ჭდე: ჯეიმს ჰარდენი

„ნიუ-ორლეან პელიკანსთან“ შეხვედრა „ჰიუსტონ როკეტსის“ ლიდერმა ჯეიმს ჰარდენმა ენტონი დევისისა და ომერ ეშიკის წინააღმდეგობის მიუხედავად, ჩინებული დანკი შეასრულა.

„დენვერ ნაგეტსთან“ შეხვედრაში „ჰიუსტონ როკეტსის“ ლიდერ ჯეიმს ჰარდენს მეტოქე კენეტ ფარიდმა რატომღაც ხელი არ შეუშალა, რაც უკანახაზელმა არ აპატია და სამქულიანი ჩააგდო.

„მინესოტა ტიმბერვულვზთან“ ეროვნული საკალათბურთო ასოციაციის რეგულარული ჩემპიონატის მატჩში „ჰიუსტონ როკეტსის“ უკანახაზელმა ჯეიმს ჰარდენმა 31 ქულა, 11 მოხსნა და 10 ასისტი მიითვალა, რითაც სეზონში მეორე, ხოლო კარიერაში მეოთხე ტრიპლ-დაბლი გაიფორმა.

ჯეიმსი კლუბის ისტორიაში მეორე კალათბურთელია, რომელმაც ტრიპლ-დაბლთან ერთად 30 ქულაზე მეტი დააგროვა. აქამდე მსგავსი შედეგი მხოლოდ ცენტრ ჰაკიმ პლაჯიუვონს ჰქონდა.

„ჰიუსტონ როკეტსის“ შემტევი უკანახაზელი ჯეიმს ჰარდენი ეროვნული საკალათბურთო ასოციაციის ოლ სტარის განვლილი სამქულიანების კონკურსზე წასვლილსას ლიფტში 25 წუთით გაიჭედა. ამ შემთხვევის შესახებ კალათბურთელმა თავისი „ინსტაგრამის“ გვერდზე დაწერა.

„ლიფტში გავიჭედე. ამის გამო ძალიან ვნერვიულობ. იმედია, კაბინა არ დავარდება. ჩემი გერლფრენდი დიანა იღიმის, თუმცა სინამდვილეში მას ძალიან ეშინია“, – დაწერა ჰარდენმა.

შეგახსენებთ, რომ ჯეიმსი კონკურსს პირველივე რაუნდში გამოეთიშა, როდესაც ყველაზე ნაკლები ქულა დააგროვა.

„ჰიუსტოინ როკეტსის“ უკანახაზელმა ჯეიმს ჰარდენმა „ფინიქს სანსთან“ მატჩში 40 ქულა დააგროვა. აღსანიშნავია, რომ „პორტლენდ ტრეილ ბლეიზერსთან“ წინა შეხვედრაში მისმა მონაგარმა 45 ქულა შეადგინა.

აქედან გამომდინარე, „როკეტსის“ ისტორიაში იგი მესამე მოთამაშეა, რომელმაც ბოლო ოც წელიწადში ზედიზედ ორ მატჩში 40 ქულა დააგროვა. მსგავს შედეგს აქამდე ფორვარდმა ტრეისი მაკგრედიმ და ცენტრმა ჰაკიმოლაჯიუვონმა მიაღწიეს.

სათქმელია ისიც, რომ „სანსთან“ ნახსენებ შეხვედრაში ჰარდენმა 20 ქულა ბოლო მეოთხედში დააგროვა. აქამდე მსგავსი შედეგი ჯამალ კროუფორდმა (21 ქულა) და მო უილიამსმა (ასევე 21 ქულა) აჩვენეს.

ხუთშაბათს, გამთენიისას, „გოლდენ სტიეტ უორიორსთან“ მატჩში, „ჰიუსტონ როკეტსის“ მცველის ჯეიმს ჰარდენის თამაში დიდი კითხვის ნიშნის ქვეშ არის, რის შესახებაც „Houston Chronicle“ იტყობინება. ტეხასური კლუბის ლიდერს ზურგის ტკივილი აწუხებს.

აღსანიშნავია, რომ ტკივილის მიუხედავად, ჰარდენმა ბოლო ვარჯიშში მონაწილეობა მიიღო. ამასთანავე, პარტნიორებთან ერთად დუაიტ ჰოვარდმაც ივარჯიშა, რომელსაც მუხლის ტრავმის გამო ნოემბრის შემდეგ აღარ უთამაშია.