მადრიდის “რეალის” პორტუგალიელი სუპერვარსკვლავი კრიშტიანო რონალდუ რაიან გიგზის მიერ სათამაშო კარიერის დასრულებას გამოეხმაურა და უელსელს წარმატებები უსურვა.
“გიგზის თანაგუნდელი მაშინ გავხდი, როცა 18 წლის ვიყავი. რა თქმა უნდა, დაუჯერებელი შეგრძნებაა, როდესაც პატარა ბიჭი ასეთი დიდი ფეხბურთელის გვერდით თამაშობ. რაიანი გასაოცარი ფეხბურთელი იყო. დარწმუნებული ვარ, ის მომავალშიც არაერთ წარმატებას მიაღწევს და გულშემატკივრებს ხშირად გაახარებს”, – ამბობს რონალდუ.
როგორც იცით, 6 მაისს, ინგლისის პრემიერ ლიგაში, “მანჩესტერ იუნაიტედმა” საკუთარ მოედანზე “ჰალ სიტი” მიიღო და მეტოქე ანგარიშით 3:1 დაამარცხა.
აღნიშნულ მატჩში საინტერესო რამ მოხდა. თამაშში მანჩესტერელთა მწვრთნელი რაიან გიგზი ჩაერთო, რომელმაც ერთ-ერთ ეპიზოდში მეტოქე მშვენივრად მოატყუა.
მიუნხენის “ბაიერნის” 29 წლის ფეხბურთელმა ბასტიან შვაინშტაიგერმა განაცხადა, რომ მისი რაიან გიგზთან და ფრანჩესკო ტოტისთან შედარება სრულებით შესაძლებელია.
“შეიძლება თუ არა ჩემი ტოტისთან და გიგზთან შედარება? რა თქმა უნდა, შეიძლება. ისინი გასაოცარი ფეხბურთელები არიან. 40 წლის ასაკში, გიგზი უმაღლეს დონეზე თამაშს აგრძელებს.
სიმართლე გითხრათ, ვამაყობ იმით, რომ ამდენი ხანია, ერთ კლუბში ვასპარეზობ. დავასრულებ თუ არა კარიერას “ბაიერნში”? ჯერ-ჯერობით, ამ კითხვაზე პასუხის გაცემა, შეუძლებელია”, – ამბობს შვაინშტაიგერი.
საფეხბურთო პორტალმა FTBPRO-მ ყველაზე ასაკოვანი ფეხბურთელებისაგან შემდგარი სიმობულური ნაკრები გამოაქვეყნა.
მეკარე: ანდრეა პიერობონი (“ჩიტადელა”) – 44 წლის
ცენტრალური მცველი: იან გუდისონი (“ტრანმირ როვერსი”) – 41 წლის
ცენტრალური მცველი: კოლმ ტრესონ (“ბრეი ვანდერსი”) – 42 წლის
ცენტრალური მცველი: ლეონარდო ბასტოსი (“სანტოსი”) – 38 წლის
მარჯვენა მცველი: ხავიერ ძანეტი (“ინტერი”) – 40 წლის
ცენტრალური ნახევარმცველი: ზე რობერტო (“გრემიო”) – 39 წლის
ცენტრალური ნახევარმცველი: რაიან გიგზი (“მანჩესტერ იუნაიტედი”) – 40 წლის
მარცხენა ნახევარმცველი: კრისტიან ბერგსტრიომი (“ოტვიდაბერგი”) – 40 წლის
თავდამსხმელი: კევინ ფილიფსი (“ლესტერი”) – 40 წლის
თავდამსხმელი: ალესანდრო დელ პიერო (“სიდნეი”) – 39 წლის
თავდამსხმელი: ხუან პაბლო ანხელი (“ატლეტიკო ნასიონალი”) – 38 წლის
ცნობილმა საფეხბურთო პორტალმა GiveMeSport-მა ინგლისის პრემიერ ლიგის 10 ყველაზე მდიდარი ფეხბურთელის სია გამოაქვეყნა, რომელსაც ჩვენ აქვე გთავაზობთ.
10) სერხიო აგუერო – 24 მილიონი ფუნტი
9) იაია ტურე – 25 მილიონი ფუნტი
8) ფერნანდო ტორესი – 26 მილიონი ფუნტი
7) რაიან გიგზი – 27 მილიონი ფუნტი
6) სტივენ ჯერარდი – 29 მილიონი ფუნტი
5) ჯონ ტერი – 29 მილიონი ფუნტი
4) ფრენკ ლამპარდი – 31 მილიონი ფუნტი
3) რიო ფერდინანდი – 37 მილიონი ფუნტი
2) სამუელ ეტოო – 39 მილიონი ფუნტი
1) უეინ რუნი – 45 მილიონი ფუნტი
“მანჩესტერ იუნაიტედის” ნახევარმცველმა რაიან გიგზმა განაცხადა, რომ ინგლისურ პრემიერლიგას ზამთრის შესვენება სჭირდება. გიგზის აზრით, არ არის აუცილებელი შესვენება შობა-ახალ წელს დაემთხვეს.
“შესვენება კარგი იქნებოდა. არ არის აუცილებელი, რომ პაუზა საშობაო არდადეგებს ემთხვეოდეს. ვფიქრობ შესვენების გაკეთება იანვარშიც შეიძლება.
ორკვირიანი დასვენება ოპტიმალური ვარიანტია. ჩემი აზრით ბევრს არ ვითხოვ” – განაცხადა 40 წლის რაიან გიგზმა.
ლეგენდარული რაიან გიგზი 40 წლის გახდა. “მანჩესტერის” უბერებელი ლიდერის დაბადების დღეს ერთად გავიხსენოთ მსოფლიოში ყველაზე მოთხოვნადი უხუცესი ფეხბურთელები.
რაიან გიგზი, 40 წლის.
“ის ჩვეულებრივი ბიჭი იყო, რომელიც როგორც ნამდვილი მამაკაცი თამაშობდა. მაგრამ ახლა ის კაცია, რომელიც ახალგაზრდა ბიჭივით თამაშობს”.
2011 წლის იანვარში “მანჩესტერის” გულშემატკივრებს შორის ჩატარებული გამოკითხვის შედეგებით, გიგზს “იუნაიტედის” ისტორიაში ყველაზე დიდი მოთამაშის სტატუსი მიენიჭა. ასევე ის, ერთადერთი ფეხბურთელია ვინც პრემიერ ლიგის ჩამოყალიბებიდან, ყველა სეოზონში შესძლო გოლის გატანა. ახლა გიგზი უკვე 40 წლის არის, თუმცა კარიერის დასრულებაზე ჯერ არ ფიქრობს.
უელსელი მთელი თავისი კარიერის მანძილზე “მანჩესტერის” ერთგულია. პირველი პროფესიონალურ კონტრაქტს მან 23 წლის წინ, 17 წლის ასაკში მოაწერა ხელი. გიგზის დებიუტი 1991 წლის 2 მარტს შედგა “ოლდ ტრაფორდზე”, ლივერპულის “ევერტონის” წინააღმდეგ. მას შემდეგ, გიგზმა 955 შეხვედრა ჩაატარა “წითელი ეშმაკების” მაისურით.
ხავიერ ძანეტი, 40 წლის.
კიდევ ერთი უხუცესი მილანის “ინტერის” ფეხბურთელი, ხავიერ ძანეტია. არგენტინიდან 1995 წელს ჩამოსული ძანეტი, “ინტერის” საკვანძო მოთამაშედ იქცა. რთული დასაჯერებელია, მაგრამ 39 ასაკში საკმაოდ მძიმე ტრავმის მიღების შემდეგ, ძანეტის კარიერის დასრულებაზე არც უფიქრია.
“მე მინდა რაც შეიძლება მალე დავუბრუნდე მინდორს და უფრო ძლიერი გავხდე. ჩემი კარიერა ჯერ არ დასრულებულა”
და ეს ასეც მოხდა. არგენტინელის მკურნალობამ 8 თვეს გასტანა. სერია “ა”-ს მეთორმეტე ტურის მატჩში კი, ხავიერი დაბრუნდა “სან სიროზე”მინდორზე.
“საკმაოდ რთული იყო 40 წლის ასაკში დიდი პაუზის შემდეგ მოედანზე დაბრუნება. მაგრამ, ჯერ კიდევ პირველ ოპერაციამდე ვოცნებობდი თუნდაც ერთი მატჩის ჩატარებაზე ჩვენი გულშემატკივრებისათვის. მიხარია, რომ ჩემი დაბრუნება “ინტერის” მნიშვნელოვან გამარჯვებას დაემთხვა.
ფრანჩესკო ტოტი, 37 წლის.
თანამედროვე “რომა” მისი უცლელი კაპიტნის, ფრანჩესკო ტოტის გარეშე წარმოუდგენელია. ის არასდროს არ ყოფილა განსაკუთრებული ათლეტიზმით აღჭურვილი ფეხბურთელი, მაგრამ თამაშის კითხვის და გააზრების უნარით, მას რომში და შესაძლოა მთელს იტალიაშიც, ვერავინ ვერ შეედრება. ფრანჩესკო და “რომა” წელს შესანიშნავ სეზონს ატარებენ. იტალიური საფეხბურთო საზოგადოება იმდენად მოიხიბლა ვეტერანის თამაშით, რომ დაჟინებით ითხოვდა მის ნაკრებში დაბრუნებას
ახლა ტოტი ტრავმირებულია. ის “ნაპოლისთან” შეხვედრის დროს დაშავდა დაშავდა. თუმცა ფრანჩესკო მინდორს მალე დაუბრუნდება და კვლავ გააგრძელებს რომისთვის ბრძოლას. “იმპერატორის” ახალი კონტრაქტი, 2016 წლამდეა გათვლილი. ასე რომ, მისი თამაშით კიდევ 3 წელიწადს დავტკბებით.
