ჭდე: კრიშტიანუ რონალდუ

პორტუგალიის საფეხბურთო ნაკრების მსოფლიო ჩემპიონატიდან გამოვარდნის შემდეგ, პრესაში სენსაციური ცნობები გავრცელდა, რომლის თანხმადაც კრიშტიანუ რონალდუს კარიერის ტურინის “იუვენტუსში” გაგრძელება აქვს გადაწყვეტილი.

თავდაპირველად, ეს სიახლე ყველამ მორიგ ჭორად მიიჩნია, მაგრამ რაც მეტი დრო გადის, უფრო და უფრო მეტი ავტორიტეტული გაზეთის გარეკანზე ვხედავთ რონალდუს შავ-თეთრ მაისურში.

აღსანიშნავია, ერთ-ერთი იტალიური ტოტალიზატორის (Snai) რეაქცია ამ შესაძლო ტრანსფერთან დაკავშირებით – რონალდუს “იუვეში” გადასვლის განმსაზღვრელი კოეფიციენტი ერთ ღამეში 10-დან 1.85-მდე დაეცა.

რუსული 1xСтавка კი რონალდუს “იუვეში” გადასვლის შანსს 80 პროცენტით აფასებს – 1.25 კოეფიციენტი.

მადრიდის “რეალის” თავდამსხმელ კრიშტიანუ რონალდუს საკმაოდ აქტიურად უწინასწარმეტყველებენ კარიერის ტურინის “იუვენტუსში” გაგრძელებას. პორტუგალიელ სუპერვარსკვლავსა და “ბებერ ქალბატონს” შორის თბილი ურთიერთობის არსებობაზე მეტყველებს აპრილის თვეში ჩაწერილი ინტერვიუ.

“ყველაზე ლამაზი მომენტი იყო ამ საღამოს,” – განაცხადა პორტუგალიელმა ტურინული პუბლიკის ქცევაზე, როდესაც გატანილი გოლი ფეხზე წამოდგომითა და ოვაციებით დააფასეს.

“ძალიან ბედნიერი და აღელვებული ვარ, რადგანაც ეს ის კლუბია, რომეი ბავშვობიდან მომწონდა. მათი ეს აპლოდისმენტები მუდამ დარჩება ჩემს გულში. მინდა მადლობა გადავუხადო ყველა იტალიელს, რომელიც სტადიონზე იყო და ტაში დამიკრა,” – აცხადებს კრიშტიანუ.

მადრიდის “რეალის” პორტუგალიელი სუპერვარსკვლავი კრიშტიანუ რონალდუ კარიერის ტურინის “იუვენტუსში” გაგრძელების ვარიანტს საკმაოდ სერიოზულად განიხილავს. ამ ინფორმაციას იტალიური Tuttosport

მართალია, ჟორჟე მენდეშსა და ტურინულ გრანდს საკმაოდ რთული ურთიერთობა ჰქონდათ 11 წლის წინ მომხდარი კონფლიქტის გამო, მაგრამ, როგორც სჩანს, მათი ურთიერთობა უმჯობესდება – მენდეშმა ახლახან ჟოაო კანსელუს “ვალენსიადან” “იუვეში” გადასვლას შეუწყო ხელი.

წყაროს ცნობით, რონალდუმ უკვე უარყო “რეალის” შემოთავაზება კონტრაქტის გახანგრძლივებასთან დაკავშირებით და ახლა ახალ ვარიანტებს ეძებს. “იუვენტუსში” კი ფიქრობენ, რომ პორტუგალიელის დამატება კლუბის იმიჯზე პროდუქტიულად იმოქმედებს.