ჭდე: გვარდიოლა

“მანჩესტერ იუნაიტედის” ფეხბურთელი, ზლატან იბრაჰიმოვიჩი აცხადებს, რომ მის ყოფილ და მოქმედ მწვრთნელებს შორის, პეპ გვარდიოლა ყველაზე განუვითარებელია. შეგახსენებთ, კატალონიელი შვედს “ბარსელონაში” ერთი სეზონის მანძილზე თავკაცობდა.

“კარაგად მახსოვს “ბარსაში” გატარებული სეზონი. პირველი ექვსი თვის მანძილზე ბევრი გოლი გავიტანე და შესანიშნავ ფორმაში ვიყავი. თუმცა, შემდეგ ყველაფერი შეიცვალა. გვარდიოლამ ახალი სქემითა და ტაქტიკით დაიწყო თამაში, რის გამოც ლიონელ მესი მთავარი გახდა, მე კი ჩრდილში მოვექეცი. ფაქტობირვად, ჩემი მთავარი ფუნქციები დავკარგე. კლუბში მითხრეს, რომ ამაზე გვარდიოლას უნდა დავლაპარაკებოდი. მას როცა შევხვდი, მითხრა, ამ პრობლემას გადაჭრიდა. შემდეგ თამაშში სათადარიგოთა შორის აღმოვჩნდი. ასე გაგრძელდა რამდენიმე ხანს.”

“პეპი ვნახე და ვუთხარი: “შესანიშნავად გადაჭერი პრობლემა! ყველაფერს ვხედავ! ამის შემდეგ, ის არა თუ მელაპარაკებოდ, არც მიყურებდა. მან ვერ მოაგვარა ეს პრობლემა. მახოვს, კატალონიურ გუნდში ჩემი პირველი დღე. მთავარმა მწვრთნელმა მითხრა, რომ მოთამაშეები ვარჯიშებზე ფერარითა და პორშეთი არ დადიოდნენ. ის არც მიცნობდა და ისე განმსაჯა. ეს არ იყო სწორი. თუმცა ახლა მე ვიცნობ გვარდიოლას, მაკავშირებს მასთან გარკვეული გამოცდილება და შემიძლია, მასზე ვისაუბრო. ის ყველაზე განუვითარებელია ჩემს მწვრთნელებს შორის. სხვისი აზრი არ მანაღვლებს,” – ამბობს “იბრა”.