ჭდე: გრეგ პოპოვიჩი

„ლოს-ანჯელეს კლიპერსთან“ პლეიოფის პირველი რაუნდის სერიის მეორე მატჩში გამარჯვება „სან-ანტონიო სპურსის“ თავკაცისთვის გრეგ პოპოვიჩისთვის მწვრთნელის სახით ასოციაციის პლეიოფში 150-ე გამოდგა.

პოპოვიჩი ფილ ჯექსონისა და პეტ რაილის შემდეგ მესამეა, ვინც მსგავს შედეგს მიაღწია. 150 გამარჯვების მოსაპოვებლად სპეციალისტს 19 წელი და 241 მატჩი დასჭირდა.

შეგახსენებთ, რომ პოპოვიჩი ეროვნული საკალათბურთო ასოციაციის ყველა დროის ხუთ ყველაზე ტიტულოვან მწვრთნელებს შორისაა.

„სან-ანტონიო სპურსის“ მთავარმა მწვრთნელმა იმის შესახებ ისაუბრა, თუ რატომ ვერ აგროვებენ მისი გუნდის მოთამაშეები ერთ მატჩში 30 ქულაზე მეტს.

„ყველაფერი იმის ბრალია, რომ კრეტინი ვარ. უბრალოდ არ მომწონს, როდესაც ვინმე თავს იჩენს და ამით ამაყობს. იმისთვის, რომ 30 ქულა დააგროვო, ეგოისტი უნდა იყო. ეს მხოლოდ ერთი თამაშია, მეგობრებო“, – განაცხადა პოპოვიჩმა.

ცნობისთვის, „ჰიუსტონთან“ მატჩში პოპოვიჩმა ტონი პარკერი, რომლის მონაგარმა 27 ქულა შეადგინა, 26 წუთის განმავლობაში ათამაშა.

„სან-ანტონიო სპურსის“ მთავარმა მწვრთნელმა გრეგ პოპოვიჩმა „ბოსტონ სელტიკსთან“ მატჩის შემდეგ (111:89) აღიარა, რომ სამსახურში დაბრუნებით გახარებულია.

პოპოვიჩმა ექიმთან ვიზიტისა და სამედიცინო პროცედურების გამო ბოლო ორი შეხვედრა გამოტოვა.

„რა თქმა უნდა, მიხარია. არც კი ვიცი, კალათბურთის გარდა, კიდევ რითი შემიძლია დავკავდე. ახლა ზამთარია, ყვავილები და მცენარეები არ იზრდებიან. ახლა წიგნებთან ბრძოლა მაქვს, რადგან ჩემს ასაკში იმდენი წიგნის წაკითხვა მსურს, რამდენის წაკითხვასაც უბრალოდ ვერ შევძლებ. ასე რომ, არჩევანის წინაშე ვიქნებოდი: ან ვერაფერს წავიკითხავდი, ან დროს მხოლოდ ამაზე დავხარჯავდი. კარგია, რომ დავბრუნდი და ეს პრობლემა თავისით მოგვარდა.

ვყვიროდი თუ არა მატჩების ტელევიზორში ყურებისას? არა, ენერგიის შენახვა ჩემი დაბრუნებისთვის გადავწყვიტე“, – ციტირებს პოპოვიჩს ESPN.com-ი.

„სან-ანტონიო სპურსის“ მთავარმა მწვრთნელმა გრეგ პოპოვიჩმა „ფენერბაჰჩესთან“ ამხანაგური მატჩის მოგების შემდეგ (96:90) ორი სიტყვით მოახლოებულ სეზონში თავისი გუნდის შანსები შეაფასა.

„როგორი იქნება ჩვენი გზა? ჩვენ ან ჩემპიონატს მოვიგებთ ან ვერა… რაც არ უნდა იყოს, ბოლოს მაინც სავახშმოდ წავალთ“, – განაცხადა ეროვნული საკალათბურთო ასოციაციის მოქმედი გამარჯვებულის დამრიგებელმა.

„სან-ანტონიო სპურსის“ მთავარი მწვრთნელი გრეგ პოპოვიჩი დასვენების შემდეგ ჟურნალისტებისა და თავისი გუნდის თვალწინ კვლავ წვერით წარსდგა.

შეგახსენებთ, რომ მსგავსი იმიჯი სპეციალისტს 2008/09 წლების სეზონშიც ჰქონდა.