რომის “ლაციოს” გერმანელი თავდამსხმელი, მიროსლავ კლოზე აცხადებს, რომ ის მსოფლიოს 2014 წლის ჩემპიონატზე მოსახვედრად იბრძოლებს.
შეგახსენებთ, რომ ვეტერან ფეხბურთელს, მსოფლიოს ჩემპიონატებზე, ბრაზილიელი რონალდუს რეკორდამდე მხოლოდ ერთი გოლი აშორებს.
“ჩემი აზრით, გერმანიის ეროვნული ნაკრების მწვრთნელი გუნდში ტყუილად არავის აიყვანს, ამიტომ ყველაფერს გავაკეთებ იმისათვის, რომ მსოფლიოს ჩემპიონატზე ვითამაშო. გერმანიის ნაკრებში ძალიან დიდი კონკურენციაა”, – ამბობს კლოზე.
მიუნხენის “ბაიერნის” ნახევარმცველი, ტონი კროოსი რამდენიმე წელიწადში გუნდიდან წასვლას არ გამორიცხავს და აცხადებს, რომ ის სხვა ქვეყნის ჩემპიონატში ძალებს დიდი სიამოვნებით მოსინჯავდა.
შეგახსენებთ, რომ 23 წლის ფეხბურთელს ბავარიულ კლუბთან კონტრაქტი 2015 წელს ეწურება.
“ვერ გეტყვით, რომ “ბაიერნში” კიდევ ათი წელი დავრჩები. ცხოვრებაში ყველაფერი ხდება. სხვა ქვეყნის ჩემპიონატში ძალების მოსინჯვაც სასიამოვნოა, მაგალითად, მიროსლავ კლოზე სწორედ ასე მოიქცა. ამრიგად, არ გამოვრიცხავ, რომ როდესმე ბუნდესლიგა დავტოვო”, – ამბობს კროოსი.
დიტო ჭიჭინაძე
