“იუვენტუსმა” იტალიური ფეხბურთის ისტორია დაწერა – ასეთი სიტყვებით ახარეს “იუვენტუსის” ქომაგებს “ბებერი ქალბატონის” კიდევ ერთი დიდებული მიღწევა.
საქმე ის არის, რომ “იუვენტუსის” 23-წლამდელთა გუნდმა სერია C-ში თამაშის უფლება მოიპოვა, “იუვე” კი პირველი კლუბია იტალიური ფეხბურთის ისტორიაში, რომელსაც პროფესიონალურ ჩემპიონატში მოთამაშე ორი გუნდი ჰყავს.
“იუვენტუსის” 23-წლამდელთა გუნდს “ფიორენტინას” ყოფილი ნახევარმცველი მაურო ცირონელი გაწვრთნის. მისთვის სეზონი სტარტს 25 აგვისტოს აიღებს.
მიუნხენის “ბაიერნის” გენერალური დირექტორი კარლ-ჰაინც რუმენიგე სატრანსფერო ბაზარზე საუბრისას აღნიშნავს, რომ ფასების ასეთი ზრდა “მანჩესტერ სიტისა” და “პარი სენ-ჟერმენის” ქმედებებმა გამოიწვია. რუმენიგე რონალდუს ტრანსფერსაც შეეხო.
“საფეხბურთო სამყაროში ფულის ასეთი ინფლაცია “მანჩესტერ სიტისა” და “პარი სენ-ჟერმენის” კისერზეა,” – აცხადებს “ინტერის” ყოფილი თავდამსხმელი Merkur-თან საუბრისას.
“ნახეთ რა შეძლო “რეალმა” მაშინ, როდესაც მათი დანახარჯები მინიმალური იყო. ჩემპიონთა ლიგის მოსაგებად სულაც არ არის აუცილებელი გიჟური ტრანსფერების განხორციელება, ჩვენი ფილოსოფიაც სწორედ ასეთია.
რონალდუს ტრანსფერი? გამიკვირდა ანდრეა ანიელიმ ასეთი რამ რომ დაუშვა, მაგრამ “იუვენტუსის” მდგომაროების გათვალისწინებით, შესაძლებელია ამის გამართლებაც. ჩვენ არასოდეს ჩავდებდით ასეთ თანხას 33 წლის ფეხბურთელში,” – განაცხადა რუმენიგემ.
ტურინის “იუვენტუსის” ცენტრალურმა მცველმა, ჯორჯო კიელინიმ განაცხადა, რომ კრიშტიანუ რონალდუს იტალიურ კლუბში გადასვლა შესაძლებლად არ მიაჩნდა.
“ჩემს თანაგუნდელებს ვუთხარი, “არა, გამორიცხულია.” ერთი დღის შემდეგ, გავიფიქრე, რომ ეს შესაძლებელი იყო. ჩვენს მწვრთნელთან და დირექტორთან ერთად რეალობად იქცა… “იუვენტუსი” იზრდება. წლიდამ წლამე ვვითარდებით. ჩვენ გვჭირდებოდა კრიშტიანუ. მონდომებულები ვართ, რომ ამასთან ერთად ვიმუშაოთ. გუნდის ყველა წევრი, ფეხბურთელები, მწვრთნელები, ხელმძღვანელობა მოწდინებულია იმას, რომ რონალდუსთან ერთად მივაღწიოთ წარმატებას. ვიმედოვნებ, ჩენს მიზანს აუცილებლად მივაღწევთ,” – ამბობს კიელინი.
“ნაპოლის” პრეზიდენტი აურელიო დე ლაურენტისი უშუალო კონკურენტების მიერ გაკეთებულ ბრწყინვალე ტრანსფერს გამოეხმაურა. ამ უკანასკნელმა რონალდუს “იუვენტუსში” გადასვლას პროპაგანდა უწოდა.
“იუვენტუსის” მხრიდან კრიშტიანუ რონალდუს ტრანსფერი დიდებული პროპაგანდა გახლდათ მთლიანი ჩემპიონატისთვის და იმედი მაქვს, რომ ფანებში ენთუზიაზმს უფრო გააღვივებს. დიდი ტრანსფერის გარეშე მასიმილიანო ალეგრის ეს ნიშნული უდავოდ დაეცემოდა.
ზედიზედ შვიდი მოგებული “სკუდეტოს” შემდეგ ძალიან რთულია ფანების დაინტერესება, მათი აღელვება, ისევე როგორც სპონსორების. დღევანდელი სამყარო მთლიანად ინდუსტრიასა და პოლიტიკას ეკუთვნის.
რონალდუს, თავის მხრივ, ყველაზე ჭკვიანი აგენტი ჰყავს. რუი პატრისიოს ტრანსფერის თაობაზე მას პორტუგალიაში შევხვდი და მითხრა, რომ კრიშტიანუს ტრანსფერი გამამდიდრებდა. მაგრამ მაშინ ამაზე დავეწვდი, ახლა კი “იუვენტუსმა” ამ ტრანსფერით სერია ა-ს კლუბების მარკეტინგის დონე აწია.
რონალდუ ახლა ისეთივე ახალგაზრდა აღარ არის და საეჭვოა, შეძლებს თუ არა გაღებული თანხის ამოღებას. გაუმართლებლად მიმაჩნია კარიერის დასასრულში მყოფი ფეხბურთელისთვის ასეთი ხელფასის შეთავაზება,” – აცხადებს დე ლაურენტისი.
ჯანლუიჯი ბუფონმა, რომელიც ახალხან გადაბარგდა “პარი სენ-ჟერმენის” შემადგენლობაში, კრიშტიანუ რონალდუს ტრანსფერზე საუბარს თავი აარიდა. როგორც იცით, ჯიჯიმ “პსჟ” რონალდუს ტრანსფერამდე აირჩია.
“არსენალთან” გამართული ამხანაგური მატჩის შემდეგ, ჯიჯიმ რონალდუს შესახებ დასმულ კითხვას ასე უპასუხა:”ახლა “იუვენტუსი” მხოლოდ ისე მაინტერესებს, როგორც ერთ-ერთ მაყურებელს.
“იუვე” დიდებული კლუბია, ისევე როგორც “პარი სენ-ჟერმენი” და ვფიქრობ, ორივე მათგანი საუკეთესოს აკეთებს უფრო ძლიერი რომ გახდეს, ადრეც ასე იყო და მომავალშიც ასე იქნება,” – განაცხადა ლეგენდარულმა იტალიელმა მეკარემ.
ტურინის “იუვენტუსის” იტალიელმა ნახევარმცველმა მირალემ პიანიჩმა ჟურნალისტებთან რამდენიმე საინტერესო საკითხზე ისაუბრა. ამ უკანასკნელმა უარყო ჭორები, რომლის თანახმადაც კლუბის დატოვებაზე ფიქრობდა.
“ბოლო დროს ძალიან ბევრ ინფორმაციას ვიგებ, თუმცა, რა თქმა უნდა, მხოლოდ ზოგია ჭეშმარიტი. თავს კარგად ვგრძნობ, მომავალი სეზონისთვის ვემზადები. ჩემთვის ყველაზე მნიშვნელოვანი ეს არის.
ბოლო ორი სეზონის მანძილზე “იუვესთან” ერთად ბევრ წარმატებას მივაღწიე, ბედნიერი ვარ აქ ყოფნით და არ მაინტერესებს რას წერენ და ამბობენ ისინი. მშვენივრად ვგრძნობ თავს.
რონალდუს მოსვლით ბედნიერი ვარ. მას უბრალოდ მივესალმე, სულ მალე ვარჯიშს შემოუერთდება და უფრო კარგად გავიცნობთ. ის დიდებული ფეხბურთელია და ვიცით, რომ აქ თავს ბედნიერად გრძნობს,” – აცხადებს პიანიჩი.
ავტორიტეტული იტალიური გამოცემები ერთხმად ადასტურებენ “მილანსა” და “იუვენტუსს” შორის შეთანხმების არსებობას. “როსონერი” და “ბებერი ქალბატონი” გულშემატკივარს სულ მალე ბარტერს შესთავაზებს.
“სან სიროზე” გატარებული 12 თვე საკმარისი აღმოჩნდა იმისათვის, რომ ბონუჩის მშობლიური “იუვე” მონატრებოდა. “მილანელები” ბონუჩის გაშვების სანაცვლოდ მატია კალდარასა და გონსალო იგუაინს ითხოვენ.
შეთანხმების თანახმად, ბონუჩისა და კალდარას ბარტერისგან დამოუკიდებელი იქნება გონსალო იგუაინის ტრანსფერი. არგენტინელი თავდამსხმელის არენდით აყვანა “როსონერის” საკმაოდ ძვირი დაუჯდება – საუბარია 15 მილიონ ევროზე.
სავარაუდოდ “მილანში” თამაშისას იგუაინის ხელფასს, რაც სეზონში 7,5 მილიონ ევროს უტოლდება, მაინც “ბებერი ქალბატონი” გადაიხდის.
ტურინის “იუვენტუსის” ჰავბეკი მირალემ პიანიჩი “მანჩესტერ სიტის” ინტერესთა სფეროშია მოქცეული. “რომას” ექს-ფეხბურთელის ტრანსფერით პირადად პეპ გვარდიოლა გახლავთ დაინტერესებული.
როგორც ცნობილი ხდება, პეპ გვარდიოლა უკვე დაუკავშირდა ბოსნიელ ფეხბურთელს. ესპანელი სპეციალისტი მზადყოფნას გამოთქვამს, პირადად აწარმოოს მოლაპარაკებები.
Mediaset ირწმუნება, რომ “ქალაქელები” პიანიჩის სანაცვლოდ “ბებერ ქალბატონს” 100 მილიონ ევროს სთავაზობენ, რითიც უპირობოდ იცილებენ უშუალო კონკურენტებს “ბარსელონასა” და “ჩელსის” სახით.
ტურინის “იუვენტუსის” მესამე სათამაშო ფორმა განსაკუთრებული იქნება. ამ ინფორმაცის კლუბის ოფიციალური ვებ-გვერდიც ადასტურებს. ფორმა “იუვენტუსის”, “ადიდასისა” და Parley for the Oceans-ის თანამშრომლობის შედეგი იქნება.
როგორც ცნობილი ხდება, ფორმაზე ნაცრისფერი ფერის რამდენიმე ვარიაცია იქნება გამოყენებული. “ბებერი ქალბატონის” გერბი კი ყვითელი ფერით იქნება დატანილი.
“იუვენტუსში” ირწმუნებიან, რომ ფორმის შესაქმნელად მხოლოდ ოკეანეში მოპოვებული ნარჩენების გადამუშავებით მიღებული ქსოვილი იქნება გამოყენებული, რაც ნამდვილად ინოვაციური მიგნებაა მსოფლიო ფეხბურთში.
გავლენიანი იტალიური გამოცემა Tuttosport-ის ცნობით, “მანჩესტერ იუნაიტედის” ფრანგი ნახევარმცველი პოლ პოგბა ტურინის “იუვენტუსში” დაბრუნებაზე ფიქრობს.
ტურინული გამოცემის მიერ გავრცელებული ინფორმაციის მიხედვით, პოლ პოგბა დაიღალა ჟოზე მოურინიოსთან თანამშრომლობით და როგორც 2016-ში, ახლაც ურჩევნია, ნაცნობ ადგილს დაუბრუნდეს.
აღსანიშნავია კრიშტიანუ რონალდუს ტრანსფერი ტურინის “იუვენტუსშიც”, რამაც მეტ-ნაკლებად დააბალანსა ევროპული ფეხბურთი და ტურინულ გრანდს ჩემპიონთა ლიგის მოპოვების საკმაოდ კარგი შანსი გაუჩინა.
საგულისხმოა მსოფლიო ჩემპიონატის მოგების შემდეგ ბლეიზ მატუიდისა და პოლ პოგბას მონაწილეობით გადაღებული ვიდეო, რომელშიც მატუიდის კითხვას, აპირებს თუ არა დაბრუნებას, პოგბა ასე პასუხობს: “ეს, ბებერო ქალბატონო! ბებერო ქალბატონო”.
დღეს მსოფლიოს ერთ-ერთი საუკეთესო ფეხბურთელი, კრიშტიანუ რონალდუ, თავის ახალ კლუბს ეწვია და “იუვენტუსის” ფეხბურთელის რანგში პირველი პრესკონფერენციაც გამართა. შეგახსენებთ, რომ ამ ტრანსფერში “ბებერმა ქალბატონმა” 100 მილიონი ევრო გადაიხადა.
“არ ვწუხვარ, “რეალი” რომ დავტოვე. ჩემს ასაკში მყოფი ფეხბურთელების უმრავლესობა კარიერის გაგრძელებას კატარდა და ჩინეთში ამჯობინებენ, მე კი ისეთ დიდ კლუბში თამაშის უფლება მაქვს, როგორიც “იუვენტუსია”. რისთვისაც, რა თმა უნდა, მადლობელი ვარ.
აქ თავს დიდებულად ვგრძნობ, ეს ჩემთვის ბრწყინვალე გამოწვევაა. სერია ა ძალიან რთული ჩემპიონატია, თუმცა მზად ვარ ბრძოლისათვის. ასაკი ნაკლებად მნიშვნელოვანია, ძალიან მოტივირებული და აღელვებული ვარ. ვეცდები კლუბთან ერთად ყველა ტიტული მოვიგო.
“იუვენტუსმა” მშვენიერი შესაძლებლობა მომცა. როგორც ვხედავ, “იუვენტუსს” ძალიან დიდი პერსპექტივა აქვს, მათ გასულ წლებში ბევრჯერ მოიგეს “სკუდეტო”, იტალიის თასი და ჩემპიონთა ლიგის ფინალშიც იყვნენ.ვამაყობ აქ რომ ვარ, ვამაყობ რომ მათ ჩემდამი ინტერესი გამოიჩინეს და ვიმედოვნებ, რომ “იუვენტუსს” უფრო მაღალ დონეზე ავიყვან.
მესისთან მეტოქეობა? ფეხბურთელებს, როგორც მეტოქეებს ისე არ ვუყურებ. რა თმა უნდ, ვცდილობთ ყველაფერი მოვიგოთ, რაც თავისთავად დიდი გამოწვევაა, მაგრამ სხვა არაფერია. ჩვენ ჩვენი კლუბებისთვის ვიბრძვით, ბოლოს კი ვნახავთ, ვინ არის საუკეთესო,” – აცხადებს რონალდუ.
გაგრძელება იქნება…
კრიშტიანუ რონალდუ ტურინშია. ამ ფაქტის ამსახველ ფოტოს “იუვენტუსის” ოფიციალური გვერდი ავრცელებს, წარწერით: “ნახეთ, ვინ ჩამოვიდა ახლახანს კასელეში (ტურინის პროვინცია, ავტ.). კეთილი იყოს შენი ფეხი, კრიშტიანუ!”
პორტუგალიელი სუპერვარსკვლავი სამედიცინო შემოწმებას დღეს გაივლის.
შეგახსენებთ, რომ რონალდუმ იტალიურ გრანდთან ოთხწლიან ხელშეკრულებას მოაწერა ხელი. ის ერთ სეზონში 30 მილიონ ევროს მიიღებს.
