ჯონ ტერი “ასტონ ვილას” ტოვებს. ამის შესახებ ინფორმაციას თავად ინგლისური გუნდის ოფიციალური გვერდი ავრცელებს.
37 წლის ფეხბურთელს “ბირმინგემულ” კლუბთან ერთწლიანი კონტრაქტი ამოეწურა და, შესაბამისად, ახლა მას თავისუფალი აგენტის სტატუსი აქვს. ჯერჯერობით, უცნობია, სად გააგრძელებს კარიერას ტერი.
ინგლისური ფეხბურთის ლეგენდა 14 წლის მანძილზე გამოდიოდა ლონდონის “ჩელსიში”. ხოლო, უკვე გასულ სეოზნში მან “ჩემპიონშიფიში” 35 შეხვედრა ჩაატარა და ერთი გოლიც გაიტანა.
პრემიერ ლიგიდან ახლახან გავარდნილი “ასტონ ვილას” ახალწვეულმა, ჯონ ტერიმ გუნდის კაპიტნის სამკლაური ჩაიბარა. ამ ინფორმაციას ინგლისური კლუბის ოფიციალური ვებ-გვერდიც ადასტურებს.
შეგახსენებთ, რომ 36 წლის ჯონ ტერიმ ლონდონის “ჩელსი” მიმდინარე ზაფხულის სატრანსფერო ფანჯარაზე დატოვა და “ასტონ ვილასთან” ერთწლიანი კონტრაქტი გააფორმა.
ცნობისთვის გეტყვით იმასაც, რომ გასულ სეზონში “ვილას” ჯეიმს ჩესტერი კაპიტნობდა.
ცოტა ხნის წინ ოფიციალურად დადასტურდა, რომ ჯონ ტერი “ასტონ ვილაში” ითამაშებს. ინგლისის ნაკრებისა და “ჩელსის ყოფილი კატიტანი და ლეგენდა სტივ ბრუსის დამოძღვრილი გუნდის პრემიერ ლიგაში დაბრუნებას შეეცდება.
ომარ მომანი სვამს კითხვებს: “შერჩა ტერის “ასტონ ვილას” დახმარების ძალა? თუ მისთვის უკვე სხვა რამეა პრიორიტეტული?”
Sky Sports-ის მიერ გავრცელებული ინფორმაციის მიხედვით, ჯონ ტერი არჩევანს “ასტონ ვილაში” გადასვლაზე აკეთებს, სადაც მას ერთწლიან კონტრაქტს სთავაზობენ.
როგორც იცით, ინგლისის ნაკრების ყოფილი კაპიტანი ლონდონის “ჩელსის” თავისუფალი აგენტის სტატუსით ტოვებს, მისი გადაბირების მსურველები კი ინგლისშიც მრავლად არიან: “ბორნმუთი”, “სუონსი”, “ვესტ ბრომი” და “ასტონ ვილა”.
თუმცა, წყაროს ცნობით, ტერის “ჩელსის” მეტოქეთა ბანაკის გაძლიერება არ სურს, ამიტომაც, ურჩევნია კარიერა ჩემფიონშიფში მოთამაშე გუნდში გააგრძელოს.
Sky Sports-ის მიერ მოპოვებული უახლესი ინფორმაციის მიხედვით, “ასტონ ვილას” ხელმძღვანელები საკმაოდ სერიოზულად არიან დაინტერესებულნი ჯონ ტერის ტრანსფერით.
ბრიტანული პრესის ცნობით, ამ ტრანსფერზე მოსალაპარაკებლად, “ვილას” ბოსმა, სტივ ბრიუსმა 36 წლის ფეხბურთელი გოლფის სათამაშოდაც დაპატიჟა.
შეგახსენებთ, რომ ინგლისელი მცველი ლონდონის “ჩელსის” ღირსებას 2000 წლიდან იცავს.
“ჩელსი” “ლევერკუზენს” დაუკავშირდა
ლონდონის “ჩელსის” ხელმძღვანელებმა “ბაიერ ლევერკუზენს” თურქი ნახევარმცველის, ჰაკან ჩალხანოღლუს ტრანსფერის თაობაზე მიმართეს, რომელსაც “არისტოკრატთა” თავკაცი, ანტონიო კონტე ოსკარის შემცვლელად მოისაზრებს. (Turkish-football.com)
“ატლეტიკომ” ალექსის სანჩესს დაუმიზნა
მადრიდის “ატლეტიკოს” ხელმძღვანელები მზად არიან ფრანგული “პარის სენ-ჟერმენის” სამიზნისათვის, ალექსის სანჩესისათვის იბრძოლონ. აღნიშნულ ინფორმაციას ჩილური გამოცემები ავრცელებენ. (El Grafico)
ჩიჩარიტო “ლევერკუზენის” დატოვებას არ აპირებს
“ბაიერ ლევერკუზენის” მექსიკელმა ფორვარდმა, ხავიერ ერნანდესმა ყველასათვის ნათელი გახადა, რომ ის ზამთარში გერმანული კლუბის დატოვებას არ აპირებს. “ეს ყველაფერი უბრალო სპეკულაციაა. არც მე და არც ჩემს აგენტს არ უსაუბრია სხვა კლუბის წარმომადგენლობასთან. აქ თავს ბედნიერად ვგრძნობ და ჩემი ერთადერთი სურვილი ამ კლუბში დარჩენაა.” (Kicker)
“ბორნმუთს” იჯარით ჯონ ტერის აყვანა სურს
ბრიტანული გამოცემა “დეილი მეილი” იუწყება, რომ “ბორნმუთის” ხელმძღვანელობამ ლონდონის “ჩელსის” სეზონის ბოლომდე ჯონ ტერის იჯარის წესით აყვანის წინადადებით მიმართა. მას შემდეგ, რაც “ლურჯებმა” “ბორნმუთში” განათხოვრებული ნათან აკე დათქმულზე ადრე უკან დაიბრუნეს, ედი ჰაუს გუნდს დაცვის ხაზში პრობლემები გაუჩნდა. (Daily Mail)
ოფიციალურად: “ბენფიკამ” ტაარაბტი “ჯენოაში” გაანათხოვრა
სულ ცოტა ხნის წინ ოფციალურად დადასტურდ, რომ პორტუგალიური “ბენფიკას” ფეხბურთელი, ადელ ტაარაბტი იჯარით გადავიდა იტალიურ “ჯენოაში”. 27 წლის ფეხბურთელი სეზონის ბოლომდე დარჩება “ჯენოაში”.
“ტოტენჰემს” ნიკო გაიტანი სურს
ლონდონის “ტოტენჰემის” მთავარმა მწვრთნელმა, მაურისიო პოჩეტინომ გუნდის გაძლიერება გადაწყვიტა. ბრიტანული პრესის ცნობით, “მამლებმა” უკვე მიმართეს “ატლეტიკოს” ნიკო გაიტანის ტრანსფერის თაობაზე, თუმცა მადრიდელები ჯერ უარზე არიან. (London Evening Standard)
ლონდონის “ჩელსის” ინგლისელი კაპიტანი, ჯონ ტერი ჩინური კლუბის, “შანხაი შენჰუას” ინტერესთა სფეროში მოექცა. ამ ინფორმაციას Standard Sport ავრცელებს.
გავრცელებული ინფორმაციის თანახმად, ვეტერანი მცველი, რომელიც ამ სეზონში ტრავმებმა დატანჯა, ჩინეთში 2016/17 წლების სეზონის დასრულებისთანავე გადაბარგდება.
ამ ტრანსფერისთვის ხელის შეშლა მხოლოდ ანტონიო კონტეს შეუძლია, რომელიც ჯერჯერობით არაფერს აკეთებს იმისათვვის, რომ ტერის ერთწლიანი კონტრაქტი გაახანგრძლივოს.
აქვე გეტყვით იმასაც, რომ 35 წლის ინგლისელ ფეხბურთელს მთხოვნელები თურქეთიდანაც ჰყავს და ამერიკული MLS-დანაც. შესაძლოა, ტერი ზაფხულს არც დაელოდოს და ლონდონის ზამთარშივე დატოვოს.
ლონდონურ “ჩელსის” შაბათს, პრემიერ ლიგის ეგიდით “ტოტენჰემის” წინააღმდეგ გასამართ მატჩში ჯონ ტერის გარეშე მოუწევს საკუთარი შესაძლებლობებისა და ძალების დემონსტრირება.
კლუბის მიერ დადასტურებული ინფორმაციის თანახმად, ცენტრალურმა მცველმა ვარჯიშისას კუნთი დაიზიანა, რის გამოც ჯონ ობი მიკელთან ერთად, ლაზარეთში მოუწევს გარკვეული დროის დაყოფა.
ანტონიო კონტეს თქმით, ლონდონელთა ვეტერანი კაპიტანი, რომელსაც უკვე შეუსრულდა 35 წელი, ორი-სამი კვირით იუქმებს.
გეტყვით იმასაც, რომ ტერის “ჩელსის” რიგებში “ევერტონთან”, 5 ნოემბერს მოგებული მატჩის შემდეგ არ უასპარეზია.
ლონდონის “ჩელსისა” და ჯონ ტერის ყოფილი დამრიგებლის, რეი უილკინსის აზრით, საკმაოდ დიდია ალბათობა იმისა, რომ “არისტოკრატთა” ინგლისელმა ლეგენდამ “სტემფორდ ბრიჯი” “ოლდ ტრაფორდში” გაცვალოს.
“დანამდვილებით შემიძლია გითხრათ, რომ ის ჩინეთში გადასვლას ვარიანტადაც არ თვლის, ამას გამოვრიცხავ.” – განაცხადა მან talkSport-ის ჟურნალისტებთან საუბრისას.
“ოლდ ტრაფორდზე” გადასვლა? ახლა ის “ჩელსის” ძირითადში აღარ თამაშობს, თუმცა მაინც მჯერა, რომ გუნდისთვის კიდევ ბევრი აქვს შესათავაზებელი. იქ (მანჩესტერში) კი ნამდვილად იქნება ვიღაც, ვისაც მისი გადაბირება ესურვება.”
შეგახსენებთ, რომ ამ ტრანსფერის მთავარ ხელისშემწყობ ფაქტორს “წითელ ეშმაკთა” დამრიგებელი, ჟოზე მოურინიო წარმოადგენს, რომელსაც ტერისთან მშვენიერი ურთიერთობა გააჩნია.
ლონდონის “ჩელსის” ოფიციალური გვერდი ადასტურებს ინფორმაციას, რომლის თანახმადაც კლუბის ხელმძღვანელობამ გუნდის კაპიტანს ახალი, ერთწლიანი კონტრაქტი შეთავაზა.
როგორც იცით, იანვარში ტერიმ განაცხადა, რომ კლუბთან შეუთანხმებლობის შემთხვევაში ის “სტემფორდ ბრიჯს” დატოვებდა და 21-წლიან თანამშრომლობას წერტილს დაუსვამდა.
ასე რომ, გადაწყვეტილება 35 წლის ინგლისელმა უნდა მიიღოს, რომლისთვისაც კვირას, “ლესტერთან” გასამართი მატჩი შესაძლოა ბოლო აღმოჩნდეს.
It is announced in the press conference that John Terry has been offered a one-year contract extension. John is considering the offer. #CFC
— Chelsea FC (@ChelseaFC) May 13, 2016
„ჩელსის“ მთავარი მწვრთნელი გუს ჰიდინკი თვლის, რომ მცველი ჯონ ტერი, რომელმაც 19 მარტს „ვბესტ ჰემთან“ მატჩში ტრავმა მიიღო, ორ მაისს „ტოტენჰემთან“ დაგეგმილი მატჩისთვის მზად იქნება.
„ვფიქრობ, ტერის „ვესტ ჰემთან“ თამაშის სურვილი მის ფიზიკურ მდგომარეობაზე უკეთესი იყო. მისი აღდგენითი პროცესი სწრაფ ტემპში მიმდინარებს. ვფიქრობ, ჯონი ჩვენს გუნდს „ტოტენეჰმთან“ შეხვედრაში დაეხმარება. საერთო ჯგუფთან ვარჯიშს ტერი ოთხშაბათდან დაუბრუნდება“, – განაცხადა ჰოლანდიელმა.
ლონდონის “ჩელსის” ხელმძღვანელობამ უკვე დაადასტურა, რომ მომავალ სეზონში “არისტოკრატებს” სათავეში ანტონიო კონტე ჩაუდგება. ეს ევრო-2016-ის დასრულების შემდეგ მოხდება.
იტალიელს ლონდონში არც თუ ისე კარგი ვითარება დახვდება – კლუბი ევროპული ფეხბურთის გარეშეა დარჩენილი, რაც ყველაზე დიდ პრობლემას წარმოადგენს, თუმცა ეს მათი ერთადერთი პრობლემა არ არის. გთავაზობთ კონტეს გადასაწყვეტ 5 მთავარ პრობლემას…
ჯონ ტერის შენარჩუნება
ლონდონური “ჩელსი” მომავალ სეზონში დიდი ალბათობით კლუბის ყველაზე გამოცდილი და გამორჩეული ფეხბურთელის, ჯონ ტერის გარეშე დარჩება, თუკი ის კონტრაქტის გახანგრძლივებაზე უარს იტყვის. 35 წლის ტერიმ ზამთარში განაცხადა, რომ კლუბს ამჟამინდელი კონტრაქტის ამოწურვის შემდეგ დატოვებდა, რის მიზეზადაც კლუბის მიერ გეზის შეცვლა დაასახელა.
საინტერესოა, მოსწონს თუ არა კონტეს ჯონ ტერის მიერ ნახსენები გეზი? Sky Sports-თან საუბრისას, გრიმ სოუნესმა აღნიშნა, რომ ის ვერ ხედავს ვერანაირ მიზეზს, თუ რატომ არ უნდა უნდოდეს კლუბს მისი შენარჩუნება.
“მიჭირს წარმოდგენა იმისა, რომ ტერისა და “ჩელსის” გზები მომავალ წელს გაიყრება. ვერანაირ მიზეზს ვერ ვხედავ, თუ რატომ არ უნდა უნდოდეს “ჩელსის” ტერისთან თანამშრომლობა. რამდენიც არ უნდა გადაიხადო სხვა მცველში, თუნდაც 60 მილიონი ფუნტი, ის ვერ გააკეთებს იმას, რასაც ტერი გასახდელში აკეთებდა. ჯონ ტერის მოშორება ჩემის აზრით უდიდესი შეცდომა იქნება.”
ბოლოს გავრცელებული ინფორმაციის თანახმად, კონტე ჯონ ტერისა და “ჩელსის” ყოფილი ასისტენტის, რეი უილკინსის შენარჩუნებას აპირებს.
ყოველშემთხვევაში, ჯონ ტერის წასვლით დარჩენილი ღრმულის ამოვსება კონტეს ძალიან გაუჭირდება.
აზარის ძველ ფორმაში დაბრუნება
რთულია გაიხსენო ისეთი ფეხბურთელი, რომელმაც ასეთი დონის რეგრესი ასეთ მცირე პერიოდში გაიარა. 2014/15 წლების სეზონში ინგლისის საუკეთესო ფეხბურთელი დღეს გუნდის იმედგამაცრუებელ ფიგურად მოგვევლინა. მას წლევანდელ სეზონში პრემიერ ლიგის ეგიდით გამართულ არცერთ მატჩში არ გაუტანია გოლი.
აღანიშნავია, რომ მას პრემიერ ლიგიდან წასვლასაც უწინასწარმეტყველებენ. თებერვალში ბელგიელმა ნახევარმცველმა განაცხადა, რომ “პარის სენ-ჟერმენისთვის” უარის თქმა გაუჭირდებოდა.
“ჩელსის” ამჟამინდელი და დრობითი თავკაცი, გუს ჰიდინკი თვლის, რომ აზარს ძველი ფორმის აღდგენა შეუძლია, თუმცა Sky Sports-ის სპეციალისტის აზრით მისი გაყიდვა უკეთესი ვარიანტია, თანაც თუ შესაბამის თანხას გაიღებენ.
“მის სანაცვლოდ 60 მილიონი ფუნტიც რომ მოეცათ, მას აუცილებლად გავუშვებდი. მან ერთი ბრწყინვალე სეზონი ჩაატარა, თუმცა წელს ის ვერაფრის გაკეთებას ვერ ახერხებს. მის სანაცვლოდ თუ რაიმეს მიღებას შეძლებ, აუცილებლად უნდა აიღო. არავინ იცის შეძლებს თუ არა ის ძველ ფორმაში დაბრუნებას.”
საეჭვოა ლონდონელებმა აზარი გაუშვან, რომლის კონტრაქტიც 2020 წელს იწურება, თუ ასტრონომიულ შეთავაზებას არ მიიღებენ. ნაცვლად მისი გაშვებისა, კონტე ეცდება რაიმე გასაღები გამოძებნოს, რომელიც მის ტრანსფორმაციას გამოიწვევს.
სატრანსფერო პოლიტიკის გამოსწორება
მართალია, რომ “ჩელსის” არასახარბიელო ასპარეზობა მოურინიოს ბრალია, თუმცა უნდა ვაღიაროთ, რომ აბრამოვიჩი მის სატრანსფერო პოლიტიკას მხარს დიდად არ უჭერდა.
კლუბის მიერ გაკეთებული ბოლო ცვლილებებიდან (რადამელ ფალკაო, აბდულ რაჰმან ბაბა, პაპი ჯილობოჯი და პედრო) ვერცერთმა ვერ გაამართლა. იგივე შეიძლება ითქვას პატოზეც. იანვარში გადმობირებული ფეხბურთელის დებიუტი ამ უიქენდზე შედგა.
თუმცა ისმის კითხვა: შეძლებს კონტე საჭირო ფეხბურთელების გადაბირებას, იმის ფონზე, რომ კლუბი მომავალ სეზონში ევროპულ სარბიელზე ვერ იასპარეზებს?
Sky-ს იტალიელი ჟურნალისტი, ავგუსტო დე ბართოლო თვლის, რომ “იუვეს” ყოფილი ბოსი 3-4 ფეხბურთელს დაიმატებს, მათ შორის კი “რომას” ნახევარმცველი, რაჯა ნაინგოლანიც იქნება.
“იუვეში” პოგბას გარდა მას ჰყავდა პირლო, მარკიზიო და ვიდალი. ამ მიზეზით, ვფიქრობ რომ ის დაიმატებს ფეხბურთელს, რომელიც მისთვის გამოსადეგი იქნება. ვფიქრობ ეს რაჯა ნაინგოლანი იქნება, “რომადან”, რომელსაც კონტე აღიარებს.” – აცხადებს დე ბართოლო.
კონტემ შეტევის ხაზის გაძლიერებაზეც უნდა იფიქროს. კოშტა გაცილებით უფრო კარგ დამხმარეებს იმსახურებს, ვიდრე ლოიკ რემი და ფალკაოა.
“მათ კიდევ ერთი ფორვარდი უნდა დაიმატონ ზაფხულში, რადგანაც მხოლოდ კოშტა ვერაფერს შეძლებს.” – განაცხადა მერსონმა.
ახალგაზრდებისთვის შანსის მიცემა
მართალია ამ პრობლემის გადაწყვეტა მოკლე დროში შეუძლებელია, თუმცა ახალგაზრდებისთვის მეტი შანსის მიცემა “ჩელსის” ისეთი ნიჭიერი ფეხბურთელების დაკარგვისგან დაიცავს, როგორებიც რომელუ ლუკაკუ და კევინ დე ბრუინი არიან.
რასაკვირველია, კონტეს ბევრ ფეხბურთელთან ექნება სამუშაო. “ჩელსიმ” საკმაოდ ბევრი ახალგაზრდა ფეხბურთელი აიყვანა იჯარით. ახალგაზრდა პერსპექტიულთა რიცხვს მიეკუთვნებიან: რუბენ ლოფტუს-ჩიკი, მეტ მიასგა და ბერტრანდ ტრაორე.
ახალგაზრდა ნიჭიერი ფეხბურთელების განვითარება და სწორი ტრანსფერები “ჩელსის” მომავალს უზრუნველყოფილს გახდის. გარდა ამისა, ჰიდინკი მისთვის დახმარების გაწევას აპირებს. მან უკვე აღნიშნა, რომ სანამ გუნდს დატოვებს, ის საკმაოდ ბევრ ახალგაზრდას მისცემს გუნდში თამაშის შანსს.
ეს ყველაფერი კი იტალიელს გადაწყვეტილების მიღებაში დაეხმარება.
განათხოვრებულ ფეხბურთელებზე ზრუნვა
როგორც იცით, “ჩელსის” 30 ფეხბურთელზე მეტი ყავს განათხოვრებული სხვადასხვა კლუბებში. ასე რომ კონტეს არჩევანის უფლება საკმაოდ აქვს.
განათხოვრებენ პატრიკ ბემფორდს 6 თვით? დააბრუნებენ ხუან კვადრადოს “იუვენტუსიდან”? არის მაიკლ ჰექტორი იგნლისური ფეხბურთისთვის მზად? მუჰამედ სალაჰის დაბრუნების შანსები არც ისე დიდია, მაგრამ ვიქტორ მოზესის მომავლის საკითხი კი აუცილებლად უნდა განიხილონ, რომლის შენარჩუნებასაც “ვესტ ჰემი” ყველანაირად ეცდება.
