამაშობს. ამ პერიოდში ფლორიდელებთან ერთად მან სამი ტიტული მოიგო. განვლილი სეზონის რეგულარულ ჩემპიონატში მისმა საშუალო მონაგარმა 21,5 ქულა, 3,5 მოხსნა და 4,8 გადაცემა შეადგინა. აღსანიშნავია, რომ გუნდის შემადგენლობის გაძლიერების გამო კალათბურთელი ხელფასის შემცირებას არაერთხელ დათანხმებულა.

2014/15 წლებნის სეზონი ზედიზედ მეოთხე იყო, რომელშიც ტრავმის გამო უეიდმა 70 მატჩზე ნაკლები ჩაატარა.

„მაიამი ჰიტის“ უკანახაზელმა დუეინ უეიდმა თავის მომავალთან დაკავშირებულ კითხვებს პასუხი გასცა.

კალათბურთელის თქმით, ის მოქმედ კონტრაქტში არსებულ პუნქტს გამოიყენებს, რათა შემდეგ სეზონში კვლავ ფლორიდულ კლუბში ითამაშოს. ამის შესახებ გამოცემა „The South Florida SunSentinel“-ი იუწყება.

ხელშეკრულების მიხედვით, 2015/16 წლების სეზონში უეიდი ხელფასის სახით 16,1 მილიონ დულარს მიიღებს, რის შემდეგაც, სავარაუდოდ, თავისუფალი აგენტი გახდება

„The Score“-ს ინფორმაციით, მუხლის ტრავმის გამო დუეიტ უეიდი ეროვნული საკალათბურთო ასოციაციის რეგულარული ჩემპიონატის მატჩებში თამაშს ვერ ახერხებს. უკანახაზელმა „ჰიტის“ ბოლო ექვსი შეხვედრა გამოტოვა.

აქედან გამომდინარე, უეიდის მოახლოებულ ოლ სტარში მონაწილეობა დიდი კითხვის ნიშნის ქვეშაა. იმ შემთხვევაში, თუ იგი თამაშს ვერ შეძებს, მას „ატლანტა ჰოუქსის“ სნაიპერი კაილ კორვერი შეცვლის, რომელიც ასევე სამქულიანების კოინკურსში მონაწილეობას მიიღებს.

შეგახსენებთ, რომ გასული კვირის ბოლოს გაირკვა, როლ ოლ სტარს ასევე „ლოს-ანჯელეს კლიპერსის“ ლიდერი ბლეიკ გრიფინიც გამოტოვებს.