მილანის „ინტერის“ კაპიტანმა ხავიერ ძანეტიმ თავის მომავალზე ისაუბრა.
„ახლა მხოლოდ მიმდინარე სეზონის დარჩენილ ნაწილზე ვარ კონცენტრირებული. ამის შემდეგ მომავალზე მშვიდ გარემოში ვიფიქრებ. ამ მომენტისათვის გუნდისთვის სარგებლის მოტანა მსურს. არ ვიცი, რითი დავკავდები მომავალში, თუმცა ყოველთვის ვამბობდი, რომ „ინტერის“ სისტემაში სიამოვნებით დავრჩებოდი. ნებისმიერ შემთხვევაში, შემიძლია გითხრათ, რომ ჩემს თავს მწვრთნელად ვერ ვხედავ“, – განაცხადა არგენტინელმა ვეტერანმა.
ალექსანდრე მატევოსოვი