გავრცელებული ინფორმაციით, „ლოს-ანჯელეს კლიპერსის“ ხელმძღვანელობამ გამთამაშებელ ჯორდან ფარმართან ორწლიანი კონტრაქტი გააფორმა, ხოლო ხელფასის სახით მოთამაშეს 4,2 მილიონი დოლარს მიიღბს.
შეთანხმებაში გაწერილია პუნქტი, რომელიც მეორე სეზონზეცაა გათვლილი.
ახალ კლუბში ფარმარი დარენ კოლისონს შეცვლის, რომელიც „საკრამენტო კინგზის“ რიგებში გადაბარგდა.
განვლილ სეზონში ფარმარმა „ლეიკერსის“ მაისურით 41 მატჩი ჩაატარა, მისმა საშუალო მონაგარმა კი, 10,1 ქულა, 2,5 მოხსნა და 4,9 გადაცემა შეადგინა.
ESPN Los Angeles-ის ინფორმაციით, „ლეიკერსისა“ და „კლიპერსის“ ხელმძღვანელები ფორვარდ ლამარ ოდომის პროგრესს ადევნებენ თვალყურს და გამორიცხული არ არის, ცნობილ მოთამაშეს კონტრაქტი შესთავაზონ. თუმცა ეს იმ შემთხვევაში მოხდება, თუ ისინი დარწმუნებიან იმაში, რომ ამ უკანასკვნელს ნარკოტიკების პრობლემები აღარ აქვს.
ცნობისთვის, არც ისე დიდი ხნის წინ ოდომმა ვარჯიში განაახლა. თავისუფალი აგენტი კარიერის გაგრძელებას აპირებს და უახლოეს მომავალში მას ნაციონალური საკალათბურთო ასოციაციის ერთ-ერთი კლუბის რიგებში გადასვლა სურს.
გასულ სეზონში „კლიპერსის“ მაისურით 34 წლის კალათბურთელის საშუალო მონაგარმა ერთ მატჩში 4 ქულა და 5,9 მოხსნა შეადგინა.
ალექსანდრე მატევოსოვი
