ბრაზილიის ნაკრების თავდამსხმელ ნეიმარს კოლუმბიის ნაკრების მცველის ხუან სუნიგას მხრიდან 2014 წლის მსოფლიო ჩემპიონატზე მის წინააღმდეგ დარღვეული თამაშის წესი არ დავიწყებია.
როგორც ესპანური ინტერნეტგამოცემა „სპორტი“ წერს, ამის შესახებ თავად ბრაზილიელის სიტყვები მეტყველებენ, რომელიც მან კოლუმბიელებთან „კოპა ამერიკას“ ჯგუფური ეტაპის მეორე მატჩის შემდეგ თქვა (შეგახსენებთ, რომ ეს მატჩი ბრაზილიამ ანგარიშით 0:1 წააგო). როგორც წყარო წერს, ნეიმარი მეტოქესთან მივიდა და შემდეგ რამ უთხრა: „დიდი მადლობა. ამ ყველაფრის შემდეგ ბოდიშს მთხოვ, ძაღლის შვილო?“
შეგახსენებთ, რომ სუნიგამ ნეიმარის წინააღმდეგ თამაშის წესი 2014 წლის მსოფლიო ჩემპიონატის 1/4-ფინალური ეტაპის მატჩში დაარღვია, რის გამოც „ბარსელონას“ მოთამაშემ გერმანიის ნაკრებთან 1/2-ფინალურ შეხვედრაში ვერ ითამაშა, რომელშიც მისი გუნდი ანგარიშით 1:7 განადგურდა.
