“მან.სიტის” ერთ-ერთი ლიდერი დაშავდა, რომელიც გუნდს მომდევნო რამდენიმე მატჩში ვერ დაეხმარება.
Manchester Evening News-ის ცნობით, ტურე მძიმედ დაშავდა და მის დაბრუნებას დრო სჭირდება.
აღდგენით პროცესს დაახლოებით ორი კვირა დასჭირდება.
პრემიერ ლიგის მიმდინარე სეზონში, 31 წლის იაიამ 26 მატჩი გამართა და რვაჯერ გაიტანა.
ლონდონის “ჩელსის” ფეხბურთელი ედენ აზარი აცხადებს, რომ ინგლისის პრემიერ ლიგის წლის საუკეთესო ფეხბურთელი დაასახელა.
ბელგიელი შემტევის აზრით, წელს ინგლისში საუკეთესო “მანჩესტერ სიტის” ნახევარმცველი იაია ტურეა.
“ინგლისში თავს კარგად ვგრძნობ. აქ დიდ ფეხბურთელებთან ერთად ვთამაშობ და ხშირად მეძლევა იმის შანსი, რომ ტიტული მოვიგო. ჩემი აზრით, წელს პრემიერ ლიგის საუკეთესო ფეხბურთელი იაია ტურეა”, – უთხრა აზარმა Sky Sports-ს.
„მანჩესტერ სიტის“ ნახევარმცველის იაია ტურესადმი ინტერესი „ინტერის“ ვიცე-პრეზიდენტმა ხავიერ ძანეტიმაც დაადასტურა.
„იაია ტურე დიდებული ჩემპიონია, რომელსაც რობერტო მანჩინი კარგად იცნობს. ჩვენ ამ ფეხბურთელის დამატებას შევეცდებით, თუმცა ამავდროულად ბევრი დეტალი უნდა გავითვალისწინოთ. ფინანსური ფეირ-პლეის დარღვევისთვის, შესაძლოა, დაგვაჯარიმონ. ამის მიუხედავად, ძლიერი გუნდის აშენებაზე უარის თქმას არ ვაპირებთ“, – განაცხადა არგენტინელმა.
„ინტერის“ მფლობელმა ერიკ ტოხირმა „მანჩესტერ სიტის“ ნახევარმცველის იაია ტურესადმი ინტერესი დაადასტურა.
„ჩვენ ტურე მოგვწონს და დარწმუნებულნი ვართ, რომ მანჩნის თავკაცობით ის ბევრს მიაღწევს. მას „სიტისთან“ კონტრაქტი აკავშირებს, თუმცა ფეხბურთში ყველაფერია შესაძლებელი.
იკარდის მომავლის შესახებ:
„ჩვენ მას არ გავყიდით. ის გუნდის ერთ-ერთი მნიშვნელოვანი ფეხბურთელია. ფინანსების საკითხი ხშირად პრობლემებს ქმნის, თიმცა მაუროს ეს არ ეხება. მასთან ახალი კონტრაქტის თაობაზე შეთანხმებას ვცდილობთ. „ინტერისთვის“ ამ ფეხბურთელის დატოვება მნივნელოვანი ნაბიჯი იქნება“, – განაცხადა ტაილანდელმა ბიზნესმენმა.
“მანჩესტერ სიტის” ნახევარმცველ იაია ტურეს აგენტმა დიმიტრი სელუკმა ფეხბურთელის შესაძლო ტრანსფერის შესახებ ისაუბრა.
“ჩვენ სხვადასხვა შემოთავაზებებს ვიღებთ, თუმცა ჯერ “მანჩესტერ სიტისთან” უნდა გავარკვიოთ ურთიერთობა. ხალხს ჰგონია, რომ ტურე “სიტიში” ფულის გამო დარჩება, თუმცა ფული არ გვაინტერესებს.
თუ კლუბს იაიას შენარჩუნება არ სურს, პრობლემა არ არის. თუ ასე არ არის, მაშინ კლუბის რომელიმე წარმომადგენელმა თქვას, რომ იაია ტურე “მანჩესტერ სიტიში” უნდა დარჩეს. ის უყვარს აქაურ ქომაგს, ის “სიტის” ისტორიის დაწერაში დაეხმარა”, – ციტირებს ფეხბურთელის აგენტის სიტყვებს ESPN.
შეგახსენებთ, რომ იაია ტურეს მიმართ მილანის “ინტერია” დაინტერესებული. ავტორიტეტული იტალიელი სპორტული ჟურნალისტი ტანკრედი პალმერი წერს, რომ იანვრიდან კოტ დივუარელი ფეხბურთელი ყოველკვირეულად ხვდება “ნერიაძურის” მთავარ მწვრთნელ რობერტო მანჩინის.
“მანჩესტერ სიტის” ნახევარმცველი იაია ტურე კლუბში ორი პირობის დაკმაყოფილების შემთხვევაში დარჩება.
როგორც ავტორიტეტული იტალიელი სპორტული ჟურნალისტი ტანკრედი პალმერი წერს, კოტ დივუარელი ფეხბურთელი “ქალაქელთა” რიგებში იმ შემთხვევაში გააგრძელებს თამაშს, თუ კლუბის აღმასრულებელ დირექტორ ფერან სორიანოსა და სპორტულ დირექტორ ჩიკი ბეგირისტაინს დაკავებული პოსტებიდან გაათავისუფლებენ.
პალმერი ამბობს, რომ იაია ტურეს შესაძლო ტრანსფერის თაობაზე “მანჩესტერ სიტი” და მილანის “ინტერი” მოლაპარაკებას განაგრძობენ, თავად ფეხბურთელი კი იანვრიდან ყოველკვირეულად ხვდება “ნერიაძურის” თავკაც რობერტო მანჩინის.
იაია ტურემ მიმდინარე სეზონში “მანჩესტერ სიტის” რიგებში ჩატარებულ 34 მატჩში ათი გოლი გაიტანა.
Daily Mail-ის ცნობით, მილანის “ინტერი” “მანჩესტერ სიტის” ნახევარმცველს, იაია ტურეს ხუთწლიან კონტრაქტს შესთავაზებს.
წყარო იუწყება, რომ ტრანსფერით რობერტო მანჩინის ინიციატივაა, რომელთან ერთადაც კოტდივუარელს “სიტიში” უმუშავია. თუმცა, ინგლისური კლუბი ფეხბურთელის გაშვებას არ ჩქარობს და მას ახალ კონტრაქტს სთავაზობს. ამჟამად აფრიკელი მოთამაშე ხელფასის სახით კვირაში 220 ათას გირვანქას იღებს.
მიმდინარე სეზონშ ტურეს ანგარიშზე 8 გოლი და ერთი საგოლე გადაცემაა.
ფეხბურთის ისტორიის განმავლობაში, ყოფილა შემთხვევები, როცა გამორჩეულ ფეხბურთელებს ერთ გუნდში ცოტა ხნით უთამაშიათ, ამიტომ ბევრს არ ახსოვს, რომ ისინი ოდესღაც ერთი გუნდის ღირსებას იცავდნენ.
დიეგო სიმეონე – ანდრეა პირლო (“ინტერი”, 1998-99)
რივალდო – იაია ტურე (“ოლიმპიაკოსი”, 2005-06)
მარიო ჟარდელი – კრიშტიანო რონალდუ (“სპორტინგი”, 2002-03)
რონალდინიო – მიკელ არტეტა (“პარი სენ-ჟერმენი”, 2001-02)
ზლატან იბრაჰიმოვიჩი – იარი ლიტმანენი (“აიაქსი”, 2002-04)
ფრენკ ლამპარდი – დავორ შუკერი (“ვესტ ჰემი”, 2000-01)
ანტონიო კასანო – ხოსეპ გვარდიოლა (“რომა”, 2002-03)
ჩავი – დემეტრიო ალბერტინი (“ბარსელონა”, 2005)
რადამელ ფალკაო – ალექსის სანჩესი (“რივერ პლეიტი”, 2007-08)
დანი – პეპე (“მარიტიმო”, 2003-2004)
ზლატან იბრაჰიმოვიჩი – შოთა არველაძე (“აიაქსი”, 2001 წელი)
ავტორიტეტული ბრიტანული გამოცემა “გარდიანი” იტყობინება, რომ “მანჩესტერ სიტი” ზაფხულის სატრანსფერო პერიოდში იაია ტურეს გასაყიდად მზად არის.
“ქალაქელები” 31 წლის კოტ დივუარელი ფეხბურთელის სანაცვლოდ 20 მილიონ ფუნტ სტერლინგს ითხოვენ. შეგახსენებთ, რომ იაია ტურეს მიმართ სერიოზულ დაინტერესებას იჩენს მილანის “ინტერი”. “მანჩესტერ სიტის” სურს, რომ კოტ დივუარელის ნაცვლად კლუბში “ვოლფსბურგის” 23 წლის ბელგიელი ნახევარმცველი კევინ დე ბრუინი მიიყვანოს.
ინგლისის პრემიერლიგის მიმდინარე გათამაშებაში იაია ტურემ 22 მატჩში შვიდი გოლი გაიტანა და ერთი საგოლე გადაცემა გააკეთა.
“მანჩესტერ სიტის” ფეხბურთელმა იაია ტურემ ყველა დროის სიმბოლური ნაკრები შეადგინა. კოტდიუვარელი ნახევარმცველის რჩეულებში თანამედროვე ფეხბურთის ვარსკვლავები მოხვდნენ.
“მანჩესტერ სიტის” მთავარმმა მწვრთნელმა, მანუელ პელეგრინიმ “ბარსელონასთან” მოახლოებულ მატჩზე ისაუბრა.
“იაია გუნდისთვის ძალიან მნიშვნელოვანი ფეხბურთელია. ამის მიუხედავად, გუნდს მის გარეშე თამაში შეუძლია. ეს “რომასთან”(0-2) და “ბაიერნთან”(3-2) შეხვედრაშიც დავამტკიცეთ. კარგი გუნდი მყავს, სადაც პოზიციებზე ფეხბურთელები მრავლად მყავს”.
“ვფიქრობ, გასულ წელთან შედარებით განსხვავებული სიტუაციაა. ამჟამად კარგ ფორმაში ვართ და დარწმუნებული ვარ, დავაფიქსირებთ ისეთ ანგარიშს, რომელიც განმეორებით მატჩში მშვიდად თამაშის საშუალებას მოგვცემს”.
“წინასწარ არაფერზე არ ვლაპარაკობთ, ამიტომ მატჩს ველით. “ბაიერნთან” კლასის ხარჯზე ბრწყინვალე მატჩი მოვიგეთ. ბიჭებმა საკუთარი თამაში უნდა აჩვენონ და მჯერა, რომ “ბარსელონას” ბარიერს აუცილებლად დავძლევთ,”-შეაჯამა ჩილელმა სპეციალისტმა.
ხვალ უეფას ჩემპიონთა ლიგის მერვედფინალურ ეტაპზე “მანჩესტერ სიტისა” და “ბარსელონას” შორის პირველი მატჩი შედგება. “ქალაქელთა” ერთ-ერთმა ლიდერმა იაია ტურემ აღნიშნა, რომ კატალონიური გუნდი ტურნირზე ყველაზე ძლიერ მეტოქედ ითვლება და მისი ძლევის შემთხვევაში, “სიტის” ფინალში გასვლაც შეეძლება.
“თუ “ბარსელონას” დამარცხებას შევძლებთ, ფინალამდეც გავალთ. ამ ტურნირზე ყველაზე ძნელად მოსაგები გუნდი სწორედ “ბარსაა”. მე თავის დროზე კატალონიურ გუნდში ვთამაშობდი და კარგად ვიცი, რასაც ვამბობ”, – ტურეს სიტყვები “დეილი სთარმა” გამოაქვეყნა.
მატჩი “მანჩესტერ სიტისა” და “ბარსელონას” შორის ხვალ, თბილისის დროით 23:45 საათზე დაიწყება და მას ფელიქს ბრიხის ხელმძღვანელობით გერმანელ მსაჯთა ბრიგადა მოემსახურება.
